ລິ້ງ ສຳຫລັບເຂົ້າຫາ

logo-print

ເພັນ ຫົງທອງ ກັບປື້ມປຸງແຕ່ງອາຫານລາວ


ການປຸງແຕ່ງອາຫານລາວເພື່ອສຸຂະພາບ ໂດຍ ເພັນ ຫົງທອງ

ລາຍການຊີວິດຊາວລາວໃນຕ່າງແດນຂອງ VOA ໃນສອງອາທິດຜ່ານມານີ້ ໄດ້ນໍາສະເໜີ ການສໍາພາດກັບ ເພັນ ຫົງທອງ ແມ່ຄົວແລະເຈົ້າຂອງຜົນງານປື້ມການປຸງແຕ່ງອາຫານ ລາວ "Simple Laotian Cooking" ມາໃຫ້ທ່ານຜູ້ຟັງໄດ້ຮັບຟັງເຖິງບົດບາດແລະຄວາມ ເປັນມາ ຂອງຜູ້ກ່ຽວຢ່າງລະອຽດ. ຂ້າງລຸ່ມນີ້ແມ່ນບົດສໍາພາດທັງສອງພາກ.

ພຽງເພັນ ຫົງທອງ ຫຼື ທີ່ຮູ້ກັນໃນນາມ ເພັນ ຫົງທອງ ເຈົ້າຂອງປື້ມຄົວກິນ 2 ເຫຼັ້ມ ໄດ້
ເຂົ້າມາເຖິງສະຫະລັດ ຕອນອາຍຸ 18 ປີ. ເພັນເປັນລູກຄົນທີ່ 3 ຂອງອ້າຍເອື້ອຍນ້ອງທັງ
ໝົດ 9 ຄົນ. ອົບພະຍົບເຂົ້າມາຢູ່ເມືອງ Long Island ລັດ New York ໃນປີ 1980.
ເພັນເລົ່າສູ່ຟັງວ່າ ຕອນຍັງນ້ອຍນັ້ນ ໄດ້ຊ່ອຍແມ່ເຖົ້າແຕ່ງຢູ່ແຕ່ງກິນມາຕະຫຼອດ ຈົນກາຍ
ມາເປັນຄວາມເຄີຍຊິນແລະມັກຮັກໃນການຄົວກິນຕັ້ງແຕ່ນັ້ນມາ ຊຶ່ງລາວເລົ່າໃຫ້ຟັງວ່າ:

"ເພາະວ່າມີເອື້ອຍອ້າຍນ້ອງຫຼາຍຄົນ ຊ່ອຍແມ່ຖົ້າຕະຫຼອດ ແມ່ເພິ່ນກະມີແຕ່ມີລູກທຸກປີ​ ກະໄດ້ຊອ່ຍແມ່ເຖົ້າເຣັດຄົວກິນຕະຫຼອດ ແມ່ເຖົ້າກະມີແຕ່ສວນຜັກ ກະຊ່ອຍຄົວກິນມາ
ຕະຫຼອດ ກະເລີຍມັກ ຕັ້ງແຕ່ອາຍຸນ້ອຍໆ 8-9 ປີ."

ເພັນ ​ສະແດງການປຸງແຕ່ງອາຫານລາວ
ເພັນ ​ສະແດງການປຸງແຕ່ງອາຫານລາວ













ນັບວ່າໂຊກເຂົ້າຂ້າງເພັນ ທີ່ເຖິງແມ່ນວ່າຈະມາຮອດສະຫະລັດຕອນອາຍຸ 18 ປີ ຊຶ່ງເລີຍ
ເວລາຮຽນມັດທະຍົມປາຍແລ້ວ ແຕ່ກໍໄດ້ເຂົ້າຮໍ່າຮຽນໃນລະດັບມັດທະຍົມປາຍເຖິງ 3 ປີ
ກ່ອນໄດ້ເຊົ້າສຶກສາຕໍ່ທີ່ວິທະຍາໄລ ຈົນໄດ້ເຮັດວຽກງານດີໃນຫ້ອງການໃນຕໍ່າແໜ່ງດີ ແຕ່
ຄວາມມັກຮັກໃນການປຸງແຕ່ງອາຫານ ພ້ອມທັງຄວາມທີ່ຢາກໃຫ້ຊາວອະເມຣິກັນແລະຊາດ
ອື່ນໆ ເຂົ້າໃຈແລະຮັບຮູ້ເຖິງ ຂະນົບປະເພນີຂອງລາວ ຮວມທັງວັດທະນະທໍາ, ວິຖີຊີວິດ,
ແມ້ນກະທັງອາຫານການກິນ ຈຶ່ງໄດ້ເກັບກໍາວິທີການປຸງແຕ່ງອາຫານລາວນີ້ໄວ້ ເປັນປີໆ.
ພະຍາຍາມຊອກຄົ້ນຫາ​ ເພື່ອຢາກຂຽນປື້ມຄົວກິນລາວ ຊຶ່ງເພັນຕ້ອງໃຊ້ເວລາເປັນນານປີ
ຈຶ່ງໃນທີສຸດກໍມີ ວັນນີ້ຈົນໄດ້.

ການຂຽນປື້ມເປັນຂອງຕົວເອງບໍ່ແມ່ນຂອງງ່າຍ ຕ້ອງໄດ້ໃຊ້ເວລາຫຼາຍແລະຄົ້ນຫາຜູ້ທີ່ຈະ
ເປັນຜູ້ພິມຈໍາໜ່າຍປື້ມນັ້ນ ຊ່າງຍາກເຢັນຫລາຍ. ແຕ່ແລ້ວໃນທີ່ສຸດປື້ມເຫຼັ້ມທໍາອິດ ກໍອອກ
ມາຈົນໄດ້ ຊຶ່ງເພັນໃຫ້ຊື່ປື້ມວ່າ: "Simple Laotian Cooking.”ຈຸດປະສົງຫຼັກ​ກໍແມ່ນ ຢາກ
ຈະເຮັດອາຫານລາວໃຫ້ຊາວອະເມຣິກັນ ໄດ້ຊິມແລະລອງເຮັດກິນເບິ່ງແບບງ່າຍໆ.

ເຂົ້າປຸ້ນນໍ້າພິກ
ເຂົ້າປຸ້ນນໍ້າພິກ

ຄລິກຢູ່ບ່ອນນີ້ ເພື່ອຟັງ

ບົດສໍາພາດຕອນທໍາອິດ

ດັ່ງທີ່ໄດ້ສໍາພາດກັບເພັນ ຫົງທອງ ໄປແລ້ວໃນພາກທໍາອິດທີ່ວ່າ ການເລີ່ມຕົ້ນທີ່ຢາກຈະ
ຂຽນປື້ມຄົວກິນອາຫານລາວນີ້ ກໍບໍ່ແມ່ນຂອງງ່າຍ, ຕ້ອງຜ່ານຜ່າອຸບປະສັກຕ່າງໆນາໆ
ໄດ້ເກັບເລັກປະສົມນ້ອຍ ຮີບໂຮມເອົາລາຍການປຸງແຕ່ງອາຫານຈົນຮວມເປັນເຫຼັ້ມແລ້ວ
ກໍຍັງຕ້ອງ​ຊອກຫາຜູ້ທີ່ຈະມາອຸບປະຖໍາ ເປັນຜູ້ພິມນັ້ນໄດ້​ແສນຍາກ. ທັງນີ້ທັງນັ້ນກໍຕ້ອງ
ໄດ້ໃຊ້ເວລາມາເປັນນານປີ.

ເຂົ້າໜົມມັນຕົ້ນ
ເຂົ້າໜົມມັນຕົ້ນ


ປື້ມຄົວກິນເຫຼັ້ມທໍາອິດ "Simple Laotian Cooking" ກໍໄດ້ອອກວາງຕະຫຼາດເປັນທີ່
ຮຽບຮ້ອຍແລ້ວ ​ໄດ້ມີການຂາຍໃນເວັບໄຊ້ທຸຂອງ​ຜູ້ກ່ຽວ​ເອງ www.laochef.com ແລະ
​ອີກ​ສວ່ນນຶ່ງ​ກໍໄດ້​ນໍາ​ໄປ​ຈໍາ​ໝ່າຍດ້ວຍ​ຕົວ​ເອງ​ ໃນ​ເວລາ​ທີ່​ເພັນອອກ​ໄປ​ສາທິດສະ​ແດງ​ຄົວ
ກິນ​ຕາມ​ສະຖານ​ທີ່​ຕ່າງໆ ຊື່​ງກໍ​ເລີ່​ມ​ເປັນ​ທີ່​ຮູ້ຈັກ​ຂອງ​ທັງ​ປະຊາ​ຄົມລາວແລະ​ຊາວ​ຕ່າງປະ
​ເທດ ​ໂດຍ​ສະ​ເພາະ​ໃນ​ເຂດ​ເມືອງ Long Island, ລັດ New York ແລະ​ຄວາມ​ພາກພູມ​
ໃຈ​ອີກ​ອັນ​ນຶ່ງ​ຂອງ​ເພັນ​ນັ້ນ ນອກຈາກໄດ້​ເຫັນຊື່​ຂອງ​ຕົວ​ເອງ, ​ໄດ້​ເຫັນອາຫານ​ລາວ​ທີ່​ຕົວ
​ເອງ​ໄດ້​ປະດິດ​ຄິດ​ສ້າງ ​ແລະດັດ​ແປງ​ການ​ປຸງ​ແຕ່ງ ​ເພື່ອ​ໃຫ້​ເຂົ້າ​ກັບ​ຍຸກ​ກັບ​ສະ​ໄໝ​ແລ້ວ​ນັ້ນ
​ເພັນ​ຍັງ​ໄດ້​ກ່າວ​ຢ່າງ​ປື້​ມ​ໃຈ​ເປັນ​ທີ່​ສຸດ​ທີ່ວ່າ ​ໄດ້​ມີ​ສ່ວນ​ນຶ່ງ​ໃນ​ການ​ນໍາ​ສະ​ເໜີ​ໃຫ້​ຊາວອະ​ເມ
ຣິກັນ​ທີ່​ຢາກຮຽນ​ຮູ້​ກ່ຽວ​ກັບ​ວັດທະ​ນະທໍາ, ວິຖີ​ຊີວິດ ແລະ​ການປຸງ​ແຕ່ງອາຫານ​ລາວ​ນັ້ນ
ໄດ້​ໄປ​ຢ້ຽມຢາມປະ​ເທດ​ລາວ ​ເພື່ອສໍາພັດ​ດ້ວຍ​ຕົວ​ເອງ ຊຶ່ງ​ເພັນເລົ່າສູ່​ຟັງ​ວ່າ:

"ຫຼັງຈາກທີ່ຂ້ອຍໄດ້ເຣັດ demonstration ໄດ້ຫຼາຍປີແລ້ວ ເພາະວ່າ ໄປເຮັດຢູ່
ບ່ອນທີ່ມີແຕ່ຄົນຮັ່ງໆ​ຢູ່ເຂດ Hampton, Long Island ດຽວນີ້ຄົນອະເມຮິກັນ
ເຂົາເຈົ້າຢູ່ Hampton ກໍໄດ້ໄປເມືອງລາວຫຼາຍ ກະດີໃຈເພາະວ່າພວກເຂົາເຈົ້າ
ກະໄດ້ໄປແລະມາບອກວ່າ ຂ້ອຍດີໃຈ, ຂ້ອຍມັກເມືອງລາວຫຼາຍ​ ຕົວເອງແລ້ວ
ກະພູມໃຈທີ່ສຸດທີ່ໄດ້ສົ່ງຊາວອະເມຣິກັນເມືອເມືອງລາວຫັ້ນນ໋າ.
"

ເພັນ ຫົງທອງ ກັບປື້ມປຸງແຕ່ງອາຫານລາວ
ເພັນ ຫົງທອງ ກັບປື້ມປຸງແຕ່ງອາຫານລາວ

ເພັນ ຫົງ​ທອງ ບໍ່​ໄດ້​ຢຸດ​ເຊົາ​ແຕ່​ພຽງ​ເທົ່າ​ນັ້ນ ນອກຈາກ​ປື້​ມ​ເຫຼັ້ມ​ທໍາອິດ​ໄດ້​ອອກ​ວາງ​ຂາຍ
ແລ້ວ ​ເພັນ​ຍັງໄດ້​ດໍາ​ເນີນ​ງານສືບ​ຕໍ່ ສາທິດ ສະ​ແດງການ​ປຸງ​ແຕ່ງອາຫານ​ແລະ​ຈັດ​ທໍາ​ປື້​ມ
ເຫຼັ້ມ​ທີ 2 ຊຶ່ງ​ກໍ​ໄດ້ອອກ​ວາງ​ຂາຍ​ໃນ​ປີ 2009 ​ທີ່​ມີ​ຊື່ວ່າ "Healthy Lao Cuisine".
​ເພັນ​ໄດ້​ເວົ້າ​ກ່ຽວ​ກັບ​ຜົນງານ​ເຫຼັ້ມ​ທີ 2 ພ້ອມ​ທັງ​ອະທິບາຍ​ເຖິງ​ໂຄງການ​ໃນ​ອະນາຄົດ
​ແລະ​ກ່າວຝາກຝັງ​ປື້​ມຄົວກິນ​ທັງ 2 ​ເຫຼັ້ມ​ ດັ່ງ​ໃນບົດ​ສໍາພາດ​ຕໍ່​ໄປ​ນີ້.

ຄລິກຢູ່ບ່ອນນີ້ ເພື່ອຟັງບົດສໍາພາດຕອນທີສອງ

ຫລືຈະຄລິກບ່ອນ ແອັມພີ3 (MP3) ຂ້າງເທິງຂວາມືກໍໄດ້ ເພື່ອຮັບຟັງການສໍາພາດ.

ທ່ານ​ທີ່​ຢາກ​ຈະ​ຊາບລາຍ​ລະ​ອຽດ​ເພີ່ມ​ຕື່ມ ເຊີນ​ເຂົ້າ​ໄປ​ຄົ້ນຫາທີ່ http://www.laochef.com

XS
SM
MD
LG