ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທຳນຽບຫ້າແຈ ກະກຽມ ປ່ຽນແປງຍຸດທະສາດ ໃນຊີເຣຍ


ລັດຖະມົນຕີ ປ້ອງກັນປະເທດ ທ່ານຈິມ ແມັດຕິສ ທັກທາຍ ກັບ ພວກທະຫານ ທີ່ຄ້າຍທະຫານ ຟອດ ແບຣກ (Fort Bragg) ໃນລັດນອດ ຄາໂຣລີນາ.
ລັດຖະມົນຕີ ປ້ອງກັນປະເທດ ທ່ານຈິມ ແມັດຕິສ ທັກທາຍ ກັບ ພວກທະຫານ ທີ່ຄ້າຍທະຫານ ຟອດ ແບຣກ (Fort Bragg) ໃນລັດນອດ ຄາໂຣລີນາ.

ສະຫະລັດ​ກໍາລັງ​ກະກຽມທີ່​ຈະ​ປ່ຽນແປງແນວທາງ​ຂອງ​ຕົນຢູ່​ໃນ​ຊີ​ເຣຍ ​ໂດຍໃຫ້​ຄໍາໝັ້ນ
ສັນຍາ​ວ່າ​ຈະ​ຊ່ວຍ​ໃນ​ການທໍາ​ການຟື້ນຟູຂັ້ນຕົ້ນຂອງ​ປະ​ເທດ​ດັ່ງກ່າວ ພາຍຫລັງ​ທີ່​ລັດ
ຖະບານ​ທາ​ງສາດສະໜາຂອງ​ກຸ່ມ​ລັດ​ອິສລາມທີ່​ປະກາດຕົນເອົາ​ເອງນັ້ນ ພັງ​ທະລາ​ຍລົງ.

ກໍາລັງ​ທະຫານ​ທີ່ໜຸນຫລັງ​ໂດຍ​ສະຫະລັດ ​ໄດ້​ປົດ​ປ່ອຍ​ນະຄອນຣັກກາ (Raqqa) ຊຶ່ງ
​ເປັນ​ນະຄອນຫລວງ​ຂອງ​ກຸ່ມ​ກໍ່ການ​ຮ້າຍ​ຢູ່​ໃນ​ຊີ​ເຣຍ​ໃນ​ເດືອນ​ຕຸລາ​ຜ່ານ​ມານີ້. ນັບ​ແຕ່​
ນັ້ນມາ ກໍາ​ລັງ​ທະຫານ​ປະຊາທິປະ​ໄຕ​ຂອງ​ຊີ​ເຣຍ ຫລື SDF ​ໄດ້​ສຸມ​ຄວາມ​ພະຍາຍາມ
​ຂອງ​ຕົນໃສ່​ໃນ​ການ​ກໍາຈັດພວກ​ເສດ​ເຫລືອ​ຂອງ​ກຸ່ມ​ລັດ​ອິສລາມ.

​ແຕ່​ວ່າ ຄາດ​ກັນ​ວ່າ​ມີ​ພວກ​ນັກ​ລົບ​ຂອງ​ກຸ່ມ ​ໄອເອັສ (IS) ບໍ່ຮອດ 1,000 ຄົນ ທີ່ຢູ່​ໃນ​
ການຄຸ້ມຄອງ​ຂອງ SDF, ສະນັ້ນ ທ່ານ ຈິ​ມ ​ແມັດ​ຕິ​ສ (Jim Mattis) ​ເວົ້າວ່າ ​ເຖິງເວ
ລາແລ້ວສໍາລັບ​ສິ່ງ​ທີ່​ທ່ານ​ເວົ້າວ່າ ​ເປັນ "ຄວາມ​ພະຍາຍາມ​ທີ່​ກ້າວ​ໄປ​ຂ້າງໜ້າ​ໄປສູ່
​ຄວາມ​ເປັນ​ປົກກະຕິ."

ທ່ານ ​ແມັດ​ຕິ​ສ (Mattis) ກ່າວ​ຕໍ່ນັກ​ຂ່າວ​ປະ​ຈໍາ​ທໍານຽບຂາວໃນ​ວັນ​ສຸກ​ວານ​ນີ້ວ່າ "ສິ່ງ​
ທີ່​ພວກ​ເຮົາ​ຈະ​ເຮັດ​ຕໍ່​ໄປ​ນີ້ກໍ​ຄື ປ່ຽນ​ໄປ​ຈາກ​ການ​ໃຊ້​ແນວ​ທາງທີ່​ຂ້າພະ​ເຈົ້າ​ເອີ້ນວ່າ
ວິທີ​ການຮຸນ​ແຮງ ​ແລ້ວຫັນ​ໄປ​ໃຊ້ວິທີ​ການ​ຍຶດ​ເອົາດິນ​ແດນ". "​ເຈົ້າຈະ​ເຫັນ​ວ່າ ​ມີ​ນັກ​
ການ​ທູດ​ຂອງ​ສະຫະລັດ​ຢູ່​ຜືນ​ແຜ່ນດິນ​ປະ​ເທດ​ດັ່ງກ່າວ​ນັ້ນຫລາຍ​ຂຶ້ນ."

ສະມາຊິກຄົນນຶ່ງ ກຳລັງປະຊາທິປະໄຕຊີເຣຍ ທີ່ໜູນຫລັງໂດຍສະຫະລັດ ແກວ່ງລະເບີດກວດລ້າງ ທີ່ໄດ້ເປັນບ່ອນຢູ່ຂອງນັກລົບອິສລາມ
ສະມາຊິກຄົນນຶ່ງ ກຳລັງປະຊາທິປະໄຕຊີເຣຍ ທີ່ໜູນຫລັງໂດຍສະຫະລັດ ແກວ່ງລະເບີດກວດລ້າງ ທີ່ໄດ້ເປັນບ່ອນຢູ່ຂອງນັກລົບອິສລາມ

ທ່ານ ​ແມັດ​ຕິ​ສ (Mattis) ບໍ່​ໄດ້​ບອກ​ໃຫ້​ຮູ້​ກ່ຽວກັບ​ກໍານົດ​ເວລາ​ວ່າ​ຕອນ​ໃດ​ຈະ​ມີ​ນັກ
​ການທູດ ​ແລະ​ພະນັກງານ​ທາງ​ພົນລະ​ເຮືອນ​ໄປ​ຍັງ​ຊີ​ເຣຍ​ເພີ້ມຂຶ້ນ ​ແລະ​ໄດ້ເນັ້ນໜັກ
ວ່າວຽກງານ​ໃດ​ກໍ​ຕາມ​ທີ່​ດໍາ​ເນີນ​ໄປ​ບໍ່​ໃຫ້​ຖື​ວ່າ​ເປັນ​ການ​ສ້າງສາ​ປະ​ເທດ​ດັ່ງກ່າວ. ນັກ
​ຂ່າວ VOAໄດ້​ຕິດຕໍ່ຫາ​ກະຊວງ​ການ​ຕ່າງປະ​ເທດ​ສະຫະລັດ​ເພື່ອ​ຂໍ​ຄໍາ​ຄິດ​ເຫັນ​ຕໍ່​ເລື່ອງ
​ດັ່ງກ່າວ.

ນອກ​ນັ້ນ ລັດຖະມົນຕີ​ກະຊວງປ້ອງ​ກັນ​ປະ​ເທດ ສະຫະລັດ ຍັງ​ກ່າວເພີ້ມວ່າ "​ເມື່ອ​ເຮົາ
​ເອົາ​ນັກ​ການ​ທູດ​ໄປ​ຍັງ​ທີ່​ນັ້ນ​ເພີ້ມຂຶ້ນ ພວກ​ເຂົາ​ເຈົ້າຈະ​ດໍາ​ເນີນ​ງານ​ເພື່ອຟື້ນຄືນ​ໃນ​ຂັ້ນ
ຕົ້ນ ​ເພື່ອ​ໃຫ້​ມີການ​ບໍລິການກັບ​ຄືນ​ມາອີກ. ພວກ​ເຂົາ​ເຈົ້າຈະ​ເອົາ​ພວກ​ສັນຍາ​ຈ້າງໄປ​
ຍັງ​ທີ່​ນັ້ນ. ຫລື​ສິ່ງ​ໃດ​ສິ່ງ​ນຶ່ງ​ແບບ​ນັ້ນ." "ມັນ​ຈະ​ມີ​ເງິນ​ຂອງ​ສາກົນ​ທີ່​ຕ້ອງ​ໄດ້​ຄຸ້ມ​ຄອງ​ບໍລິ
ຫານ​ເພື່ອ​ຮັບປະກັນ​ວ່າ ​ເງິນ​ນັ້ນຈະໃຊ້​ເຂົ້າ​ໃນ​ວຽກງານ​ໃດ​ນຶ່ງ ​ແລະ​ບໍ່​ໄດ້​ໄປ​ເຂົ້າຖົງ​
ຂອງ​ຄົນ​ທີ່ບໍ່ຄວນ​ໄດ້​ຮັບ."​

ຈະ​ມີ​ການ​ສຸມຄວາມ​ພະຍາຍາມ​ໃສ່​ການກວດ​ລ້າງ​ຂົງ​ເຂດ​ພື້ນທີ່​ ທີ່​ຄັ້ງນຶ່ງ​ເຄີຍ​ຖືກປົກ​
ຄຸມ​ໂດຍລະ​ເບີດຂອງ​ພວກ​ກຸ່ມ ​ໄອ​ເອັສ, ທີ່​ທ່ານ Mattis ພັນ​ລະ​ນາ​ວ່າ "​ເປັນ​ການ​ດໍາ​
ເນີນ​ງານ​ທີ່ໜັກ," ​ເພື່ອຂົນ​ສິ່ງ​ສະຫລັກ​ຫັກ​ພັງ​ອອກ, ຟື້ນຄືນ​ການ​ບໍລິການ​ແບບພື້ນຖານ​
ອັນ​ອື່ນ ​ແລະ​ເຮັດ​ໃຫ້​ໂຮງຮຽນ​ເປີດ​ສອນ​ຄືນ​ໄດ້ອີກ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG