ລິ້ງ ສຳຫລັບເຂົ້າຫາ

ການຈັດອັນດັບປະຈຳປີຂອງ ກຸ່ມຕິດຕາມຊິ້ງຊອມສັນຕິພາບ
ທີ່ບໍ່ຝັກໄຝ່ ຝ່າຍໃດ ສະແດງໃຫ້ເຫັນວ່າ ຄວາມຮຸນແຮງ
ໃນຟີລິບປິນ ໄດ້ເພີ້ມທະວີຂຶ້ນໃນ ອັດຕາທີ່ວ່ອງໄວ
ໃນຮອບປີຜ່ານມາ.

ລາຍຊື່ທີ່ພິມອອກເຜີຍແຜ່ໃນວັນອັງຄານວານນີ້ ໂດຍສະຖາ
ບັນເສດຖະ ກິດ ແລະສັນຕິພາບ ທີ່ເອີ້ນຫຍໍ້ວ່າ EPI ນັ້ນ
ສະແດງໃຫ້ເຫັນວ່າ ຟີລິບປິນໄດ້ ຕົກຈາກລຳດັບຂອງ
ປີ 2009 ສິບຂັ້ນ ຄື​ຕົກ​ຈາກ​ອັນ​ດັບ​ທີ 120 ​ມາ​ຢູ່​ໃນ​
ອັນ​ດັບ 130 ໃນການສຶກສາ ຈັດລະດັບ​ຄວາມ​ຮຸນ​ແຮງຢູ່ໃນ​ເກືອບ 150 ປະເທດ
ໃນທົ່ວໂລກ.

ດັດຊະນີສັນຕິພາບໂລກປະຈຳປີທີ 4 ຂອງອົງການ EPI ລາຍງານວ່າ ຄວາມຮຸນແຮງ
ໃນຟີລິບປິນ ໄດ້ເພີ້ມທະວີຂຶ້ນຢ່າງຫຼວງຫຼາຍ ທ່າມກາງສະຖານະ ການທາງດ້ານຄວາມ
ໝັ້ນຄົງ ທີ່ຊຸດໂຊມລົງນັບ​ມື້ ໂດຍສະເພາະແລ້ວແມ່ນບັນຫາ ຂັດແຍ້ງລະຫວ່າງກຸ່ມມຸສະລິມ
ຫົວຮຸນແຮງອາບູຊາຢັບ ແລະລັດຖະບານ
ທີ່ເກາະ JOLO.

ມຽນມາແລະເກົາຫຼີເໜືອ ກໍຕິດອັນດັບຕ່ຳຢູ່ໃນດັດຊະນີດັ່ງກ່າວ ຄື ຕິດອັນ ດັບທີ 132
ແລະ 139 ຕາມລຳດັບຈາກຈຳນວນທັງໝົດ 149 ປະເທດ. ລາຍ ງານເວົ້າວ່າ
ການ​ທີ່ປະເທດທັງສອງຕິດອັນດັບເກືອບລາກທ້າຍ ແມ່ນສະທ້ອນ ໃຫ້ເຫັນເຖິງກໍລະນີ
ຕ່າງໆຂອງບັນຫາຂັດແຍ້ງແລະເລື່ອງຄວາມໝັ້ນຄົງໃນຂອບ ເຂດທີ່ກວ້າງຂວາງ
ແລະພວກທະຫານມີອິດທິພົນຢູ່ໃນລະດັບສູງ.

ດັດຊະນີສັນຕິພາບໂລກ ໄດ້ຈັດ ສປປ ລາວ ຢູ່ໃນອັນດັບທີ 34 ໂດຍມີ ອີຣັກເປັນ
ປະເທດທີ່ມີຄວາມຮຸນແຮງທີ່ສຸດໃນໂລກ ເປັນປີທີ 4 ລຽນຕິດ ຂະນະ ທີ່ນິວຊີແລນ
ເປັນປະເທດທີ່ມີຄວາມສະຫງົບທີ່ສຸດໃນໂລກ ແລະສະຫະລັດ ຕິດອັນດັບທີ 85.

ການຈັດອັນດັບ ທີ່ເກັບກຳຂໍ້ມູນໂດຍໜ່ວຍສືບລັບເສດຖະກິດ ແມ່ນຄຳ ນວນ ໂດຍໃຊ້
ເຄື່ອງຊີ້​ບອກ 23 ຢ່າງ ເຊັ່ນຄວາມຮຸນແຮງໃນການກໍ່ອາຊະຍາ ກຳ ສະເຖຍລະພາບ
ທາງການເມືອງ ແລະການໃຊ້ຈ່າຍທາງທະຫານ ສົມທຽບ ໃສ່ຈຳນວນເຄື່ອງບົ່ງບອກ
ໃນການພັດທະນາທາງດ້ານສັງຄົມ ຮວມທັງການສໍ້ ລາດບັງຫຼວງ ແລະອິສະລະພາບ
ໃນດ້ານການຂ່າວ.

XS
SM
MD
LG