ໃນຂະນະດຽວກັນ ທ່ານ Ashton Carter ລັດຖະມົນຕີປ້ອງກັນ
ປະເທດສະຫະລັດ ທີ່ເດີນທາງໄປຮອດເກົາຫຼີໃຕ້ໃນວັນພະຫັດ
ມື້ນີ້ ກ່າວວ່າ ການທົດລອງລູກສອນໄຟໃນຫວ່າງໄວໆຜ່ານມາ
ນີ້ຂອງພຽງຢ້າງເປັນຄຳເຕືອນອັນໜຶ່ງກ່ຽວກັບສະຖານະການທີ່
ອັນຕະລາຍແນວໃດທີ່ ແຫຼມເກົາຫຼີນັ້ນ.
ໃນການຖະແຫຼງທີ່ຖານທັບອາກາດ Yokota ກ່ອນຈະອອກ
ເດີນທາງໄປຍັງເກົາຫຼີໃຕ້ ທ່ານ Carter ກ່າວຕໍ່ບັນດານັກຂ່າວ
ວ່າ ທ່ານ” ເວົ້າຍົກຍໍເກີນຄວາມເປັນຈິງ” ຖ້າຫາກວ່າການ
ທົດລອງລູກສອນໄຟຂອງເກົາຫຼີເໜືອໄດ້ມີຄວາມໝາຍວ່າ “
ເປັນສານສະແດງການຕ້ອນຮັບ” ສຳລັບທ່ານນັ້ນ.
ໄດ້ມີການຍິງລູກສອນໄຟໃນລະຍະໃກ້ຫລາຍລູກໃນສັບປະດານີ້ ທີ່ຕົກລົງໃສ່ທະເລນອກ
ຝັ່ງຕາເວັນຕົກຂອງເກົາຫຼີເໜືອ ແລະເກົາຫຼີເໜືອກໍໄດ້ຍິງລູກສອນໄຟ 4 ລູກໃນການທົດລອງຄ້າຍຄືກັນນີ້ ໃນວັນສຸກສັບປະດາແລ້ວນີ້.
ມັນບໍ່ເປັນຂອງທີ່ຜິດທຳມະດາສຳລັບເກົາຫຼີເໜືອທຳການທົດລອງເຊັ່ນນີ້ ກ່ອນການຢ້ຽມ
ຢາມໃນຂົງເຂດ ໂດຍບັນດາເຈົ້າໜ້າທີ່ສະຫະລັດ ຫຼື ໃນລະຫວ່າງທີ່ເກີດຄວາມເຄັ່ງຕຶງ
ສູງຂຶ້ນ ກັບເກົາຫຼີໃຕ້ ຊຶ່ງເປັນຄູ່ສັດຕູ ນັ້ນ.
ໃນວັນພະຫັດມື້ນີ້ ກະຊວງປ້ອງກັນປະເທດຂອງເກົາຫລີໃຕ້ ເອີ້ນການທົດລອງໃນສັບປະ
ດານີ້ວ່າ ເປັນການທົດລອງຕາມປົກກະຕິ ແລະກ່າວຕື່ມວ່າ ລູກສອນໄຟເຫຼົ່ານີ້ ບໍ່ໄດ້ເປັນໄພຂົ່ມຂູ່ໃນດ້ານຄວາມປອດໄພທີ່ຮ້າຍແຮງໃດໆຕໍ່ເກົາຫຼີໃຕ້.
ບັນດາເຈົ້າໜ້າທີ່ເກົາຫຼີໃຕ້ ຍັງກ່າວເຊັ່ນກັນວ່າ ການຍິງລູກສອນໄຟເຫຼົ່ານີ້ ປາກົດວ່າ ເປັນການຕອບໂຕ້ອັນໜຶ່ງຕໍ່ການຊ້ອມລົບຮ່ວມ Foal Eagle ທີ່ກຳລັງດຳເນີນໄປຢູ່ໃນເວລາ
ນີ້ລະຫວ່າງສະຫະລັດແລະເກົາຫຼີໃຕ້.
ການຊ້ອມລົບຮ່ວມປະຈຳປີດັ່ງກ່າວ ໄດ້ເປັນແຫຼ່ງທີ່ມາຂອງຄວາມເຄັ່ງຕຶງຕາມປົກກະຕິລະຫວ່າງສອງເກົາຫຼີ ຊຶ່ງໃນທາງເຕັກນິກແລ້ວ ແມ່ນ ຍັງຢູ່ໃນພາວະສົງຄາມ ນັບແຕ່ບັນ
ຫາຂັດແຍ້ງລະຫວ່າງປະເທດທັງ ສອງ ໄດ້ຍຸດຕິລົງໃນໃນຊຸມປີ 1950ດ້ວຍການສະຫງົບ
ເສິກຊົ່ວຄາວ ແທນທີ່ຈະເປັນສົນທິສັນຍາສັນຕິພາບນັ້ນ.
ຝ່າຍພຽງຢ້າງກ່າວວ່າ ຕົນຖືເລື້ອງການຊ້ອມລົບນີ້ເປັນການກະກຽມເພື່ອການຮຸກຮານ ໃນຂະນະດຽວກັນຝ່າຍວໍຊິງຕັນແລະໂຊລ ກ່າວວ່າ ການຊ້ອມລົບດັ່ງກ່າວ ແມ່ນຢູ່ໃນລັກສະ
ນະເປັນການປ້ອງກັນເທົ່ານັ້ນ.
ການຂົ່ມຂູ່ ໂດຍເກົາຫຼີເໜືອນີ້ ຄາດວ່າຈະເປັນຫົວຂໍ້ສຳຄັນຂອງການໂອ້ລົມສົນທະນາກັນ ສຳລັບການພົບປະຫາລືກັນຂອງທ່ານ Carter ກັບບັນດາເຈົ້າໜ້າທີ່ຂັ້ນສູງໃນນະຄອນ
ຫລວງໂຊລ ນັ້ນ.
