ລິ້ງ ສຳຫລັບເຂົ້າຫາ

logo-print

ຊາວປະມົງຟີລິບປີນ ຍັງບໍ່ກ້າ ເຂົ້າໄປຫາປາ ໃນເຂດນ່ານນ້ຳ ທີ່ເປັນຂໍ້ຂັດແຍ້ງກັນ ກັບຈີນ (ສະໄລດ໌)


ທ້າງ Macario Sepulveda ກັບຕັນເຮືອຫາປາ Prince John Paul ເວົ້າວ່າ ດຽວນີ້ເຮືອຂອງລາວບໍ່ເຂົ້າໄປຮອດ ວົງລັດສະໝີ 55 ຫລັກ ຈາກເຂດທະເລຕື້ນ Scarborough Shoal ດ້ວຍຊ້ຳ, ວັນທີ 24 ມີນາ 2014. (Simone Orendain/VOA)
ເມື່ອເກືອບ 2 ປີກ່ອນ​ນີ້ ເຮືອລົບຂອງປະເທດຈີນແລະຟີລິບປີນ ໄດ້ປະເຊີນໜ້າກັນເປັນເວລາຫຼາຍເດືອນ ຢູ່​ບໍລິ​ເວນທະເລຕື້ນ
​ແຫ່ງ​ນຶ່ງ​ທີ່​ເປັນຂໍ້ຂັດແຍ້ງກັນ ຢູ່ໃນເຂດທະເລຈີນໃຕ້. ມາ​ຮອດ
ອາທິດ​ນີ້ ຊາວປະ ມົງທ້ອງຖິ່ນບາງ​ຄົນ ຍັງຫຼີກລ່ຽງບໍລິ​ເວ​ນນັ້ນ​ຢູ່.
ຂໍ້ຂັດແຍ້ງກ່ຽວ​ກັບ​ບໍລິ​ເວນ​ດັ່ງກ່າວນີ້ ຍັງມີການໂຕ້ແຍ້ງກັນຢ່າງ
ຮ້ອນແຮງ ​ເຖິງ​ແມ່ນ​ວ່າ​ໃກ້​ຈະ​ຮອດວັນ​ກຳນົດ​ເສ້ນ​ຕາຍ ສຳ​ຫລັບ​ໃຫ້ຟີລິບປີນຍື່ນຄຳຮ້ອງຮຽນຂອງ​ຕົນ ຕໍ່ສານໄກ່ເກ່ຍສາກົນ ຕ້ານ​
ປະ​ເທດຈີນ​ກ່ຽວ​ກັບການ​ຍາດແຍ່ງດິນ ແດນກັນ​ດັ່ງກ່າວ​ກໍ​ຕາມ.
ຜູ້​ສື່​ຂ່າວ​ວີ​ໂອ​ເອ Simone Orendain ໄດ້ໄປຢ້ຽມຢາມເມືອງ
Masinloc ທີ່ຕັ້ງຢູ່ແຄມ ຝັ່ງທະເລຈີນໃຕ້ ແລະສົ່ງລາຍງານມາ
ຊຶ່ງ​ດາຣາຈະ​ນຳ​ມາສະເໜີທ່ານ.

Macario Sepulveda ​ຫາປາຢູ່ໃນເຂດທະເລຈີນໃຕ້ ມາໄດ້ດົນກ່ວາ 30 ປີ. ລາວເວົ້າ
ວ່າ ລາວ​ເຄີຍຂັບເຮືອທີ່​ລາວ​ເປັນກັບຕັນ​ນັ້ນ ໄປຫາ​ປາຢູ່​ເຂດ Scarborough Shoal ​
ເປັນປະຈຳ ຈົນມາຮອດປະມານ 2 ປີກ່ອນ. ລາວກ່າວວ່່າ ພວກເຮືອສຳ​ຫລວດນ້ອຍໆ
ທີ່ສື່ສານກັບເຮືອຫາປາລຳໃຫຍ່ ເພື່ອແຈ້ງ​ໃຫ້​ຮູ້​ກ່ຽວ​ກັບ​ເຂດ​ທີ່ອຸດົມສົມບູນ​ໄປ​ດ້ວຍປາ
ຢູ່​ໃກ້​ບໍລິ​ເວນທະເລຕື້ນນັ້ນ ກຳລັງຖືກຂັບໄລ່ອອກຈາກບໍລິ​ເວນດັ່ງກ່າວ ໂດຍເຮືອສັງ
ເກດການຂອງຈີນ.

