ລິ້ງ ສຳຫລັບເຂົ້າຫາ

ສຫລ ທໍາພິທີລະລຶກເຖິງ ວັນຍີ່ປຸ່ນທຳການໂຈມຕີ ທ່າເຮືອອ່າວ Pearl ຄົບຮອບ 70 ປີ

  • ທອງປານ ເທບວົງສາ

ທ່ານ George Richard (ຊ້າຍ) ແລະ ທ່ານ Charlie Boswell ທີ່ລອດຊີວິດຈາກການໂຈມຕີຂອງ Pearl Harbor ເວົ້າໃຫ້ຄົນຟັງວ່າ ພວກເຂົາເຈົ້າຢູ່ໃສ ໃນວັນທີ 7 ທັນວາ ປີ 1941 ໃນຂະນະທີ່ພວກເຂົາເຈົ້າ ເຂົ້າຢ້ຽມຊົມອະນຸສາວະລີ Arizona Memorial ທີ່ລະລຶກເຖິງສົງຄາມໂລກຄັ້ງທີ II ຢູ່ມະຫາສະມຸ

ໃນ​ວັນພຸດ​ມື້​ນີ້ ສະຫະລັດ​ໄດ້​ທໍາ​ພິທີ ​ເພື່ອເປັນຂີດ​ໝາຍ​ຄົບຮອບ 70 ປີ ທີ່ຍີ່ປຸ່ນທຳ​ການ
ໂຈມ​ຕີ​ທ່າ​ເຮືອ Pearl ຫລື Pearl Habor ມື້​ແຫ່​ງຄວາມ​ເສື່ອ​ມ​ເສຍ ທີ່​ເປັນ​ເຫດ​ໃຫ້​ສະ
ຫະລັດ​ເຂົ້າສູ່​ສົງຄາມ​ໂລກ​ຄັ້ງ​ທີ່​ສອງ.

ພິທີ​ລະນຶກ ທີ່ຖືເປັນ​ຂີດ​ໝາຍ ຂອງ​ການ​ໂຈມ​ຕີ​ເມື່ອວັນ​ທີ່ 7 ​ເດືອນ​ທັນ​ວາ ປີ 1941 ​ໄດ້​ມີ
ຂຶ້ນໃນທົ່ວ​ສະຫະລັດ ​ແຕ່​ພິທີ​ທີ່​ໃຫຍ່​ທີ່​ສຸດ​ນັ້ນ​ແມ່ນ​ຢູ່ເກາະ Oahu ລັດ​ຮາ​ວາຍ ບ່ອນທີ່​
ການ​ໂຈມ​ຕີເກີດ​ຂຶ້ນນັ້ນ

ຈໍານວນ​ພວກ​ລອດ​ຊີວິດ ​ແລະ​ພວກ​ນັກ​ລົບ​ເກົ່າປາງ​ສົງຄາມ​ໂລກ​ຄັ້ງ​ທີ່​ສອງທີ່​ກໍາລັງເຫລືອ​
ນ້ອຍ​ລົງ​ໄປ​ເລື້ອຍໆ​ຈາກ​ເຫດການ​ ​ໂຈມ​ຕີ Pearl Harbor ນັ້ນ ​ແມ່ນຢູ່​ໃນ​ຈໍານວນ​ຜູ້​ເຂົ້າຮ່ວມ ​ຄາດ​ວ່າ​ຈະ​ມີ 3,000 ຄົນ ໃນ​ພິທີ​ທີ່ສາມາດແນມເຫັນ​ກໍາ​ປັ່ນ​ລົບ USS Arizona ບ່ອນ​ທີ່​ພວກ​ເສຍ​ຊີວິດ​ຖືກ​ຈົມ​ນໍ້າພ້ອມ​ກັບ​ເຮືອ​ລົບ​ນັ້ນ. ​ພິທີ​ຢືນ​ສະຫງົບ​ໄວ້ອາ​ໄລ ຈະ​ມີ​ຂຶ້ນ​ໃນ​ເວລາ 7 ໂມງ 55 ​ນາທີໃນຕອນເຊົ້າມື້ນີ້ ຕາມເວລາທ້ອງຖິ່ນ ຊຶ່ງ​ກົງ​ກັບເວລາ​ດຽວ​ກັນ​ກັບ​ທີ່ກອງທັບເຮືອຂອງຈັກກະພັດຍີ່ປຸ່ນ ​ໂຈມ​ຕີ​ໂດຍ​ບໍ່​ຮູ້ລ່ວງ​ໜ້ານັ້ນ.

ທີ່​ນະຄອນຫລວງ​ວໍ​ຊິງ​ຕັນ ​ກໍຈະ​ທໍາພິທີ​ວາງ​ພວງມາ​ໄລ​ ​ໃນ​ຕອນ​ບ່າຍ​ຕາມ​ເວລາ​ທ້ອງ​ຖິ່ນ ທີ່​ອະນຸສາວະລີ​ສົງຄາມ​ໂລກ​ຄັ້ງ​ທີ່​ສອງ ທີ່​ຕັ້ງຢູ່ໃນເຂດສະໜາມ​ຫຼວງນັ້ນ.

ໃນ​ຖະ​ແຫລ​ງການ​ພິທີຂອງ​ມື້ຂີດ​ໝາຍ​ດັ່ງ​ກ່າວ ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ໄດ້​ທໍາ​ຄວາມ​ເຄົາລົບ​ພວກ​ທີ່​ເສຍ​ຊີວິດ ​ໂດຍ​ກ່າວ​ວ່າ ການຢືນຢັດຢ່າງໜຽວແໜ້ນ​ຂອງ​ພວກ​ເຂົາ​ເຈົ້າ​ແມ່ນ​ໄດ້​ຊ່ວຍກຳນົດ​ຍຸກ​ທີ່​ຍິ່ງ​ໃຫຍ່​ທີ່​ສຸດ.

XS
SM
MD
LG