ບັນດາເຈົ້າໜ້າທີ່ ຟີລິປິນ ກ່າວວ່າ ມີຢ່າງນ້ອຍ 36 ຄົນ ເສຍຊີວິດ ແລະ ອີກຫຼາຍສິບຄົນ ຍັງຫາສາບສູນ ຫຼັງຈາກເຮືອຂ້າມຟາກລຳນຶ່ງ ໄດ້ຫຼົ້ມ ຢູ່ທາງພາກກາງຂອງປະເທດ.
ເຮືອຂ້າມຟາກ Kim Nirvana ໄດ້ບັນຈຸຜູ້ໂດຍສານ ຈຳນວນ 189 ຄົນ ໃນວັນພະຫັດມື້ນີ້ ເມື່ອເຈົ້າໜ້າທີ່ ກ່າວວ່າ ມັນໄດ້ຂວ້ຳລົງພຽງບໍ່ເທົ່າໃດ ກິໂລແມັດ ຈາກຝັ່ງ ໃນເມືອງ Ormoc ຂອງເກາະ Leyte.
ໜ່ວຍຍາມຝັ່ງ ກ່າວວ່າ ຢ່າງນ້ອຍ 127 ຄົນ ໄດ້ຮັບການຊ່ວຍເຫຼືອອອກມາໄດ້. ພວກນັກດຳນ້ຳ ກຳລັງຊອກຫາພວກຄົນອື່ນໆອີກ ຢ່າງນ້ອຍ 26 ຄົນ ຢູ່ໃນເຮືອທີ່ຈົມລົງນ້ຳສ່ວນນຶ່ງ ທີ່ຍັງຫາຍສາບສູນຢູ່ນັ້ນ.
ເຈົ້າໜ້າທີ່ສຳກຳລັງສືບສວນຢູ່ວ່າ ບັນຫາອາກາດບໍ່ດີ ຫຼື ຄວາມຜິດພາດຂອງມມະນຸດ ທີ່ນຳພາໄປສູ້ການຫຼົ້ມຂອງເຮືອໄມ້ລຳນີ້, ເຊິ່ງຫາກໍໄດ້ເລີ່ມດຳເນີນການເດີນທາງໃນເສັ້ນທາງປະຈຳຫາ ໝູ່ເກາະ Camotes.
ອຸບັດເຫດເຮືອຂ້າມຟາກເຮັດໃຫ້ຄົນເສຍຊີວິດຫຼາຍສິບ, ຖ້າບໍ່ແມ່ນຫຼາຍຮ້ອຍຄົນ, ໃນແຕ່ລະປີຢູ່ປະເທດ ຟີລິບປິນ, ເຊິ່ງສ່ວນໜຶ່ງເປັນຍ້ອນ ບັນຈຸຄົນເກີນກຳນົດ ແລະ ມາດຕະຖານຄວາມປອດໄພຕ່ຳ. ບັນດາເຮືອໂດຍສານແມ່ນລະບົບການຂົນສົ່ງທີ່ມີຄວາມສຳຄັນໃນປະເທດທີ່ເປັນໝູ່ເກາະຕ່າງໆ ທີ່ປະກອບດ້ວຍຫຼາຍກວ່າ 7000 ເກາະນັ້ນ.
