ລິ້ງ ສຳຫລັບເຂົ້າຫາ

ວັນພຸດ, 30 ພະຈິກ 2022

ຟິລິບປິນຮຽກຮ້ອງໃຫ້ນາຍໝໍ ເຊົາສູບຢາ


ພວກທີ່ບໍ່ສູບຢາ ແຕ່ຫາກຖືກເຜີຍແບໃສ່ຢາສູບ ຄືຢູ່ໃກ້ກັບຜູ້ທີ່ສູບຢາຫລາຍ ກໍສາມາດໄດ້ຣັບອັນຕະລາຍທາງສຸຂະພາບໄດ້ເຊ່ນກັນ.

ພວກນາຍໝໍທັງຫລາຍໃນປະເທດຟິລິບປິນ ກໍາລັງຖືກຮຽກ ຮ້ອງໃຫ້ເຊົາສູບຢາ ເພື່ອໃຫ້ເປັນຕົວຢ່າງແກ່ບັນດາຄົນ ເຈັບຂອງພວກເຂົາເຈົ້າ.

ສະມາຄົມການແພດຟິລິບປິນກ່າວວ່າ ຕົນກຳລັງສັ່ງຫ້າມ ພວກນາຍໝໍ ບໍ່ໃຫ້ສູບຢາ ໂດຍກ່າວວ່າພວກນາຍແພດ ທັງຫລາຍຄວນຈະປະພຶດຕົນ ໃຫ້ເປັນຕົວຢ່າງໃນເລື່ອງ ຕ່າງໆ ທີ່ກ່ຽວກັບສຸຂະພາບນັ້ນ.

ທ່ານ Oscar Tinio ປະທານສະມາຄົມການແພດ ໄດ້ ອອກຖະແຫລງການສະບັບນຶ່ງ​ໃນ​ວັນ​ເສົາ​ວານ​ນີ້ ເວົ້າວ່າ ຄໍາສັ່ງນີ້ຍັງຈະຮັບປະກັນບໍ່ໃຫ້ ພວກຄົນອື່ນໆ ໄດ້ຮັບຜົນ ກະທົບຈາກການເປັນຜູ້ສູບຢາມືສອງ ​ຍ້ອນຢູ່ໃກ້ພວກນາຍ ໝໍທີ່ສູບ​ຢາ​ນັ້ນ. ເມື່ອ​ຖືກອົງການຂ່າວຝະລັ່ງ ຖາມວ່າ ຖ້າຫາກພວກນາຍໝໍຖືກຈັບໄດ້ວ່າສູບຢາແລ້ວ ຈະມີຫຍັງ​ເກີດຂຶ້ນກັບພວກເຂົາເຈົ້າ? ທ່ານ Oscar Tinio ປະທານສະມາຄົມການ​ແພດ​ຟີ​ລິບ​ປີນ​ຕອບວ່າ ຍັງ​ບໍ່​ຮູ້ ​ແຕ່ທາງສະມາຄົມຈະເປັນຜູ້ຕັດສິນໃຈ ເມື່ອເກີດ​ເຫດການ​ເຊ່ນນັ້ນ.

XS
SM
MD
LG