ລັດຖະມົນຕີຕ່າງປະເທດຝຣັ່ງ ທ່ານ Laurent Fabius ໄດ້ປະ
ກາດ ທີ່ກອງປະຊຸມການເຈລະຈາວ່າດ້ວຍດິນຟ້າອາກາດ
ສະຫະປະຊາຊາດ ໃນນະຄອນປາຣີວ່າ ຂໍ້ຕົກລົງຂັ້ນສຸດທ້າຍ
ຈະບໍ່ສາມາດນຳອອກມາເຜີຍແຜ່ໂດຍກອງປະຊຸມໄດ້ຈົນເທົ່າ
ວັນເສົາ ແທນທີ່ຈະເປັນວັນສຸກມື້ນີ້ ດັ່ງທີ່ໄດ້ກຳນົດໄວ້.
ທ່ານ Fabius ໄດ້ປະກາດ ໃນຕອນເຊົ້າວັນສຸກມື້ນີ້ ຫລັງຈາກ
ໃນອັນທີ່ແຫລ່ງ ຂ່າວເວົ້າວ່່າ ເປັນຄໍ່າຄືນຂອງເຈລະຈາທີ່ຍາກ
ລຳບາກລະຫວ່າງບັນດາເຈົ້າໜ້າທີ່ຈາກ 195 ປະເທດ ທີ່ເຂົ້າ
ຮວມປະຊຸມ.
ເຖິງແມ່ນໄດ້ມີລາຍງານກ່ຽວກັບການເຈລະຈາທີ່ຫຍຸ້ງຍາກລຳບາກກໍ ຕາມ ທ່ານ Fabius
ກ່າວວ່າ ບັນຍາກາດໄດ້ດຳເນີນໄປເປັນຢ່າງ “ດີ ທຸກສິ່ງຢ່າງເປັນໄປໃນທາງບວກ ທຸກສິ່ງຢ່າງກຳລັງດຳເນີນໄປໃນທິດທາງທີ່ຖືກຕ້ອງ” ເວລາທ່ານໄດ້ກ່າວຕໍ່ບັນດານັກຂ່າວໃນວັນ
ສຸກມື້ນີ້.
ການ ບໍ່ເຫັນດີທີ່ໃຫ່ຍທີ່ສຸດແມ່ນກ່ຽວກັບຄວາມຮັບຜິດຊອບໃນດ້ານການເງິນທີ່ວ່າ ບັນ
ດາປະເທດທີ່ທຸກຍາກຄວນໄດ້ຮັບ ໃນມາດຕະການເພື່ອຕັດການປ່ອຍມົນລະພິດ ແລະ
ມີສ່ວນໄດ້ສ່ວນເສຍແນວ ໃດກ່ຽວກັບເປົ້າໝາຍໄລຍະຍາວຂອງຂໍ້ຕົກລົງນີ້.
ໃນການເຄື່ອນ ໄຫວອື່ນໆນັ້ນ ປັກກິ່ງກ່າວວ່າ ປະທານປະເທດຈີນ ທ່ານ Xi Jinping ໄດ້ໂອ້ລົມທາງໂທລະສັບ ກັບປະທານາທິບໍດີສະຫະລັດ ທ່ານ Barack Obama ເພື່ອຫາ
ລືກ່ຽວກັບການປ່ຽນແປງຂອງດິນຟ້າອາກາດ. ທຳ ນຽບຂາວຍັງບໍ່ທັນໄດ້ກ່າວເຖິງ ການ
ໂອ້ລົມດັ່ງກ່າວ ແລະປັກກິ່ງກໍບໍ່ໄດ້ເວົ້າເຖິງອັນທີ່ພວກທ່ານລົມກັນ ໃນລະຫວ່າງການສົນທະນາທາງໂທລະສັບນັ້ນ.