Sepulveda ເວົ້າ​ວ່າ: “ເວລາ​ໃດທີ່ພວກເຮົານຳເອົາປາທີ່ຫາໄດ້ນັ້ນ ກັບ​ເມືອບ້ານ ພວກເຮົາຈະປະເຮືອສຳ​ຫລວດໄວ້ຢູ່ກາງທະເລ. ແລະຖ້າຫາກວ່າ ນ້ຳທະເລປັ່ນ​ປ່ວນມີຄື້ນແຮງ ​ແຕ່​ກ່ອນເຂົາ​ເຈົ້າ​ແມ່ນ​ຈະສາມາດກັບເຂົ້າໄປພັກອາ​ໄສຢູ່ໃນ
ເຂດທະ​ເລຕື້ນນັ້ນ​ໄດ້. ​ແຕ່ດຽວນີ້ ພວກເຂົາບໍ່ສາມາດເຮັດແນວນັ້ນໄດ້ອີກ.”


Sepulveda ເວົ້າວ່າ ບໍລິ​ເວນອ້ອມ​ເຂດທະເລຕື້ນ Scarborough ທີ່ຄົນທ້ອງຖິ່ນເອີ້ນ
ກັນວ່າ Bajo de Masinloc ນັ້ນ ​ແມ່ນປັ່ນ​ປ່ວນ ເຕັມໄປດ້ວຍຄື້ນ​ແຮງ ທີ່​ສາມາດຊັດ​
ເຮືອຂະ​ໜາດ​ນ້ອຍ​ໃຫ້​ໂຍກ​ໄປ​ໂຍກ​ມາ​ໄດ້​. ລາວ​ເວົ້າວ່າ ດຽວນີ້ ເຮືອລຳນ້ອຍໆບໍ່ອອກ
ໄປນອກເຂດທະເລ ຕື້ນ ກາຍ 55 ກິໂລແມັດ ຊຶ່ງໄດ້ເຮັດໃຫ້ປະລິ​ມານ​ປາ ​ທີ່​ເຂົາ​ເຈົ້າ​ຫາ​ໄດ້ຈາກ​ເຂດ​ນັ້ນ ຫຼຸດນ້ອຍລົງຫຼາຍ.
ໝູ່ເກາະ Spratly ໃນເຂດທະເລຈີນໃຕ້ ທີ່ຫລາຍໆປະເທດຍາດກັນອ້າງເອົາກຳມະສິດ.
ໝູ່ເກາະ Spratly ໃນເຂດທະເລຈີນໃຕ້ ທີ່ຫລາຍໆປະເທດຍາດກັນອ້າງເອົາກຳມະສິດ.

ເຈົ້າໜ້າທີ່ການປະມົງຂອງເມືອງ Masinloc ທ່ານ Jerry
Escape ກ່າວວ່າ ​ແຕ່​ກ່​ອນ ມີຊາວປະມົງຮອດ 10 ທີມ
ອອກໄປຫາ​ປາ​ຢູ່​ເຂດ Scarborough Shoal ຊຶ່ງ​ຢູ່​ຫ່າງ
​ອອກ​ໄປ 225 ກິໂລແມັດ ທາງທິດ ຕາເວັນຕົກຂອງເມືອງ.
ດຽວນີ້ ລາວວ່າມີພຽງແຕ່ເຮືອ 3 ລຳ​ເທົ່າ​ນັ້ນ ທີ່ສາມາດອອກ
​ໄປ​ຫາ​ປາ ຮອດ​ເຂດ​ນັ້ນໄດ້.

ທ່ານ Escape ​ເວົ້າ​ວ່າ “ບັນຫາກໍ​ຄືຄ່າໃຊ້ຈ່າຍຂອງ​ເຂົາ​
ເຈົ້າ ເວລາທີ່ເຂົາເຈົ້າອອກໄປຫາ​ປາ​ຮອດ​ພຸ້ນ ຄ່າ​ໃຊ້ຈ່າຍ
​ແມ່ນ​ຫຼາຍໂພດ. ໃນເມື່ອພວກເຂົາຈ່າຍຫຼາຍປານນັ້ນແລ້ວ ເວລາພວກເຂົາກັບຄືນ
ມາ ໂດຍທີ່ບໍ່ມີຫຍັງກັບມາຂາຍນັ້ນ ມັນ​ເຮັດ​ໃຫ້​ເຂົາ​ເຈົ້າ​ທຸກ​ລົງ.”

ທ່ານ Escape ເວົ້າວ່າ ການອອກຫາປາຖ້ຽວ​ນຶ່ງ ຊຶ່ງໃຊ້ເວລາດົນປະມານນຶ່ງອາທິດ ກ່ວາໆ
​ນັ້ນ ມີຄ່າໃຊ້ຈ່າຍປະມານ $2,000 ໂດລ່າ. ຕາມປົກກະຕິ ແມ່ນຫາປາໄດ້ປະມານ 1 ໂຕນ
ແລະສາມາດຂາຍປາ​ໄດ້ ໃນລາຄາ $2.20 ຫາ $3.30 ໂດລ່າ ຕໍ່ກິໂລ.

ທ່ານ Escape ເວົ້າຕື່ມວ່າ ການປະມົງແມ່ນນຶ່ງໃນສາມອຸດສາຫະກຳຫຼັກ ຢູ່ໃນເມືອງນີ້
ແລະລັດຖະບານທ້ອງຖິ່ນກຳລັງພະຍາຍາມແກ້ໄຂ ດ້ວຍການຈັດວາງບ່ອນຢູ່ອາໄສ
ຂອງປາຂຶ້ນຢູ່​ໃກ້​ແຄມຝັ່ງ ເພື່ອດຶງດູດປາ​ເຂົ້າມາ.

ລັດຖະບານຟີລິບປີນ ຢືນຢັນ​ວ່າ ເຂດທະເລຕື້ນ​ Scarborough Shoal ນັ້ນຢູ່ພາຍໃນ
ບໍລິ​ເວນ 370 ກິໂລແມັດຂອງເຂດເສດຖະກິດສະເພາະຂອງຕົນ ອິງຕາມກົດໝາຍສາ
ກົນ. ແຕ່່ຈີນ ທີ່ເອີ້ນເຂດນັ້ນວ່າ Huangyan ກ່າວວ່າ ຕົນມີ ອະທິປະ​ໄຕທີ່​ໂຕ້​ແຍ້​ງບໍ່​
ໄດ້ ​ເໜືອ​ພວກ​ໝູ່​ເກາະ​ໃນ
ທະເລຈີນໃຕ້ ແລະບໍລິ​ເວນ​ນ່ານນ້ຳທີ່ຢູ່ໃກ້ຄຽງ ຮວມທັ​ງ​ເຂດ
ທະເລຕື້ນ Huangyan
.

ປະເທດ ບຣູ​ໄນ ມາເລເຊຍ ຫວຽດນາມ ແລະໄຕ້ຫວັນ ຕ່າງ​ກໍ​ໄດ້​ອ້າງເອົາ​ກຳມະສິດ​
ເປັນ​ບາງ​ສ່ວນ​ຫຼືທັງ​ໝົດ ໃນບໍລິເວນທະເລຈີນ​ໃຕ້ ທີ່ມີ ປາຫຼວງຫຼາຍ ທັງຍັງເປັນເສັ້ນ
ທາງ​ການ​ຄ້າ​ທີ່​ສຳຄັນ ແລະເຊື່ອກັນວ່າ ມີ​ບໍ່​ທາດ hydrocarbon ສຳລອງຢ່າງຫຼວງ
ຫຼາຍນຳ. ​ໃນ​ບໍ່​ເທົ່າ​ໃດ​ປີຜ່ານມາ​ນີ້ ຈີນ​ໄດ້​ເພີ້​ມທະວີ​ການ​ລາດຕະ​ເວນ​ກວດກາ ຢູ່​ບໍລິ​
ເວນ​ນ່ານນ້ຳ​ດັ່ງກ່າວ​ຫຼາຍຂຶ້ນ.

