ລິ້ງ ສຳຫລັບເຂົ້າຫາ

ສຫລ ສັ່ງທົບທວນ ການຮັກສາ ຄວາມປອດໄພ ຢູ່ຕາມ ຄ້າຍຕ່າງໆ ທົ່ວໂລກ (ວີດີໂອ)


ລັດຖະມົນຕີກະຊວງປ້ອງກັນປະເທດ ທ່ານ Chuck Hagel ແລະ ບັນດາເຈົ້າໜ້າທີ່ຂັ້ນສູງທີ່ສໍາຄັນ ໄວ້ອາໄລ ທີ່ Navy Yard ນະຄອນຫລວງ ວໍຊິງຕັນ
ລັດຖະມົນຕີ​ກະ​ຊວງ​ປ້ອງກັນ​ປະ​ເທດສະຫະລັດ ທ່ານ Chuck
Hagel ສັ່ງ​ໃຫ້​ທົບ​ທວນ​ການ​ຮັກສາ​ຄວາມ​ປອດ​ໄພ ຢູ່​ຕາມ​
ຄ້າຍທະຫານ​ຕ່າງໆ ຂອງສະຫະລັດ ຢູ່ໃນທົ່ວ​ໂລກ ຫລັງ​ຈາກ
ມື​ປືນ​ຄົນ​ນຶ່ງ​ໄດ້​ສັງຫານ 12 ຄົນ​ຢູ່​ຄ້າຍ​ທະຫານ​ເຮືອ Navy
Yard ທີ່​ນະຄອນຫລວງວໍ​ຊິງ​ຕັນ.

ທໍານຽບຫ້​າ​ແຈກ່າວ​ວ່າ ລາຍ​ລະອຽດ​ຂອງ​ການທົບ​ທວນ ຈະ
​ປະກາດໃຫ້​ຊາບ ໃນ​ວັນ​ພຸດ​ມື້​ນີ້.

ມື​ປືນ ທີ່​ຍິງ​ສັງຫານ ຢູ່ຄ້າຍ​ທະຫານ​ເຮືອ Navy Yard ອາຍຸ 34
ປີ ທ້າວ Aaron Alexis ​ໄດ້​ຖືກ​ຕຳຫຼວດຍິງ​ຕາຍ​ປະມານ 30 ນາ
ທີ ຫຼັງ​ ຈາກ​ລາວ​ໄດ້​ເລີ້ມ​ຍິງ​ສັງຫານຢ່າງ​ບໍ່​ເລື​ອກໜ້າ. ອົງການ​
ສັນຕິ​ບານ​ກາງ ສະຫະລັດຫລື FBI ກ່າວ​ວ່າ ລາວ​ໄດ້​ດຳ​ເນີນ​ການ
​ຕາມ​ລຳພັງ​ແຕ່​ພຽງ ​ຄົນ​ດຽວ ​ແລະ​ເຂົ້າ​ໄປ​ໃນ​ຄ້າຍທະຫານ​ເຮືອດັ່ງ
ກ່າວ ດ້ວຍ​ບັດປະ​ຈໍາ​ໂຕ​ທີ່​ຖືກຕ້ອງ. ຈຸດປະສົງ​ຂອງ​ລາວຍັງ​ບໍ່​ທັນ​
ເປັນ​ທີ່​ຮູ້​ກັນ​ເທື່ອ​ແຕ່​ຕໍາຫລວດ​ກ່າວ​ວ່າ ບໍ່​ມີ​ຫລັກ​ຖານໃດໆ ທີ່​ພົວ
ພັນ​ກັບ​ການ​ກໍ່​ການ​ຮ້າຍ.

ບັນດາ​ຜູ້​ສືບສວນ ກ່າວ​ວ່າ ທ້າວ Alexis ເປັນ​ໂຣກຈິດມີ​ຄວາມ​ຢ້ານ​ກົວ ນອນ​ບໍ່ຫ​ລັບ ​ແລະ​ກ່າວ​ອ້າງ​ວ່າ ລາວ​ໄດ້​ຍິນ​ສຽງ​ຕ່າງໆ. ຄອບຄົວ​ຂອງ​ລາວ​ກ່າວ​ວ່າ ລາວເຄີຍ​ໄປ​ຂໍ​ຮັບການ​ປິ່ນປົວ​ ກ່ຽວ​ກັບໂຣກ​ຈິດມາ​ກ່ອນ.

ບໍລິສັດ​ທີ່​ຈ້າງ ທ້າວ Alexis ກ່າວ​ວ່າ ລາວ​ໄດ້​ເຮັດ​ວຽກ​ຢູ່​ຕາມ​ຄ້າຍ​ທະຫານຢ່າງ​ໜ້ອຍຫົກ​ແຫ່ງ ໃນ​ເດືອນ​ກໍລະກົດ ​ແລະ​ສິງຫາ​ຜ່ານ​ມ ​ໂດຍ​ປາດ​ສະ​ຈາກ​ເຫດ​ຮ້າຍ​ໃດໆ.

ເບິ່ງວີດີໂອກ່ຽວຂ້ອງ

XS
SM
MD
LG