ລິ້ງ ສຳຫລັບເຂົ້າຫາ

ເຫດລະເບີດຢູ່ສະຖານີລົດເມ ທີ່ຟີລິບປິນ

  • ສິງ ບູຣົມມະວົງ

ການວາງລະເບີດຂອງພວກກໍ່ການຮ້າຍໃນພາກໃຕ້ຂອງຟີລິບປິນ

ຕໍາຫລວ​ດ​ໃນ​ພາກ​ໃຕ້​ຂອງ​ຟີ​ລິບ​ປິນກ່າວ​ວ່າ ລະ​ເບີດ​ລູກນຶ່ງ​ໄດ້​ແຕກ​ຂຶ້ນ​ທີ່ສະຖານີ​ລົດ​ເມ​ໂດຍ
ສານ​ແຫ່ງ​ນຶ່ງ​ ໃນ​ວັນ​ຈັນ​ມື້ນີ້ ​ເຮັດ​ໃຫ້​ປະຊາຊົນ​ເສຍ​ຊີວິດ​ໄປ​ຄົນ​ນຶ່ງ​ ແລະ​ໄດ້​ຮັບ​ບາດເຈັບ​ອີກ 2 ຄົນ.

ທາງ​ການ​ເວົ້າ​ວ່າ ລະ​ເບີດ​ທີ່​ແຕກ​ຂຶ້ນຢູ່​ສະຖານີເຂດເມືອງ Carmen ​ໃນແຂວງ Cotaba-
to ​ເໜືອ​ ​ໄດ້ເຮັດ​ໃຫ້​ 2 ຄົນທີ່ຢູ​ໃນ​ລົດ​ບັສໄດ້​ຮັບ​ບາດ​ເຈັບ​ ​ແລະອີກ​ຄົນ​ນຶ່ງທີ່​ຢືນ​ຢູ່​ໃກ້ໆ
ນັ້ນ ທີ່ເປັນ​ໜຸ່ມ​ນ້ອຍ​ໄວ​ລຸ້ນ ອາຍຸ 17 ປີ​ ຊຶ່ງ​ຜູ້ກ່ຽວ​ໄດ້​ຮັບ​ບາດ​ເຈັບ​ສາຫັດ ແລະ​ໄປ​ເສຍ ​ຊີວິດ​ ໃນ​ເວລາ​ຕໍ່​ມາ​ທີ່​ໂຮງໝໍ.

ຕໍາຫລວດ​ກ່າວ​ວ່າ ພວກ​ເຂົາ​ເຈົ້າ​ກໍາລັງ​ສືບສວນເບິ່ງຄວາມ​ອາດ​ສາມາດເປັນ​ໄປ​ໄດ້​ທີ່​ວ່າ
ໜຸ່ມ​ໄວ 17 ປີ​ຄົນ​ນີ້​ ອາດເປັນຜູ້​ວາງ​ລະ​ເບີດ​ກໍ​ເປັນ​ໄດ້.

ເຫດລະ​ເບີດ​ດັ່ງກ່າວ​ເກີດ​ຂຶ້ນ​ໃນ​ເວລາ​ບໍ່​ຮອດ 1 ​ເດືອນ ຫລັງຈາກ​ວັດຖຸລະ​ເບີດລູກ​ນຶ່ງ​ໄດ້​
ແຕກ​ຂຶ້ນ​ຢູ່​ໃນ​ລົດ​ເມ​ໂດຍສານ​ຄັນ​ນຶ່ງ​ໃນ​ແຂວງ​ດຽວ​ກັນ ຊຶ່ງໄດ້ເຮັດ​ໃຫ້​ປະຊາຊົນ​ເສຍ​ຊີວິ​ດ​ ໄປ 10 ຄົນ​.

ພາກ​ໃຕ້​ຂອງ​ຟີ​ລິບ​ປິນ​ແມ່ນ​ເປັນ​ບ່ອນຢູ່​ອາ​ໄສ​ຂອງ​ພວກ​ລັກ​ຈັບ​ໂຕ​ຜູ້​ຄົນ ກຸ່ມແກ໊ງຍັກ​
ຍອກ​ເອົາເງິນ ​ແລະ​ພວກ​ມຸສລິ​ມທີ່​ໄດ້ກໍ່​ການກະບົດ ເປັນ​ເວລາ​ຫລາຍທົດ​ສະ​ວັດມາ​ແລ້ວ.

XS
SM
MD
LG