ຕໍາຫລວດຟີລິບປິນໄດ້ບຸກເຂົ້າຖະລົ່ມລົດບັສ ທີ່ຜູ້ຈີ້ລົດໄດ້ ກັກພວກຕົວປະກັນ ທີ່ເປັນນັກທ່ອງທ່ຽວ ຈາກຮອງກົງຈໍານວນນຶ່ງ.
ພວກເຈົ້າໜ້າທີ່ທີ່ໃສ່ໝວກກັນນ໊ອກແລະໃສ່ເສື້ອກັນລູກປືນ ໄດ້ເຂົ້າອ້ອມລົດບັສ ແລະພະຍາຍາມໃຊ້ຄ້ອນເຫລັກ ທັບປ່ອງຢ້ຽມເຂົ້າໄປ. ການບຸກໂຈມຕີດັ່ງກ່າວມີຂຶ້ນ ຫລັງຈາກ ໄດ້ມີການຍິງປືນໃສ່ຢາງລົດໃຫ້ແຕກແວບລົງ ແລະລູກປືນບາງລູກ ໄດ້ຖືກປ່ອງຢ້ຽມລົດ ແຕກກະຈາຍໄປ.
ກ່ອນການບຸກໂຈມຕີນັ້ນ ຊາຍຄົນນຶ່ງທີ່ຄິດວ່າເປັນຄົນຂັບລົດບັສຄັນນັ້ນ ໄດ້ແລ່ນໜີອອກຈາກລົດໄປ.
ເຈົ້າໜ້າທີ່ບົ່ງຊື່ຄົນຈັບໂຕປະກັນວ່າ ແມ່ນອະດີດຜູ້ກວດກາຕໍາຫລວດຂັ້ນອາວຸໂສ ທີ່ຖືກໄລ່ ອອກໃນປີ 2008. ຜູ້ກ່ຽວໄດ້ປ່ອຍໂຕປະກັນທີ່ແກ່ຊະລາ ແລະບໍ່ສະບາຍຫລາຍຄົນໃນລະ ຫວ່າງການປະເຊີນໜ້າກັນ ເປັນເວລາຫລາຍຊົ່ວໂມງນັ້ນ ແຕ່ກໍຍັງກັກໂຕປະກັນໄວ້ຢູ່ 15 ຄົນ ຊຶ່ງເຊື່ອວ່າເປັນນັກທ່ອງທ່ຽວຊາວຮອງກົງທັງໝົດ.
ຂ່າວຫລ້າສຸດແຈ້ງວ່າ ມີຜູ້ເສຍຊີວິດ 8 ຄົນ
(ຟັງຫລືອ່ານຂ່າວຫລ້າສຸດເປັນພາສາອັງກິດ ໂດຍຄລິກຢູ່ບ່ອນລິ້ງຄ໌ທີ່ກ່ຽວຂ້ອງກັນ ຢູ່ຂ້າງເທິງ-ຂວາມື.)
