ປະທານາທິບໍດີແຫ່ງປະເທດ ຟີລິບປິນ ແມ່ນກຳລັງຂົ່ມຂູ່ກົດໄອຍະການເສິກສຳລັບປະ ເທດຂອງທ່ານ.
ໃນການກ່າວຕໍ່ບັນດາສະມາຊິກສະພາການຄ້າໃນເມືອງ Davao ທີ່ຕັ້ງຢູ່ພາກໃຕ້ຂອງ ປະເທດໃນວັນເສົາວານນີ້, ທ່ານ Rodrigo Duterte ໄດ້ກ່າວວ່າ ຖ້າສົງຄາມຢາເສບຕິດ ໄດ້ຂະຫຍາຍເປັນບາງຢ່າງທີ່ “ເປັນຈິງ ແລະ ຮຸນແຮງຫຼາຍ,” ແລ້ວທ່ານຈະປະກາດໃຊ້ ກົດໄອຍະການເສິກ. “ຈະບໍ່ມີໃຜສາມາດຢຸດຂ້າພະເຈົ້າໄດ້.” ທ່ານໄດ້ກ່າວວ່າ ຈຸດປະສົງ ຂອງການເຄື່ອນໄຫວດັ່ງກ່າວຈະເປັນການ “ປົກປັກຮັກສາປະຊາຊົນ ຟີລິບປິນ ແລະ ຊາວໜຸ່ມຂອງດິນແດນແຫ່ງນີ້.”
ປະທານາທິບໍດີທີ່ຕົກເປັນບັນຫານີ້ ໄດ້ສັນຍາທີ່ຈະກວາດລ້າງຢາເສບຕິດຜິດກົດໝາຍ. ໃນການປາບປາມຢາເສບຕິດ 6 ເດືອນທຳອິດຂອງທ່ານນັ້ນ, ປະຊາຊົນເກືອບ 6000 ຄົນ ໄດ້ຖືກຂ້າຕາຍໂດຍຕຳຫຼວດ ແລະ ໜ່ວຍລົງໂທດຜູ້ກະທຳຜິດ, ກໍ່ໃຫ້ເກີດການກ່າວວິ ຈານຈາກກຸ່ມສິດທິມະນຸດ, ອົງການສະຫະປະຊາຊາດ ແລະ ປະທານາທິບໍດີ ບາຣັກ ໂອບາມາ. ທ່ານ Duterte ໄດ້ປະຕິຍານທີ່ຈະບໍ່ສົນໃຈກັບຄຳວິຈານ ແລະ ສືບຕໍ່ການປາບ ປາມ, ແລະ ໄດ້ທ້າທາຍຜູ້ຄັດຄ້ານທ່ານໃຫ້ປົດທ່ານອອກຈາກຕຳແໜ່ງອີກດ້ວຍ.
ປະເທດ ຟີລິບປິນ ເຄີຍປະຕິບັດກົດໄອຍະການເສິກມາກ່ອນ ໃນລະຫວ່າງ ການດຳລົງ ຕຳແໜ່ງຂອງຜູ້ນຳຜະເດັດການ ທ່ານ Ferdinand Marcos.
ພ້ອມດຽວກັນນັ້ນ, ທ່ານ Duterte ກໍໄດ້ກ່າວວ່າ ທ່ານໄດ້ສັ່ງໃຫ້ກອງທັບຂອງທ່ານ “ທຳ ລາຍ” ພວກຫົວຮຸນແຮງຜູ້ທີ່ຫຼົບໜີກັບພວກທີ່ຖືກຂັງຈາກການລັກພາຕົວຂອງພວກເຂົາ. ພວກເຂົາເວົ້າວ່າ, ແລ້ວພວກທີ່ຖືຈັບເປັນຕົວປະກັນເດ? ທ່ານປະທານາທິບໍດີໄດ້ກ່າວວ່າ “ເສຍໃຈ, ພວກເຂົາຈະຕົກເປັນເປົ້າໝາຍເຊັ່ນກັນ.” ຄຳແນະນຳຂອງທ່ານສຳລັບຜູ່ທີ່ ອາດຕົກເປັນຜູ້ເຄາະຮ້າຍນັ້ນແມ່ນຫຍັງ? ທ່ານກ່າວວ່າ “ດີແທ້ແມ່ນຢ່າໃຫ້ຕົນເອງຖືກ ລັກພາຕົວ.”
