ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ກຳລັງ ຟີລິບປິນ ເລີ່ມບຸກໂຈມຕີ ເພື່ອຍຶດຄືນ ເມືອງມາຣາວີ ຈາກພວກຫົວຮຸນແຮງ


ພວກທະຫານຂອງລັດຖະບານ ຍ່າງຜ່ານວັດອິສລາມ ກ່ອນການບຸກໂຈມຕີພວກກະບົດ ຈາກອັນທີ່ເອີ້ນວ່າ ກຸ່ມ Maute ທີ່ໄດ້ເຂົ້າຍຶດເອົາພື້ນທີ່ກວ້າງໃຫຍ່ຂອງ ເມືອງ Marawi ທາງພາກໃຕ້ຂອງຟີລິບປິນ, ວັນທີ 25 ພຶດສະພາ 2017.
ພວກທະຫານຂອງລັດຖະບານ ຍ່າງຜ່ານວັດອິສລາມ ກ່ອນການບຸກໂຈມຕີພວກກະບົດ ຈາກອັນທີ່ເອີ້ນວ່າ ກຸ່ມ Maute ທີ່ໄດ້ເຂົ້າຍຶດເອົາພື້ນທີ່ກວ້າງໃຫຍ່ຂອງ ເມືອງ Marawi ທາງພາກໃຕ້ຂອງຟີລິບປິນ, ວັນທີ 25 ພຶດສະພາ 2017.

ກຳລັງທະຫານ ຂອງຟີລິບປິນ ໄດ້ເຂົ້າ​ໄປ​ໃນ​ເມືອງ​ ທີ່​ຖືກປິດລ້ອມ ເທິງ​ເກາະ
Mindanao ທາງພາກໃຕ້ຂອງປະເທດ ໃນວັນພະຫັດມື້ນີ້ ເພື່ອເລີ່ມຕົ້ນ ກວດລ້າງ
ພວກຫົວຮຸນແຮງອິສລາມ ຜູ້ທີ່ໄດ້ເຂົ້າໄປຄວບຄຸມເກືອບທັງໝົດຂອງເມືອງດັ່ງກ່າວ
ເມື່ອຕົ້ນສັບປະດານີ້.

ເຮລິຄອບເຕີ ທະຫານສອງລຳ ໄດ້ບິນ​ໃນ​ລະດັບຕ່ຳ​ເທິງຫລັງຄາເຮືອນ ຂອງເມືອງ
ດັ່ງກ່າວ ໃນຂະນະທີ່ ພວກລົດຫຸ້ມເກາະ ໄດ້ເຄື່ອນຍ້າຍເຂົ້າໄປໃນຄຸ້ມຕ່າງໆ ຖ່າມ
ກາງ ການຍິງຕອບໂຕ້ ແລະ ມີລະເບີດແຕກຂຶ້ນ ຢ່າງ​ກະຈັດກະຈາ​ຍ. ປະຊາຊົນ
​ສ່ວນ​ນຶ່ງ​ໃນ​ເມືອງ Marawi ຂອງ​ຈຳນວນ​ທັງ​ໝົດ 200,000 ຄົນ ແມ່ນພາກັນ
ຫລົບໜີໄປຫາ​ບ່ອນທີ່ປອດໄພ.

ວິກິດການນີ້ ​ເລີ່ມຂຶ້ນ ເມື່ອຕອນແລງວັນອັງຄານຜ່ານ​ມາ ເວລາ ກຳລັງຮັກສາ
ຄວາມປອດໄພ ຂອງຟີລິບປິນ ໄດ້ປະຕິບັດການ ເພື່ອຈັບກຸມຜູ້ນຳຫົວຮຸນແຮງ
ທ້າວ Isnilon Hapilon ທີ່ເຊື່ອກັນວ່າ ຢູ່ໃນເມືອງ Marawi ຊຶ່ງກຳລັງພັກຟື້ນ
ຈາກບາດແຜຕ່າງໆທີ່ຕົນໄດ້ຮັບ ໃນການປະທະກັນ ກ່ອນໜ້ານີ້. ການບຸກ​ເຂົ້າ​
ໄປ​ກວດຄົ້ນ ໄດ້ຢຸດ​ຊະ​ງັກລົງ ຫຼັງຈາກພວກຫົວຮຸນແຮງໄດ້ບຸກໂຈມຕີ​ເຂົ້າ​ໄປ​
ໃນເມືອງດັ່ງກ່າວ ແລະເລີ່ມເຂັ່ນຂ້າ ຈູດເຜົາເຮືອນຊານບ້ານຊ່ອງ ມະຫາວິທະ
ຍາ ໄລແຫ່ງນຶ່ງ ແລະ ວັດກາໂທລິກຫຼາຍຫລັງ ພ້ອມ​ທັງ ໄດ້ຈັບເອົາຄຸນພໍ່ອົງນຶ່ງ
ແລະ ບຸກຄົນອື່ນໆຫຼາຍສິບຄົນ ຢູ່ທີ່ພະວິຫານ ເພື່ອເປັນຕົວປະກັນ.

ກອງທັບ​ກ່າວ​ວ່າ ມີ​ທະຫານ​ລັດຖະບານ​ຢ່າງ​ນ້ອຍ 6 ຄົນ ​ແລະ​ພວກ​ຫົວ​ຮຸນ​ແຮງ
13 ຄົນ​ເສຍ​ຊີວິດ ​ໃນ​ການ​ສູ້​ລົບ.

ປະທານາທິບໍດີ ຟີລິບປິນ ທ່ານ Rodrigo Duterte ໄດ້ປະກາດກົດໄອຍະການເສີກ
ໃນພາກໃຕ້ຂອງປະເທດຟີ​ລິບ​ປິນ ​ແລະ​ປະກາດ​ວ່າ ທ່ານ​ຈະ​ເອົາມາດ​ຕະການ​ ແບບ​
ເດັດຂາດ ​ກັບ​ພວກ​ຫົວ​ຮຸນແຮງ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG