ປະທານາທິບໍດີຟິລິບປີນ ທ່ານ Rodrigo Duterte ໄດ້ປ່ຽນທິດທາງໃນນະໂຍບາຍກ່ຽວ ກັບຈີນ ແລະສະຫະລັດ ຊຶ່ງມັນໄດ້ເພີ່ມຊັ້ນໃໝ່ອີກຊັ້ນນຶ່ງ ໃສ່ຄວາມບໍ່ແນ່ນອນ ຕໍ່ສະມາ ຄົມບັນດາປະຊາຊາດໃນເຂດເອເຊຍຕາເວັນອອກສຽງໃຕ້ຫລືອາຊຽນ.
ກຸ່ມທີ່ມີສະມາຊິກ 10 ປະເທດດັ່ງກ່າວ ແມ່ນກຳລັງຕຽມຕົວສະຫຼອງວັນຂີດໝາຄົບຮອບ 50 ປີ ໃນປີໜ້ານີ້ ໂດຍມີປະເທດ ຟິລິບປີນເປັນປະທານ ຊຶ່ງໃນເວລານີ້ພວມປະເຊີນກັບ ການແບ່ງແຍກທີ່ເພັ່ງເລັງໃສ່ການມີອິດທິພົນເພື່ມຂຶ້ນຂອງຈີນແລະບົດບາດຂອງແຜນຍຸດທະສາດສະຫະລັດຕໍ່ຂົງເຂດດັ່ງກ່າວ.
ໃນລະຫວ່າງການຢ້ຽມຢາມນະຄອນຫຼວງປັກກິ່ງ ຢ່າງເປັນທາງການເມື່ອໄວໆມານີ້ ທ່ານ Duterte ໄດ້ປະກາດແຍກທາງ ກັບສະຫະລັດ ຊຶ່ງເປັນຄູ່ພາຄີທາງດ້ານຍຸດທະສາດມາເປັນເວລາດົນນານ ເພື່ອໄປນິຍົມຈີນ ແຕ່ໄດ້ຖອນຈາກທ່າທີດັ່ງກ່າວ ເວລາທ່ານເດີນທາງກັບຄືນປະເທດ.
“ຂ້າພະເຈົ້າໄດ້ກ່າວວ່າ ການແຍກທາງນັ້ນ ຊຶ່ງໃນຄຳເວົ້າທີ່ແທ້ຈິງແລ້ວແມ່ນການ
ທາງກ່ຽວກັບນະໂຍບາຍການຕ່າງປະເທດ. ໃນອະດີດ ແລະຈົນກວ່າຂ້າພະເຈົ້າເປັນປະທາ ນາທິບໍດີ ພວກເຮົາແມ່ນມີແຕ່ເຮັດຕາມສິ່ງທີ່ສະຫະລັດຈະສະເໜີໃຫ້. ການແຍກທາງໃນນະໂຍບາຍ ການຕ່າງປະເທດນັ້ນ ແມ່ນວ່າບໍ່ຈຳເປັນ ແບບໝຸດຫົວຈົມທ້າຍກັບນະໂຍບາຍການຕ່າງປະເທດຂອງສະຫະລັດ, ນັ້ນລະຄືສິ່ງທີ່ຂ້າພະເຈົ້າໝາຍເຖິງ.
ການປະຕິບັດກໍຄືການແຍກທາງ ຊຶ່ງເປັນວິທີການນຶ່ງຂອງການປະຕິບັດ,” ນັ້ນຄືຄຳເວົ້າ ຂອງທ່ານ Duterte.
ລັດຖະມົນຕີການຕ່າງປະເທດຟິລິບປີນ ທ່ານ Perfecto Yasay ໄດ້ເອົາບາດກ້າວ
ເພື່ອຄ້ຳປະກັນປະຊາຄົມນາໆຊາດ ໂດຍໄດ້ກ່າວຕໍ່ທ່ານ Daniel Russel ລັດຖະມົນຕີຊ່ອຍວ່າການກະຊວງການຕ່າງປະເທດສະຫະລັດຮັບຜິດຊອບກ່ຽວກັບຂົງເຂດເອເຊຍ ຕາເວັນອອກແລະປາຊິຟິກ ທີ່ກຳລັງຢ້ຽມຢາມຟີລິບປິນນັ້ນວ່າທ່ານ Duterte ແມ່ນວ່າໄດ້
ຖອນຄືນຄວາມເຫັນທີ່ທ່ານໄດ້ເຄີຍກ່າວໄປນັ້ນແລ້ວ.
ອ່ານຂ່າວນີ້ເພີ້ມຕື່ມເປັນພາສາອັງກິດ