​ໃນທ້າຍເດືອນມັງກອນ ຊາວປະມົງຈາກ​ເມືອງ Masinloc ​ໄດ້ລາຍງານຕໍ່ກອງທັບເຮືອ
ຟີລິບປີນວ່າ ເຮືອສັງເກດການຂອງຈີນໄດ້ໃຊ້ ປືນນ້ຳ ຂັບໄລ່ພວກເຂົາອອກໄປຈາກ
ເຂດນັ້ນ. ລັດຖະບານມານີລາ ສົ່ງໜັງ​ສືປະທ້ວງຕໍ່​ປັກກິ່ງ ກ່ຽວ​ກັບເຫດການທີ່ເກີດຂຶ້ນ.

ເດືອນນຶ່ງຕໍ່ມາ ກະຊວງການຕ່າງປະເທດຈີນ ກ່າວວ່າ ຕົນໄດ້ຂັບໄລ່ເຮືອ ຈຳນວນນຶ່ງ
ຈາກຟີລິບປີນ ທີ່ໄດ້ນຳ​ເອົາ​ອັນ​ທີ່​ຈີນເອີ້ນ​ວ່າ ອຸບປະກອນວັດຖຸກໍ່ສ້າງ ເຂົ້າໄປ​ເຂດ​ທະ​
ເລ​ຕື້ນ​ທີ່​ຊື່ວ່າ Second Thomas Shoal ອັນ​ເປັນ​ເຂດ​ຂັດ​ແຍ້​ງກັນອີກແຫ່ງນຶ່ງ ຢູ່​ໃນ​
ທະເລ​ຈີນ​ໃຕ້ ຕັ້ງຢູ່ທາງທິດຕາເວັນຕົກຂອງແຂວງ Palawan.

ຟີລິບປີນໄດ້ຍື່ນໜັງສືປະທ້ວງອີກຄັ້ງ​ນຶ່ງ ແລະຢືນຢັນວ່າ ຕົນ​ມີສິດທີ່ຈະຂົນສົ່ງສະບຽງ
ໄປໃຫ້ພະນັກງານທະຫານຂອງ​ຕົນ ທີ່ປະຈຳການຢູ່​ໃນເຂດທະເລຕື້ນ​ແຫ່ງນັ້ນ.

ໃນເດືອນມັງກອນປີແລ້ວນີ້ ຟີລິບປີນໄດ້ຍືນໝັງ​ສື​ຟ້ອງຮ້ອງ​ໄປ​ຍັງ​ສານ​ໄກ່ເກ່ຍສາກົນ
ກ່ຽວ​ກັບກໍລະນີ​ຂັດ​ແຍ້​ງກັນ​ ທີ່ທາງຟີລິບປີນເອີ້ນວ່າ ​ເປັນການ ກ່າວ​ອ້າງຫຼາຍ​ເກີນ​ໄປ​
ຂອງຈີນ ​ໃນ​ການອ້າງ​ເອົາ​ກຳມະສິດ​ເໜືອ​ເກືອບ​ວ່າເຂດແດນທັງໝົດໃນທະເລຈີນນັ້ນ.

ຈີນ ທີ່​ອິງ​ການ​ອ້າງ​ອຳມະ​ສິດ​ຂອງ​ຕົນ ໃສ່ແຜນທີ່ເກົ່າແກ່ນັ້ນ ໄດ້ປະຕິເສດຕໍ່ຄຳຟ້ອງ
ຮ້ອງ ແລະຍັງບໍ່ໄດ້ໃຫ້ຄຳຕອບ​ໃດໆ.

​ສ່ວນ​ທາງຟີ​ລິບ​ປິນນັ້ນ ກໍ​ໄດ້​ຢື່ນສະ​ເໜີ ​ເອກະສານຍາວ 4 ພັນ​ໜ້າ ​ສະໜັບສະໜຸນ​ຄຳ​
ຟ້ອງ​ຮ້ອງ​ຂອງ​ຕົ​ນ ຕໍ່​ສານ​ສາກົນ​ທີ່​ນະຄອນ Hague ນັ້ນ ໃນ​ວັນອາທິດ​ວານ​ນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG