ເດືອນທັນວາປີຜ່ານມານີ້ ລົມອັນຮ້າຍແຮງຂອງພາຍຸໄຕ້ຝຸ່ນ
ໄຫຢ້ຽນ ໄດ້ສ້າງຄວາມເສຍຫາຍຢ່າງໜັກໜ່ວງ ຢູ່ຟີລິບປີນ.
ເວລານີ້ ຫລາຍໆເຂດຂອງປະເທດໝູ່ເກາະແຫ່ງນັ້ນ ຍັງພະ
ຍາຍາມດິ້ນຮົນເພື່ອຟື້ນໂຕຄືນ. ໃນບັນດາຜູ້ທີ່ໄດ້ຮັບຄວາມ
ເສຍຫາຍໜັກທີ່ສຸດນັ້ນ ກໍແມ່ນກະເສດຕະກອນ ຊຶ່ງເກືອບ
ເຄິ່ງນຶ່ງແມ່ນຊາວສວນປູກໝາກພ້າວ. ຢູ່ແຂວງ Leyte ກຳລັງ
ມີການດຳເນີນຄວາມພະຍາຍາມ ເພື່ອຟື້ນຟູອຸດສາຫະກຳສວນ
ພ້າວຄືນມາ. ນັກຂ່າວວີໂອເອ Jason Strother ໄດ້ໄປຢ້ຽມ
ຢາມແຂວງ Leyte ແລະສົ່ງລາຍງານມາ ຊຶ່ງດາຣາຈະນຳມາ
ສະເໜີທ່ານ.
ກ່ອນເກີດພາຍຸນັ້ນ ຊາວກະສິກອນຢູ່ສວນພ້າວ ໃນເຂດຊົນນະ
ບົດຂອງແຂວງ Leyte ແມ່ນພາກັນເກັບກ່ຽວເນື້ອໝາກພ້າວແຫ້ງ ເພື່ອນຳໄປຜະລິດເປັນນ້ຳມັນ. ບັດນີ້ ໄຕ້ຝຸ່ນ ໄຫຢ້ຽນ ໄດ້ທຳລາຍ
ວິທີທຳມາຫາກິນຂອງເຂົາເຈົ້າ ແລະພ້ອມກັນນັ້ນ ກໍເຮັດໃຫ້ອະນາ
ຄົດຂອງຊາວກະສິກອນສວນພ້າວ ຢູ່ໃນແຂວງນີ້ ມືດມົນລົງ.
ຜູ້ຮັກສາການຊົ່ວຄາວຂອງສວນແຫ່ງນຶ່ງ Arnulflo Barcero
ອາຍຸ 52 ປີ ກ່າວວ່າ ໄຕ້ຝຸ່ນໄດ້ພັດແລະໂກ່ນຕົ້ນພ້າວ ສ່ວນໃຫຍ່
ຢູ່ໃນສວນນີ້ ລົງໝົດ. ລາວເວົ້າວ່າ:
“ ກ່ອນໜ້າໄຕ້ຝຸ່ນ ພວກເຮົາມີຕົ້ນພ້າວ 700 ຕົ້ນ ແລະດຽວນີ້ ມີພຽງແຕ່ 90 ຕົ້ນ
ທີ່ຍັງຢືນຢູ່. ມັນເປັນບັນຫາຂອງ ທັງໝົດຊຸມຊົນ ເພາະວ່າພວກເຮົາອາໄສການ
ເກັບກ່ຽວເນື້ອໝາກພ້າວແຫ້ງ ເພື່ອຫາລ້ຽງຊີບ.”
ປະມານ 40% ຂອງຊາວກະສິກອນ ຢູ່ແຂວງ Leyte ແມ່ນເຮັດວຽກຢູ່ໃນອຸດສາຫະກຳ
ສວນພ້າວ. ພວກຕົ້ນພ້າວທີ່ຖືກໄຕ້ຝຸ່ນໂກ່ນລົງນັ້ນ ໝາຍຄວາມວ່າ ເຂົາເຈົ້າບໍ່ມີເນື້ອ
ໝາກພ້າວແຫ້ງທີ່ຈະເອົາໄປຂາຍ ແລະແຮງງານທີ່ເຂົາເຈົ້າວ່າຈ້າງນັ້ນ ກໍບໍ່ມີວຽກເຮັດ.
ແຕ່ຄວາມເສຍຫາຍ ຈາກໄຕ້ຝຸ່ນນີ້ ກັບສ້າງລາຍຮັບໃຫ້ຄົນອີກພວກນຶ່ງ ເຊັ່ນຊ່າງເລື່ອຍ
ທ້າວ Francisco Alverca ທີ່ໄດ້ຖືກຮ້ອງຂໍ ໃຫ້ໄປຊ່ອຍຕັດພວກຕົ້ນໄມ້ ທີ່ຖືກພາຍຸ
ພັດຫັກແລະໂກ່ນລົງນັ້ນ ກໍແມ່ນຄົນນຶ່ງທີ່ໄດ້ຮັບຜົນປະໂຫຍດຈາກ ໄຕ້ຝຸ່ນໄຫຢ້ຽນ.
ທ້າວ Alverca ເວົ້າວ່່າ: “ຂ້ອຍຄິດວ່າ ຈະຕ້ອງໃຊ້ເວລາຫລາຍເດືອນ ຈຶ່ງຈະເຮັດ
ວຽກຢູ່ທີ່ນີ້ແລ້ວໝົດ ເພາະສວນມັນໃຫຍ່ຫລາຍ.”
ທ້າວ Alverca ພ້ອມກັບຊ່າງເລື່ອຍຄົນອື່ນໆ ໄດ້ຖືກວ່າຈ້າງໃຫ້ເຮັດວຽກ ຢູ່ໂຮງເລື່ອຍ
ຫລາຍໆແຫ່ງ ໃນທົ່ວແຂວງ Leyte. ບັນດາອົງການຊ່ອຍເຫຼືອສາກົນເປັນຜູ້ວ່າຈ້າງ
ພວກເຂົາເຈົ້າ ແລະຝຶກແອບພວກຊາວກະສິກອນສວນພ້າວ ໃຫ້ຮູ້ຈັກນຳໃຊ້ເລື່ອຍຈັກ
ເພື່ອສະສາງພວກຕົ້ນໄມ້ຕາຍ ອອກຈາກພື້ນທີ່ ເພື່ອປູກຕົ້ນພ້າວໃໝ່ແທນ. ເວລານີ້ ແມ່ນມີຄວາມຮຽກຮ້ອງຕ້ອງການສູງ ສຳຫລັບໄມ້ທ່ອນຈາກຕົ້ນໝາກພ້າວນັ້ນ.
ພວກໄມ້ທ່ອນເຫລົ່ານີ້ ຖືກຂົນສົ່ງໄປຍັງເມືອງ Tacloban ເພື່ອນຳໄປປຸກບ່ອນຢູ່ອາໄສ
ໃຫ້ແກ່ບັນດາປະຊາຊົນທີ່ໄດ້ສູນເສຍບ້ານເຮືອນແລະບໍ່ມີບ່ອນຢູ່ ຍ້ອນພາຍຸໄຕ້ຝຸ່ນນັ້ນ.
ປະມານ 100 ຄອບຄົວຢູ່ໃນເມືອງ Palo ກຳລັງພາກັນສ້າງບ້ານໃໝ່ຂອງພວກເຂົາເຈົ້າ
ໂດຍໃຊ້ໄມ້ທ່ອນທີ່ຫາກໍຕັດມາໃໝ່ໆນັ້ນ.
ເຮືອນຂອງພໍ່ຕູ້ Rudolfo Palamos ຊາວນາອາຍຸ 74 ປີ ໄດ້ຖືກ ລົມແຮງຂອງໄຕ້ຝຸ່ນ
ໄຫຢ້ຽນ ພັດທຳລາຍເສຍຫາຍຢ່າງສິ້ນເຊີງ.
ພໍ່ຕູ້ Palamos ເວົ້າວ່າ: “ ຢູ່ເຂດນີ້ ມີຕົ້ນໝາກພ້າວຫຼາຍ. ໄມ້ຕົ້ນພ້າວບໍ່ແພງ ແລະ
ມັນກໍໃຊ້ໄດ້ງ່າຍ. ເຮືອນຂ້ອຍສ່ວນໃຫຍ່ ແມ່ນສ້າງໃໝ່ ດ້ວຍໄມ້ທ່ອນຈາກຕົ້ນ
ໝາກພ້າວ ລວມໄປເຖິງຝາ ແລະເສົາທຸກແຈ.”
ຢູ່ໃນພວກສວນພ້າວນັ້ນ ຍັງມີຕົ້ນພ້າວທີ່ລົ້ມເດຍລະດາດ ຢາຍຢູ່ຢ່າງຫຼວງຫຼາຍ ຊຶ່ງພາ
ໃຫ້ວິຕົກກັນວ່າ ຈະບໍ່ສາມາດຕັດຕົ້ນພ້າວພວກນີ້ ໄດ້ທັນເວລາ.
Caroline Gluck ຈາກ OXFAM ອົງການຊ່ວຍເຫລືອທີ່ກຳກັບເບິ່ງນຳໂຮງເລື່ອຍ 6
ແຫ່ງ ພາຍໃຕ້ໂຄງການຊ່ວຍເຫລືອຂອງກຸ່ມຢູ່ໃນແຂວງເລເຕ້ນັ້ນ ເວົ້າວ່າ ເວລາແມ່ນ
ສຳຄັນຫລາຍ. Caroline Gluck ເວົ້າວ່່າ:
“ພາຍໃນ 3 ເດືອນ ແມ່ນມີທາງເປັນໄປໄດ້ວ່າ ຕົ້ນໄມ້ພວກນີ້ ຈະເນົ່າເປື່ອຍໝົດ
ແລະຈະເຕັມໄປດ້ວຍສັດຕູພືດ ແລະສັດຕູພືດພວກນີ້ ກໍແມ່ນສາມາດທຳລາຍ
ພວກຕົ້ນພ້າວ ທີ່ຍັງຢືນຢູ່ ແລະສາມາດອອກໝາກໄດ້ນັ້ນ.”
ເມື່ອໃດທີ່ສະສາງພວກຕົ້ນພ້າວເຫລົ່ານັ້ນ ອອກຈາກພື້ນທີ່ປູກຝັງໄດ້ໝົດແລ້ວ ພວກກຸ່ມ
ຊ່ອຍເຫຼືອຈຶ່ງຈະສາມາດເລີ້ມຕົ້ນຊ່ອຍ ພວກຊາວກະສິກອນ ປູກຕົ້ນພ້າວໃສ່ດິນຂອງ
ພວກເຂົາເຈົ້າຄືນໃໝ່ໄດ້ ແຕ່ມັນກໍຈະຕ້ອງໃຊ້ເວລາອີກຫຼາຍປີ ກ່ວາຕົ້ນໝາກພ້າວທີ່
ປູກໃໝ່ນັ້ນ ຈະອອກດອກອອກຜົນ ໃຫ້ເກັບກ່ຽວໄດ້.
ວີດີໂອ: ການຊອກຄົ້ນຫາພວກທີ່ຫາຍສາບສູນ ຍັງດຳເນີນໄປຢູ່ ທີ່ເມືອງ
Tocloban 3 ເດືອນ ຫລັງຈາກພາຍຸປະທະ:
ໄຫຢ້ຽນ ໄດ້ສ້າງຄວາມເສຍຫາຍຢ່າງໜັກໜ່ວງ ຢູ່ຟີລິບປີນ.
ເວລານີ້ ຫລາຍໆເຂດຂອງປະເທດໝູ່ເກາະແຫ່ງນັ້ນ ຍັງພະ
ຍາຍາມດິ້ນຮົນເພື່ອຟື້ນໂຕຄືນ. ໃນບັນດາຜູ້ທີ່ໄດ້ຮັບຄວາມ
ເສຍຫາຍໜັກທີ່ສຸດນັ້ນ ກໍແມ່ນກະເສດຕະກອນ ຊຶ່ງເກືອບ
ເຄິ່ງນຶ່ງແມ່ນຊາວສວນປູກໝາກພ້າວ. ຢູ່ແຂວງ Leyte ກຳລັງ
ມີການດຳເນີນຄວາມພະຍາຍາມ ເພື່ອຟື້ນຟູອຸດສາຫະກຳສວນ
ພ້າວຄືນມາ. ນັກຂ່າວວີໂອເອ Jason Strother ໄດ້ໄປຢ້ຽມ
ຢາມແຂວງ Leyte ແລະສົ່ງລາຍງານມາ ຊຶ່ງດາຣາຈະນຳມາ
ສະເໜີທ່ານ.
ກ່ອນເກີດພາຍຸນັ້ນ ຊາວກະສິກອນຢູ່ສວນພ້າວ ໃນເຂດຊົນນະ
ບົດຂອງແຂວງ Leyte ແມ່ນພາກັນເກັບກ່ຽວເນື້ອໝາກພ້າວແຫ້ງ ເພື່ອນຳໄປຜະລິດເປັນນ້ຳມັນ. ບັດນີ້ ໄຕ້ຝຸ່ນ ໄຫຢ້ຽນ ໄດ້ທຳລາຍ
ວິທີທຳມາຫາກິນຂອງເຂົາເຈົ້າ ແລະພ້ອມກັນນັ້ນ ກໍເຮັດໃຫ້ອະນາ
ຄົດຂອງຊາວກະສິກອນສວນພ້າວ ຢູ່ໃນແຂວງນີ້ ມືດມົນລົງ.
ຜູ້ຮັກສາການຊົ່ວຄາວຂອງສວນແຫ່ງນຶ່ງ Arnulflo Barcero
ອາຍຸ 52 ປີ ກ່າວວ່າ ໄຕ້ຝຸ່ນໄດ້ພັດແລະໂກ່ນຕົ້ນພ້າວ ສ່ວນໃຫຍ່
ຢູ່ໃນສວນນີ້ ລົງໝົດ. ລາວເວົ້າວ່າ:
“ ກ່ອນໜ້າໄຕ້ຝຸ່ນ ພວກເຮົາມີຕົ້ນພ້າວ 700 ຕົ້ນ ແລະດຽວນີ້ ມີພຽງແຕ່ 90 ຕົ້ນ
ທີ່ຍັງຢືນຢູ່. ມັນເປັນບັນຫາຂອງ ທັງໝົດຊຸມຊົນ ເພາະວ່າພວກເຮົາອາໄສການ
ເກັບກ່ຽວເນື້ອໝາກພ້າວແຫ້ງ ເພື່ອຫາລ້ຽງຊີບ.”
ປະມານ 40% ຂອງຊາວກະສິກອນ ຢູ່ແຂວງ Leyte ແມ່ນເຮັດວຽກຢູ່ໃນອຸດສາຫະກຳ
ສວນພ້າວ. ພວກຕົ້ນພ້າວທີ່ຖືກໄຕ້ຝຸ່ນໂກ່ນລົງນັ້ນ ໝາຍຄວາມວ່າ ເຂົາເຈົ້າບໍ່ມີເນື້ອ
ໝາກພ້າວແຫ້ງທີ່ຈະເອົາໄປຂາຍ ແລະແຮງງານທີ່ເຂົາເຈົ້າວ່າຈ້າງນັ້ນ ກໍບໍ່ມີວຽກເຮັດ.
ແຕ່ຄວາມເສຍຫາຍ ຈາກໄຕ້ຝຸ່ນນີ້ ກັບສ້າງລາຍຮັບໃຫ້ຄົນອີກພວກນຶ່ງ ເຊັ່ນຊ່າງເລື່ອຍ
ທ້າວ Francisco Alverca ທີ່ໄດ້ຖືກຮ້ອງຂໍ ໃຫ້ໄປຊ່ອຍຕັດພວກຕົ້ນໄມ້ ທີ່ຖືກພາຍຸ
ພັດຫັກແລະໂກ່ນລົງນັ້ນ ກໍແມ່ນຄົນນຶ່ງທີ່ໄດ້ຮັບຜົນປະໂຫຍດຈາກ ໄຕ້ຝຸ່ນໄຫຢ້ຽນ.
ທ້າວ Alverca ເວົ້າວ່່າ: “ຂ້ອຍຄິດວ່າ ຈະຕ້ອງໃຊ້ເວລາຫລາຍເດືອນ ຈຶ່ງຈະເຮັດ
ວຽກຢູ່ທີ່ນີ້ແລ້ວໝົດ ເພາະສວນມັນໃຫຍ່ຫລາຍ.”
ທ້າວ Alverca ພ້ອມກັບຊ່າງເລື່ອຍຄົນອື່ນໆ ໄດ້ຖືກວ່າຈ້າງໃຫ້ເຮັດວຽກ ຢູ່ໂຮງເລື່ອຍ
ຫລາຍໆແຫ່ງ ໃນທົ່ວແຂວງ Leyte. ບັນດາອົງການຊ່ອຍເຫຼືອສາກົນເປັນຜູ້ວ່າຈ້າງ
ພວກເຂົາເຈົ້າ ແລະຝຶກແອບພວກຊາວກະສິກອນສວນພ້າວ ໃຫ້ຮູ້ຈັກນຳໃຊ້ເລື່ອຍຈັກ
ເພື່ອສະສາງພວກຕົ້ນໄມ້ຕາຍ ອອກຈາກພື້ນທີ່ ເພື່ອປູກຕົ້ນພ້າວໃໝ່ແທນ. ເວລານີ້ ແມ່ນມີຄວາມຮຽກຮ້ອງຕ້ອງການສູງ ສຳຫລັບໄມ້ທ່ອນຈາກຕົ້ນໝາກພ້າວນັ້ນ.
ພວກໄມ້ທ່ອນເຫລົ່ານີ້ ຖືກຂົນສົ່ງໄປຍັງເມືອງ Tacloban ເພື່ອນຳໄປປຸກບ່ອນຢູ່ອາໄສ
ໃຫ້ແກ່ບັນດາປະຊາຊົນທີ່ໄດ້ສູນເສຍບ້ານເຮືອນແລະບໍ່ມີບ່ອນຢູ່ ຍ້ອນພາຍຸໄຕ້ຝຸ່ນນັ້ນ.
ປະມານ 100 ຄອບຄົວຢູ່ໃນເມືອງ Palo ກຳລັງພາກັນສ້າງບ້ານໃໝ່ຂອງພວກເຂົາເຈົ້າ
ໂດຍໃຊ້ໄມ້ທ່ອນທີ່ຫາກໍຕັດມາໃໝ່ໆນັ້ນ.
ເຮືອນຂອງພໍ່ຕູ້ Rudolfo Palamos ຊາວນາອາຍຸ 74 ປີ ໄດ້ຖືກ ລົມແຮງຂອງໄຕ້ຝຸ່ນ
ໄຫຢ້ຽນ ພັດທຳລາຍເສຍຫາຍຢ່າງສິ້ນເຊີງ.
ພໍ່ຕູ້ Palamos ເວົ້າວ່າ: “ ຢູ່ເຂດນີ້ ມີຕົ້ນໝາກພ້າວຫຼາຍ. ໄມ້ຕົ້ນພ້າວບໍ່ແພງ ແລະ
ມັນກໍໃຊ້ໄດ້ງ່າຍ. ເຮືອນຂ້ອຍສ່ວນໃຫຍ່ ແມ່ນສ້າງໃໝ່ ດ້ວຍໄມ້ທ່ອນຈາກຕົ້ນ
ໝາກພ້າວ ລວມໄປເຖິງຝາ ແລະເສົາທຸກແຈ.”
ຢູ່ໃນພວກສວນພ້າວນັ້ນ ຍັງມີຕົ້ນພ້າວທີ່ລົ້ມເດຍລະດາດ ຢາຍຢູ່ຢ່າງຫຼວງຫຼາຍ ຊຶ່ງພາ
ໃຫ້ວິຕົກກັນວ່າ ຈະບໍ່ສາມາດຕັດຕົ້ນພ້າວພວກນີ້ ໄດ້ທັນເວລາ.
Caroline Gluck ຈາກ OXFAM ອົງການຊ່ວຍເຫລືອທີ່ກຳກັບເບິ່ງນຳໂຮງເລື່ອຍ 6
ແຫ່ງ ພາຍໃຕ້ໂຄງການຊ່ວຍເຫລືອຂອງກຸ່ມຢູ່ໃນແຂວງເລເຕ້ນັ້ນ ເວົ້າວ່າ ເວລາແມ່ນ
ສຳຄັນຫລາຍ. Caroline Gluck ເວົ້າວ່່າ:
“ພາຍໃນ 3 ເດືອນ ແມ່ນມີທາງເປັນໄປໄດ້ວ່າ ຕົ້ນໄມ້ພວກນີ້ ຈະເນົ່າເປື່ອຍໝົດ
ແລະຈະເຕັມໄປດ້ວຍສັດຕູພືດ ແລະສັດຕູພືດພວກນີ້ ກໍແມ່ນສາມາດທຳລາຍ
ພວກຕົ້ນພ້າວ ທີ່ຍັງຢືນຢູ່ ແລະສາມາດອອກໝາກໄດ້ນັ້ນ.”
ເມື່ອໃດທີ່ສະສາງພວກຕົ້ນພ້າວເຫລົ່ານັ້ນ ອອກຈາກພື້ນທີ່ປູກຝັງໄດ້ໝົດແລ້ວ ພວກກຸ່ມ
ຊ່ອຍເຫຼືອຈຶ່ງຈະສາມາດເລີ້ມຕົ້ນຊ່ອຍ ພວກຊາວກະສິກອນ ປູກຕົ້ນພ້າວໃສ່ດິນຂອງ
ພວກເຂົາເຈົ້າຄືນໃໝ່ໄດ້ ແຕ່ມັນກໍຈະຕ້ອງໃຊ້ເວລາອີກຫຼາຍປີ ກ່ວາຕົ້ນໝາກພ້າວທີ່
ປູກໃໝ່ນັ້ນ ຈະອອກດອກອອກຜົນ ໃຫ້ເກັບກ່ຽວໄດ້.
ວີດີໂອ: ການຊອກຄົ້ນຫາພວກທີ່ຫາຍສາບສູນ ຍັງດຳເນີນໄປຢູ່ ທີ່ເມືອງ
Tocloban 3 ເດືອນ ຫລັງຈາກພາຍຸປະທະ: