ຊາວ Brazil ປະທ້ວງ ການປະມູນ ພັດທະນາ ບໍ່ນໍ້າມັນ (ວີດີໂອ)

ຕໍາຫຼວດ​ໄດ້​ປະ​ທະ​ກັບພວກ​ປະ​ທ້ວງຕາມ​ຖະໜົນຂອງນະຄອນ
Rio de Janeiro ​ໃນ​ວັນ​ຈັນ​ວານ​ນີ້ ​ໃນ​ຂະນະ​ທີ່​ ລັດຖະບານ
​ຂອງ Brazil ​ໄດ້​ປະກາດຊື່ຜູ້​ຊະນະ​ການ​ປະມູນ ​ເພື່ອພັດທະນາ
​ບໍ່​ນໍ້າ​ມັນນອກ​ຝັ່ງ​ທະ​ເລ ທີ່ອາດ​ມີ​ນໍ້າ​ມັນ​ສໍາລອງ​ຢູ່ ເກືອບຮອດ
12 ພັນ​ລ້ານ ຖັງ.

​ຜູ້​ທີ່​ຊະນະການ​ປະມູນ​ນັ້ນ ​ແມ່ນ​ກຸ່ມ​ບໍລິສັດລົງທຶນ​ຮ່ວມກັນ ອັນ​
ມີທັງ ບໍລິສັດ Shell, Total, ກັບ 2 ບໍລິສັດຈີນ ​ແລະບໍລິສັດລັດ​
ວິ​ສາ​ຫະກິດ Petrobras ຂອງ Brazil​ ​ເອງ.

ພວກ​ປະ​ທ້ວງ​ຈໍານວນ​ຫຼາຍ​ຮ້ອຍ​ຄົນ ທີ່​ຮຽກຮ້ອງ​ໃຫ້ລັດຖະບານ
​ຍຶດ​ເອົາ​ອຸດສາຫະກໍາ​ນໍ້າມັນ​ຂອງ Brazil ​ເປັນ​ຂອງ​ລັດນັ້ນໄດ້​ປະ​ທະ​ກັບ​ພວກ​ຕໍາຫຼວດ
ຢູ່​ນອກ​ໂຮງ​ແຮມບ່ອນ​ທີ່​ການ​ປະມູນ​ໄດ້​ຈັດ​ຂຶ້ນ​ນັ້ນ.

​ການປະ​ທ້ວງໃນ​ວັນ​ຈັນ​ວານ​ນີ້ ​ແມ່ນ​ຮຽກ​ໃຫ້​ມີຂຶ້ນ ​ໂດຍພວກ​ພະນັກງານນໍ້າມັນ​ທີ່​ນັດ
​ຢຸດ​ງານ ​ ຊຶ່ງ​ສະຫະພັນກໍາມະບານຂອງ​ເຂົາ​ເຈົ້າ ໄດ້​ຄັດຄ້ານມາຍາ​ວນານ ຕໍ່​ການ​ພົວ
ພັນຂອງ​ຕ່າງປະ​ເທດ ຢູ່​ໃນ​ອຸດສາຫະກໍາການ​ຜະລິດ​ນໍ້າມັນ​ຂອງ Brazil.

​ຕໍາຫຼວດ ​ໄດ້​ໃຊ້​ເເກ໊ສນໍ້າຕາ ​ແລະລູກ​ປືນ​ຢາງ ​ໃນ​ຄວາມ​ພະຍາຍາມ​ເພື່ອ​ເຮັດ​ໃຫ້ ​ພວກ​
ປະ​ທ້ວງ ສະຫຼາຍຕົວ.