ບັນດາເຈົ້າໜ້າທີ່ ຟີລິບປິນ ກ່າວວ່າ ພວກເຂົາເຈົ້າຫວັງວ່າການຕັດ ສິນຄະດີຂອງປະເທດ ກ່ຽວກັບ ເຂດແດນທີ່ມີຄວາມຂັດແຍ້ງກັບຈີນ ໃນທະເລຈີນໃຕ້ ຈະມີຂຶ້ນ ໃນເດືອນເມສາ ຫຼື ພຶດສະພານີ້.
ໂຄສົກກະຊວງການຕ່າງປະເທດ ຟີລິບປິນ ທ່ານ Charles Jose ໄດ້ກ່າວໃນວັນພະຫັດມື້ນີ້ວ່າ ກະຊວງຕ່າງປະເທດແມ່ນຕັ້ງກຳນົດ ເວ ລາກ່ຽວກັບວ່າອົງການໄກ່ເກ່ຍຄວາມຂັດແຍ້ງທີ່ຕັ້ງຢູ່ນະຄອນ Hague ປະເທດເນເທີແລນ ຈະສາມາດໃຊ້ເວລາດົນປານໃດເພື່ອ ດຳເນີນການໃນລະກວ່າງການພິຈາລະນາຄະດີ.
ຈີນ ແມ່ນບໍ່ໄດ້ເຂົ້າຮ່ວມ, ແຕ່ທ່ານ Jose ໄດ້ກ່າວວ່າ ການຕັດສິນ ຂອງສານ, ເຖິງວ່າຈະອອກມາໃນຮູບໃດກໍຕາມ ມັນກໍເປັນຈຸດຢືນ ຢູ່ຄືເກົ່າ.
ທ່ານ Jose ໄດ້ກ່າວວ່າ “ແມ່ນກະທັ້ງສານໄດ້ບອກ ຈີນ ວ່າການ ຕັດສິນນັ້ນແມ່ນມີຂໍ້ຜູກມັດກັບທັງສອງປະເທດ ຟີລິບປິນ ແລະ ຈີນ, ດັ່ງນັ້ນ ຟີລິບປິນ ແລະ ປະເທດອື່ນໆ ແມ່ນກຳລັງຮຽກຮ້ອງ ໃຫ້ ຈີນ ຈົ່ງນັບຖືການຕັດສິນຂອງສານທີ່ໃກ້ຈະປະກົດອອກມາ ນີ້.”
ໃນເດືອນມັງກອນປີ 2013, ຟີລິບປິນ ໄດ້ຍື່ນຟ້ອງຕໍ່ສານຕັດສິນ ໃຫ້ສືບສວນສອບສວນ ໃນສິ່ງທີ່ພວກເຂົາເຈົ້າເອີ້ນວ່າເປັນ “ການ ອ້າງກຳມະສິດ ທີ່ເກີນຂອບເຂດ” ຂອງ ຈີນ ໃນທະເລ ຈີນໃຕ້ ເກືອບທັງໝົດ. ປະເທດ ຟີລິບປິນ ໄດ້ອ້າງໃນສິ່ງທີ່ ຈີນ ເອີ້ນວ່າ ເສັ້ນແຍກ 9 ຂີດ, ເປັນຮູບໂຕ U ໃນພາສາ ອັງກິດ ຕາມແນວທະ ເລຂະຫຍາຍຈາກເກາະ Hainan ໃນຕອນເໜືອຂອງໜ່ານນ້ຳ ໃກ້ກັບຕອນໃຕ້ຂອງປະເທດ ມາເລເຊຍ.
ພວກເຂົາເຈົ້າກໍຍັງຢາກໄດ້ຄຳຊີ້ແຈງກ່ຽວກັບວ່າ ການວັດແທກຂະ
ໜາດແຖວບາງອັນເປັນກ້ອນຫີນ ຫຼືວ່າ ເກາະຕ່າງໆ ເຊິ່ງພວກເຂົາ ເຈົ້າໄດ້ກ່າວວ່າມັນໄດ້ຕົກເຂົ້າໃນເຂດເສດຖະກິດພິເສດຂອງພວກ ເຂົາເຈົ້າ 370 ກິໂລແມັດນັ້ນ ເປັນຫີນຫຼືບໍ່ກໍເກາະດອນຕ່າງໆ.
