ສະມາຊິກລັດຖະສະພາໃນປະເທດປາຣາກວາຍໄດ້ລົງຄະແນນສຽງໃນການຟ້ອງຮ້ອງປົດ
ປະທານາທິບໍດີ Fernando Lugo ຫຼັງຈາກການຂັບໄລ່ພວກຊາວນາທີ່ບຸກລຸກທີ່ດິ ຊຶ່ງ
ໄດ້ດຳເນີນໄປດ້ວຍຄວາມພິດພາດໃນສັບປະດາແລ້ວນີ້ ຍັງຜົນໃຫ້ມີຜູ້ເສຍຊີວິດຫຼາຍຄົນ
ນັ້ນ.
ທັນທີຫຼັງຈາກໄດ້ມີການຟ້ອງຮ້ອງເພື່ອປົດທ່ານໃນມື້ວັນສຸກວານນີ້ປະທານາທິບໍດີີ Lugo
ກ່າວວ່າ ທ່ານຮັບເອົາການຕັດສິນໃຈຂອງລັດຖະສະພາແຕ່ກໍເວົ້າວ່າ ປະຊາທິປະໄຕຂອງ
ປາຣາກວາຍໄດ້ຮັບຄວາມເສຍຫາຍຢ່າງຮ້າຍແຮງ.
ສະພາສູງຂອງປາຣາກວາຍໄດ້ລົງຄະແນນສຽງໃນມື້ວານນີ້ເພື່ອປົດປະທານາທິບໍດີ Lugo
ອອກຈາກຕຳແໜ່ງ. ສ່ວນສະພາຕໍ່າໄດ້ລົງຄະແນນສຽງເຫັນພ້ອມກ່ຽວກັບເລື່ອງນີ້ ໃນມື້
ວັນພະຫັດຜ່ານມາ. ພວກທີ່ເປັນປໍລະປັກທາງດ້ານການເມືອງ ກັບທ່ານ Lugo ຄວບຄຸມ
ທັງສອງສະພາຂອງປາຣາກວາຍ.
ພວກສະໜັບສະໜຸນປະທານາທິບໍດີ Lugo ຫຼາຍພັນຄົນ ໄດ້ໄປໂຮມຊຸມນຸມກັນຢູ່ນອກ
ຕຶກສະພາໃນມື້ວານນີ້ແລະພະຍາຍາມບຸກຜ່ານແຖວຕຳຫຼວດຂະນະທີ່ມີການອອກຄຳຕັດ
ສິນ. ຕຳຫຼວດໄດ້ຍິງລະເບີດນໍ້າຕາຂັບໄລ່ພວກໂຮມຊຸມນຸມ.
ເພື່ອເປັນການສອດຄ່ອງກັບລັດຖະທຳມະນູນປາຣາກວາຍຮອງປະທານາທິບໍ Federico
Franco ທີ່ຄັດຄ້ານຢ່າງແຂງຂັນ ຕໍ່ປະທານາທິບໍດີ Lugo ນັ້ນ ໄດ້ເຂົ້າຮັບຕຳແໜ່ງແທນ
ທ່ານ.
ໃນສັບດປະດາແລ້ວ ທ່ານ Lugo ໄດ້ສັ່ງໃຫ້ຂັບໄລ່ພວກຊາວນາກຸ່ມນຶ່ງທີ່ບຸກລຸກເຂົ້າໄປ
ໃນທີ່ດິນຂອງເອກກະຊົນ. ພວກຊາວນາ ກ່າວອ້າງວ່າ ດິນຕອນນີ້ ໄດ້ມາແບບຜິດກົດ
ໝາຍ. ຄວາມຮຸນແຮງໄດ້ລະເບີດຂຶ້ນເຮັດໃຫ້ຊາວນາ 11 ຄົນແລະຕຳຫຼວດ 6 ຄົນເສຍຊີ
ວິດ.
ປະທານໃນການຟ້ອງຮ້ອງປົດປະທານາທິບໍດີຄັ້ງນີ້ ແມ່ນອະດີດພະສັງຄະຣາດຂອງສາ
ສະໜາໂຣມັນກາໂທລິກທີ່ຖືກເລືອກເຂົ້າໄປນັ່ງໃນສະພາເມື່ອປີ 2008 ທີ່ໃຫ້ຄຳໝັ້ນສັນ
ຍາວ່າ ຈະຊ່ອຍພວກຄົນທຸກແລະແຈກຢາຍດິນແບບຍຸຕິທຳ.