ລິ້ງ ສຳຫລັບເຂົ້າຫາ

ການຍົກຍ້າຍ 7 ບ້ານ ອອກຈາກ ເຂດກໍ່ສ້າງ ເຂື່ອນໄຊຍະບູລີ ຈະສໍາເລັດ ໃນປີ 2015

  • ຊົງຣິດ ໂພນເງິນ

ແຜນທີ່ຂອງໝູ່ບ້ານ ທີ່ຖືກກະທົບ ໂດຍເຂື່ອນໄຊຍະບູລີ
ເຈົ້າໜ້າທີ່ຂັ້ນສູງຂອງລາວຢືນຢັນວ່າການຍົກຍ້າຍປະຊາ
ຊົນໃນ 7 ບ້ານ ອອກໄປຈາກເຂດກໍ່ສ້າງເຂື່ອນໄຊຍະບູລີ ເທິງແນວແມ່ນໍ້າຂອງຈະສໍາເລັດຢ່າງສົມບູນພາຍໃນປີ 2015.


ທ່ານນາງ ບຸນພັກ ອິນທະປັນຍາ ເຈົ້າເມືອງໄຊຍະບູລີ,ແຂວງ
ໄຊຍະບູລີ ຖະແຫຼງຢືນຢັນວ່າ ການຍົກຍ້າຍປະຊາຊົນທີ່ໄດ້
ຮັບຜົນກະທົບຈາກການກໍ່ສ້າງເຂື່ອນໄຊຍະບູລີ ເທິງລໍາແມ່ນໍ້າຂອງຊຶ່ງມີຢູ່ດ້ວຍກັນ 7
ບ້ານນັ້ນ ຈະດໍາເນີນການໃຫ້ສໍາເລັດຢ່າງສົມບູນໃນທຸກດ້ານ ພາຍໃນປີ 2015 ໂດຍ ບ້ານທໍາອິດທີ່ໄດ້ຖືກຍົກຍ້າຍໄປຢູ່ ໃນເຂດຈັດສັນໃໝ່ຮຽບຮ້ອຍແລ້ວໃນຂະນະນີ້ ກໍຄື
ບ້ານຫ້ວຍສຸຍ ໂດຍໄດ້ຖືກຍົກຍ້າຍໄປຢູ່ໃນເຂດບ້ານນາຕໍໃຫຍ່ ຕັ້ງຢູ່ຈາກເຂດເທດສະ ບານ ເມືອງໄຊຍະບູລີ 2 ກິໂລແມັດກວ່າ.

ສໍາລັບປະຊາຊົນທີ່ຖືກຍົກຍ້າຍຈາກບ້ານຫ້ວຍສຸຍ ມາຢູ່ບ້ານນາຕໍໃຫຍ່ ດັ່ງກ່າວນີ້ກໍໄດ້
ຮັບການຊົດເຊີຍ ແລະການຊ່ວຍເຫຼືອຈາກກຸ່ມລົງທຶນໃນໂຄງ ການເຂື່ອນໄຊຍະບູລີຢ່າງ
ຄົບຖ້ວນ ຕາມຂໍ້ຕົກລົງໃນສັນຍາການລົງທຶນ ກໍຄື ການກໍ່ສ້າງທີ່ຢູ່ອາໄສ ການກໍ່ສ້າງເສັ້ນ
ທາງໃນໝູ່ບ້ານ ການຕິດຕັ້ງລະບົບໄຟຟ້າ ນໍ້າປະປາ ການຈັດສັນອາຊີບຄົງທີ່ ແລະສິ່ງອໍາ
ນວຍຄວາມສະດວກຕ່າງໆ ໂດຍແຕ່ລະຄອບຄົວກໍຍັງໄດ້ຮັບການຈັດສັນທີ່ດິນ ເພື່ອການ
ປູກຝັງພືດພັນຕ່າງໆອີກຄອບຄົວລະເຮັກຕ້າ ອີກດ້ວຍ.

ສະຖານທີ່ກໍ່ສ້າງເຂື່ອນໄຊຍະບູລີ
ສະຖານທີ່ກໍ່ສ້າງເຂື່ອນໄຊຍະບູລີ


ສ່ວນອີກ 6 ບ້ານທີ່ເຫຼືອນັ້ນ ກໍປະກອບດ້ວຍບ້ານຕາລານ ບ້ານ
ທ່າເດື່ອ ບ້ານຫ້ວຍເຄືອ ບ້ານປາກເຄົ້າ ບ້ານປາກໄຜ່ ແລະບ້ານ
ຫາດແກ້ວ ຊຶ່ງໃນປັດຈຸບັນ ກໍຢູ່ໃນລະຫວ່າງການບຸກເບີກພື້ນທີ່ ທີ່ຈະຈັດສັນເພື່ອຮອງຮັບປະຊາຊົນໃຫ້ໄດ້ຢ່າງພຽງພໍ ພາຍໃຕ້
ມາດຕະຖານດຽວກັນກັບບ້ານນາຕໍໃຫຍ່ທຸກປະການ ດ້ວຍເຫດ
ນີ້ ຈຶ່ງເຮັດໃຫ້ທາງການລາວໝັ້ນໃຈວ່າ ການຍົກຍ້າຍປະຊາຊົນ
ລາວອອກໄປຈາກເຂດກໍ່ສ້າງເຂື່ອນໄຊຍະບູລີນັ້ນ ຈະບໍ່ມີບັນ
ຫາໃນດ້ານໃດເລີຍ ເນື່ອງຈາກວ່າທຸກຄົນມີຄວາມພໍໃຈໃນສິ່ງ
ທີ່ພວກຕົນໄດ້ຮັບນັ້ນເອງ ດັ່ງທີ່ທ່ານນາງ ບຸນພັກ ໄດ້ຢືນຢັນວ່າ:

ຄິດວ່າຈະບໍ່ມີບັນຫາຫຍັງ ສໍາລັບການຍົກຍ້າຍຈັດສັນ ທາງພວກເຮົາກະໄດ້ ຕຽມພ້ອມແລະກໍໄດ້ໃຫ້ຄວາມສະດວກທຸກຢ່າງແກ່ບໍລິສັດເຮົາ ກໍຄິດໄລ່ຕາມ ລະບຽບຫຼັກການ ໂດຍອິງຕາມຂໍ້ຕົກລົງຂອງທ່ານເຈົ້າແຂວງ.”

