ພວກເຈົ້າໜ້າທີ່ຟິລິບປິນກ່າວວ່າ ລະເບີດແຮງສູງໄດ້ສັງຫານຢ່າງໜ້ອຍ 3 ຄົນ ແລະບາດ
ເຈັບອີກ 27 ຄົນ ໃນໂຮງແຮມແຫ່ງນຶ່ງທີ່ ອັ່ງອໍດ້ວຍແຂກຮັບເຊີນ ໄປງານແຕ່ງງານ.
ຕໍາຫລວດກ່າວວ່າ ພວກເຂົາເຈົ້າຄົ້ນພົບຮ່ອງຮອຍຂອງລູກລະເບີດຢູ່ໃນໂຮງແຮມລາຄາຖືກ
Atilano Pension House ທີ່ພັງພິນາດນັ້ນ ຫລາຍຊົ່ວໂມງຫລັງຈາກເຫດການລະເບີດ
ເມື່ອຄືນວັນອາທິດວານນີ້ ທີ່ເມືອງທ່າ Zamboanga ທີ່ເກາະມິນດານາວ.
ຄວາມຮຸນແຮງຂອງລະເບີດ ໄດ້ທໍາລາຍຊັ້ນເທິງຂອງໂຮງແຮມສອງຊັ້ນດັ່ງກ່າວ. ແລະໄຟທີ່
ເກີດຈາກແຮງລະເບີດໄດ້ໄໝ້ລາມລົງມາຊັ້ນລຸ່ມພື້ນດິນ.
ເຖິງແມ່ນເວລານີ້ຍັງບໍ່ມີຜູ້ໃດອ້າງເອົາຄວາມຮັບຜິດຊອບເທື່ອກໍຕາມ ແຕ່ເມືອງ Zam
boanga ແມ່ນຕັ້ງຢູ່ເຂດພາຍໃຕ້ການຄຸ້ມຄອງຂອງພວກຫົວຮຸນແຮງ Abu Sayyaf
ທີ່ເຊຶ່ອມໂຍງກັບກຸ່ມອາລຄາອີດາ ທີ່ປະຕິບັດການຢູ່ໃກ້ເກາະ ບາຊິລານ ນັ້ນ.
