ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອີຣ່ານ ຮຽກຮ້ອງ ໃຫ້ຢຸດຍິງ ໂດຍທັນທີ ໃນ ເຢເມນ


ເຮືອບິນ Helicopters ກຳລັງບິນຂື້ນຈາກ ກຳປັ່ນບັນທຸກເຮືອບິນ USS Theodore Roosevelt ຂອງ ສະຫະລັດ.
ເຮືອບິນ Helicopters ກຳລັງບິນຂື້ນຈາກ ກຳປັ່ນບັນທຸກເຮືອບິນ USS Theodore Roosevelt ຂອງ ສະຫະລັດ.

ອີຣ່ານ​ ໄດ້​ຮຽກຮ້ອງໃຫ້​ຢຸດ​ຍິງ ​ໂດຍ​ທັນທີໃນ​ເຢ​ເມນ ບ່ອນ​ທີ່
ພວກກະບົດ Houthi ​ໄດ້​ຍຶດ​ເອົາ​ເນື້ອ​ທີ່ແລະ​ກໍ່ໃຫ້ເກີດມີການ
ໂຈມຕີທາງອາກາດ ພາຍໃຕ້ການນຳພາ ຂອງຊາ​ອຸ​ດີ ​ເພື່ອໃຫ້
ການສະໜັບສະໜູນປະທານາທິບໍດີ Abd-Rabbu Mansour
Hadi.

ປະທານາທິບໍດີອີຣ່ານ ທ່ານ Hassan Rouhani ກ່າວ​ໃນ​ວັນ
​ອັງຄານ​ມື້​ນີ້ວ່າ ຂໍ້​ສະ​ເໜີ​ເພື່ອໃຫ້ມີການຢຸດຍິງ ການເຈລະຈາ​
ລ​ະຫວ່າງທຸກ​ພັກ​ຝ່າຍ​ຂອງ​ເຢ​ເມນ ​ແລະ​ການ​ສ້າງຕັ້ງ​ລັດຖະ
ບານທີ່ຮວມເອົາທຸກໆກຸ່ມ ຄືຊ່ອງ​ທາງ​ໄປ​ສູ່​ການ​ແກ້​ໄຂ​ ວິ​ກິດ​
ການ​ຂອງ​ປະ​ເທດ.

ການ​ໂຈ​ມຕີ​ຖີ້ມລະ​ເບີດ​ເປັນ​ເວລາ​ສີ່​ອາທິດ ຍັງ​ດຳ​ເນີນຢູ່ຕໍ່ມາ ໃນ​ວັນ​ອັງຄານ​ມື້​ນີ້ ​ໂດຍ
ມີການໂຈມ​ຕີ​ທາງ​ອາ​ກາດເພີ້ມຂຶ້ນໃສ່​ນະຄອນຫລວງ Sanaa’a ທີ່​ກຸ່ມ ກະບົດ Houthi
ຊຶ່ງອີຣັກໜູນຫລັງ ໄດ້ເຂົ້າຍຶດ​ເອົາ​ເມື່ອ​ເດືອນ​ກັນຍາປີກາຍ.

ການ​ໂຈມ​ຕີ​ທາງ​ອາກາດ​ໃສ່ ສາງ​ຈະ​ຫລວດ ​ໃກ້ກັບ​ນະຄອນດັ່ງກ່າວ ໃນ​ວັນ​ຈັນ​ວານ​ນີ້
​ໄດ້​ເຮັດ​ໃຫ້​ເກີດ​ລະ​ເບີດຂະໜາດໃຫຍ່ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 25 ຄົນ ​ແລະ​ໄດ້​
ຮັບ​ບາດ​ເຈັບ​ຫລາຍ​ຮ້ອຍ​ຄົນ.

​ໃນ​ຂະນະ​ດຽວ​ກັນ ສະຫະລັດ ກໍກຳລັງ​ສົ່ງ​ກຳ​ປັ່ນ​ບັນທຸກ​ເຮືອບິນ ​ໄປ​ສົມທົບກັບ ບັນດາ
​ກຳປັ່ນ​ລົບ​ຕ່າງໆ ຂອງສະຫະລັດ ​ໃນເຂດ​ນ່ານ​ນຳ້ໃກ້​ກັບ​ເຢ​ເມນ ໃນອັນ​ທີ່​ທຳນຽບຫ້າ​ແຈ
​ກ່າວ​ວ່າ ​ເປັນ​ການ​ເຄື່ອນ​ໄຫວ​ເພື່ອ​ຄໍ້າປະກັນໃຫ້​ເສັ້ນ​ທາງ​ເດີນ ເຮືອໃນ​ອ່າວເອເດັນ ຍັງເປີດ
ໃຫ້ມີການແລ່ນໄປມາຢູ່.

ໂຄສົກ​ຄົນ​ນຶ່ງ​ ປະ​ຕິ​ເສດ​ວ່າ ບັນດາ​ກຳ​ປັ່ນລົບເຫຼົ່ານີ້ ຈະ​ບໍ່ໃຊ້​ເພື່ອຈັບເຮືອທີ່ສົງໄສ​ວ່າ
ລັກ​ລອບ​ອາວຸດ​ໄປ​ໃຫ້ກະບົດ Houthi.

ໂຄສົກກອງທັບ​ເຮືອ​ທີຫ້າຂອງສະຫະລັດ ທ່ານ Kevin Stephens ກ່າວ​ວ່າ ມີ​ຫລາຍ​ຂັ້ນ
​ຕອນທີ່​ກອງທັບເຮືອ ສາມາດ​ປະຕິບັດ​ໄດ້ ຖ້າ​ຫາກ​ວ່າ​ມີ​ການ​ສະແດງໃຫ້ເຫັນວ່າ ມີ​ອາວຸດ
ຢູ່​ໃນ​ກຳ​ປັ່ນ​ຂອງ​ອີຣ່ານ ຮວມທັງ​ການ​ຮ້ອງ​ຂໍ​ຂື້ນ​ໄປ​ເທິງ​ເຮືອ.

ທຳນຽບຂາວກ່າວ​ວ່າ ຕົນ​ມີ​ຫລັກ​ຖານ ທີ່ວ່າອີຣ່ານ ສົ່ງ​ອາວຸດແລະ​ໃຫ້ການ​ຊ່ວຍ​ເຫລືອ
​ຕ່າງໆ​ແກ່ພວກກະບົດ Houthi.

Yemen
please wait
Embed

No media source currently available

0:00 0:01:01 0:00

XS
SM
MD
LG