ທາງດ້ານອົງການແມ່ນໍ້າສາກົນ (International River) ກໍລາຍງານວ່າການກໍ່ສ້າງເຂື່ອນ
ໄຊຍະບູລີຈະສົ່ງຜົນກະທົບຕໍ່ປະຊາຊົນລາວຫຼາຍກວ່າ 2 ແສນຄົນທີ່ຕ້ອງປະສົບບັນຫາ
ທີ່ດິນທໍາກິນຫລຸດລົງ ເນື່ອງຈາກຖືກນໍ້າຖ້ວມ ສ່ວນປະຊາຊົນລາວອີກຫຼາຍກວ່າ 2,100 ຄົນກໍຈະຕ້ອງຖືກຍົກຍ້າຍອອກໄປ ຈາກທີ່ຢູ່ອາໄສ ແລະທີ່ດິນທໍາກິນຢ່າງສິ້ນເຊີງ ກໍຄື 7 ບ້ານດັ່ງກ່າວນັ້ນເອງ.

ແຕ່ຢ່າງໃດກໍຕາມ ທ່ານບົວຄົງ ນາມບົວວົງ ຮອງເຈົ້າແຂວງຫຼວງພະບາງ ກໍຖະແຫຼງຢືນ
ຢັນວ່າ ໂຄງການກໍ່ສ້າງເຂື່ອນໄຊຍະບູລີຈະສົ່ງຜົນດີຕໍ່ການພັດທະນາ ເພື່ອຍົກລະດັບ
ຊີວິດຄວາມເປັນຢູ່ຂອງປະຊາຊົນໃນແຂວງຫຼວງພະບາງໃຫ້ດີຂຶ້ນນັບມື້ກັບທັງຍັງຈະສົ່ງ
ຜົນດີຕໍ່ການພັດທະນາ ດ້ານການທ່ອງ ທ່ຽວໃນແຂວງຫຼວງພະບາງອີກດ້ວຍ.

ທັງນີ້ໂດຍສະເພາະແມ່ນໃນເຂດເມືອງນ່ານ ທີ່ເປັນເຂດນຶ່ງທີ່ປະຊາຊົນສ່ວນໃຫຍ່ຍັງມີ
ສະພາບຊີວິດການເປັນຢູ່ທີ່ຍາກຈົນຢ່າງຍິ່ງ ແລະດໍາລົງຊີບຢູ່ດ້ວຍdານຕັດໄມ້ທໍາລາຍ
ປ່າເພື່ອການເຮັດໄຮ່ເລື່ອນລອຍ ກໍຈະໄດ້ຮັບຜົນປະໂຫຍດໂດຍກົງຈາກໂຄງການ
ເຂື່ອນໄຊຍະບູລີ ເນື່ອງຈາກວ່າເຂື່ອນໄຊຍະບູລີ ຈະມີສ່ວນຢ່າງສໍາຄັນໃນການຫັນປ່ຽນ
ອາຊີບຂອງປະຊາຊົນລາວໃນເຂດດັ່ງກ່າວ ຊຶ່ງກໍຄືການຫັນປ່ຽນຈາກການຕັດໄມ້ທໍາ
ລາຍປ່າເພື່ອການເຮັດໄຮ່ເລຶ່ອນລອຍ ໄປສູ່ອາຊີບອື່ນໆທີ່ມີຄວາມຍືນຍົງ ແລະມີລາຍໄດ້
ເພີ່ມຂຶ້ນ ເຊັ່ນການກະເສດຄົງທີ່ ແລະການຫາປາເປັນຕົ້ນ.

ໂຄງການເຂື່ຶອນໄຊຍະບູລີ ມີກໍານົດການກໍ່ສ້າງສໍາເລັດໂດຍສົມບູນ ແລະ ເລີ່ມສົ່ງກະແສ
ໄຟຟ້າຂາຍໃຫ້ກັບການໄຟຟ້າຝ່າຍຜະລິດແຫ່ງປະເທດໄທ ນັບແຕ່ປີ 2019 ເປັນຕົ້ນໄປ
ຊຶ່ງຈະເຮັດໃຫ້ກຸ່ມລົງທຶນມີລາຍຮັບຈາກການ ຂາຍພະລັງງານໄຟຟ້າສ່ວນໃຫຍ່ທີ່ຜະລິດ
ໄດ້ເຖິງ 1,285 ເມກາວັດ ນັ້ນ ຄິດເປັນມູນຄ່າລວມກວ່າ 13,000 ລ້ານໂດລາ ໃນຕະຫຼອດ
ໄລຍະສໍາປະທານ 29 ປີ ໂດຍລັດຖະບານລາວກໍຈະໄດ້ສ່ວນແບ່ງຄິດເປັນມູນຄ່າລວມ ເຖິງ 3,900 ລ້ານໃນຕະຫຼອດໄລຍະສໍາປະທານດັ່ງກ່າວ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG