ເຈົ້າໜ້າທີ່ກະຊວງປ້ອງກັນປະເທດສະຫະລັດ ກ່າວວ່າ ກອງທັບສະຫະລັດຍັງສືບຕໍ່ມີ
ຄວາມໝາຍໝັ້ນກ່ຽວກັບການປະຕິບັດໜ້າທີ່ຢູ່ໃນອັຟນິສຖານ ເຖິງແມ່ນວ່າໄດ້ມີການ
ປະທ້ວງຢ່າງຮຸນແຮງແລະໂຈມຕີກອງທະຫານຕ່າງປະເທດມາໄດ້ຫຼາຍມື້ແລ້ວກໍຕາມທີ່
ເຮັດໃຫ້ມີຜູ້ເສຍຊີວິດໄປເກືອບ 40 ຄົນ ຮວມທັງທະຫານສະຫະລັດ ອີກສີ່ຄົນ.
ເຈົ້າໜ້າທີ່ທໍານຽບຫ້າແຈ ກ່າວໃນວັນຈັນນີ້ວ່າ ສະມາຊິກກໍາລັງປະສົມ ພາຍໃຕ້ການ
ນຳພາຂອງສະຫະລັດ ຍັງສືບຕໍ່ໃນການປະຕິບັດໜ້າທີ່ໃຫ້ການຝືກແອບແກ່ກຳລັງຮັກ
ສາຄວາມປອດໄພຂອງອັຟການິສຖານ. ຄວາມຮຸນແຮງທີ່ເພີ່ມທະວີຂຶ້ນຍ້ອນມີລາຍງານ
ການຈູດເຜົາຄໍາພີ Quran ຢູ່ຖານທັບສະຫະລັດແຫ່ງນຶ່ງໄດ້ພາໃຫ້ມີຄໍາຖາມກ່ຽວກັບ
ຄວາມຢູ່ລອດ ໃນການສືບຕໍ່ການດໍາເນີນງານຂອງສະຫະລັດຢູ່ໃນອັຟການິສຖານ.
ໂຄສົກທໍານຽບຫ້າແຈ ທ່ານ George Little ໄດ້ກ່າວວ່າ ລັດຖະມົນຕີກະຊວງປ້ອງກັນ
ປະເທດ ທ່ານ Leon Panetta ມີຄວາມເຊື່ອວ່າ “ພື້ນຖານຍຸດຖະສາດຂອງເຮົາ” ໃນ
ອັຟການິສຖານ ຍັງມີຄວາມໝັ້ນຄົງ. ທ່ານກ່າວອີກວ່າ ວໍຊິງຕັນກໍາລັງ “ເບິ່ງໃນແງ່ໄກ”
ໃນການຊັ່ງຊາ ໃນອັນທີ່ທ່ານເອີ້ນວ່າ ກໍາລັງທະຫານຂອງສະຫະລັດ ໄດ້ປະສົບຜົນສໍາ
ເລັດໃນການຕ່າວປີ້ນຄວາມຄືບໜ້າຂອງພວກກະບົດຕາລີບານ.
