ເກືອບສອງອາທິດຜ່ານມາແລ້ວ ຫຼັງຈາກທີ່ ທ້າວ Dzhokhar
Tsarnaev ໄດ້ຖືກຕັດສິນວ່າຜິດ ໃນການວາງລະເບີດ ທີ່ຮ້າຍ
ແຮງເຖິງແກ່ຊີວິດ ໃນ Boston Marathon ປີ 2013 ຊຶ່ງຄະນະ
ຕຸລາການ ລັດຖະບານກາງ ຈະກັບຄືນມາທຳງານ ໃນວັນອັງຄານ
ມື້ນີ້ ເພື່ອທີ່ຈະພິຈາລະນາເບິ່ງວ່າ ຈະລົງໂທດ ປະຫານຊີວິດຜູ້ກ່ຽວ
ຫຼື ໃຫ້ຈຳຄຸກຕະຫລອດຊີວິດ.
ບັນດາໄອຍະການ ພວມຫາທາງ ຢາກໃຫ້ລົງໂທດປະຫານຊີວິດ
ຕໍ່ ທ້າວ Tsarnaev ອົບພະຍົບຊາວ Chechen ໄວ 21 ປີ ຍ້ອນ
ຄາດຕະກຳ 3 ຄົນໃນການວາງລະເບີດ ຊຶ່ງໄດ້ເກີດຂຶ້ນຢູ່ເສັ້ນໄຊ
ຂອງການແຂ່ງຂັນ ແລ່ນມາຣາທອນນັ້ນ. ແຕ່ພໍ່ແມ່ຂອງຜູ້ທີ່ເສຍ
ຊີວິດຄົນນຶ່ງ ອາຍຸ 8 ປີ ຊື່ວ່າ Martin Richard ໄດ້ຂໍຮ້ອງໃຫ້ກະຊວງຍຸດຕິທຳ ສະເໜີໃຫ້
ທ້າວ Tsarnaev ຮັບເອົາການລົງໂທດ ຈຳຄຸກຕະຫລອດຊີວິດ ໂດຍປາດສະຈາກການ
ປ່ອຍໂຕ ຫລື ການອຸທອນໃດໆ ເພື່ອແລກປ່ຽນກັບ ການບໍ່ລົງໂທດປະຫານຊີວິດ.
ທ່ານ Bill ແລະ ທ່ານນາງ Denise Richard ໄດ້ຂຽນບົດຄວາມສະບັບນຶ່ງໃນ ໜັງສືພິມ The Boston Globe ເມື່ອອາທິດແລ້ວນີ້ ທີ່ກ່າວວ່າ “ພວກຂ້າພະເຈົ້າ ຮູ້ດີວ່າ ລັດ
ຖະບານ ມີເຫດຜົນຂອງຕົນ ສຳຫລັບການຫາທາງໃຫ້ລົງໂທດປະຫານຊີວິດ ແຕ່
ການສືບຕໍ່ຊອກຫາ ລົງໂທດນັ້ນ ອາດຈະພາໃຫ້ມີການຂໍອຸທອນ ເປັນເວລາຫຼາຍປີ
ແລະ ຈະເຮັດໃຫ້ຄວາມເຈັບປວດຂອງມື້ນັ້ນ ໃນຊີວິດຂອງພວກເຮົາ ແກ່ຍາວອອກ
ໄປອີກ.”
ທ່ານນາງ Jessica Kensky ແລະ Patrick Downes ຄູ່ສາມີພັນລະຍາ ຈາກນະຄອນ
Boston ທີ່ໄດ້ສູນເສຍຂາ ໃນການໂຈມຕີນັ້ນ ຍັງໄດ້ຮຽກຮ້ອງ ບັນດາໄອຍະການ ໃຫ້ຍົກ
ເລີກຄວາມພະຍາຍາມຂອງພວກເຂົາເຈົ້າ ທີ່ຈະລົງໂທດປະຫານຊີວິດຕໍ່ທ້າວ Dzhokhar
Tsarnaev.
