ທ່ານ Fernando Lugo ໄດ້ປະນາມພວກທີ່ປົດທ່ານອອກຈາກຕໍາແໜ່ງປະທານາທິບໍດີວ່າ
ເປັນການກໍ່ລັດຖະປະຫານຂອງລັດຖະສະພາ. ເຖິງຢ່າງໃດກໍດີ ທ່ານ Lugo ໄດ້ຮຽກຮ້ອງ
ພວກສະໜັບສະໜຸນທ່ານໃນວັນອາທິດມື້ນີ້ ໃຫ້ຢູ່ໃນຄວາມສະຫງົບແລະບໍ່ໃຫ້ປະກອບສ່ວນ
ໃນການເດີນຂະບວນປະທ້ວງ ທີ່ຮຸນແຮງໃດໆ.
ທ່ານ Federico Franco ປະທານາທິບໍດີໃໝ່ຂອງ Paraguay ກ່າວໃນວັນເສົາວານນີ້ວ່າ
ທ່ານຕັ້ງໃຈທີ່ຈະຂໍຄວາມຊ່ອຍເຫຼືອຈາກອະດີດປະທານາທິບໍດີທີ່ຖືກສະພາຟ້ອງຮ້ອງແລະ
ປົດລົງນັ້ນ ໃນການຢຸດຕິການປະທ້ວງໃນພາກພື້ນ ກ່ຽວກັບການປົດທ່ານ Lugo ອອກ
ຈາກຕໍາແໜ່ງຢ່າງໄວນັ້ນ. Brazil ແລະ Argentina ໄດ້ຖອນພວກນັກການທູດຂັ້ນສູງສຸດ
ຂອງຕົນອອກຈາກ Paraguay ໃນຂະນະດຽວກັນ Venezuela, Bolivia, Ecuador
ແລະ Cuba ກ່າວວ່າ ພວກຕົນຈະບໍ່ຮັບຮູ້ຄະນະລັດຖະບານໃໝ່.
ສະພານິຕິບັນຍັດຂອງ Paraguyay ໄດ້ລົງມະຕິທໍາການຟ້ອງຮ້ອງແລະປົດປະທານາທິບໍດີ
Lugo ຫຼັງຈາກການຂັບໄລ່ພວກຊາວໄຮ່ຊາວນາທີ່ເຂົ້າໄປຄອບຄອງທີ່ດິນ ອອກຢ່າງບໍ່ສໍາ
ເລັດຜົນໃນຕົ້ນເດືອນນີ້ ໄດ້ເຮັດໃຫ້ຫລາຍຄົນເສຍຊີວິດໄປ.
ພວກທີ່ຕໍາໜິຕິຕຽນການຮ້ອງຟ້ອງຂອງສະພາ ພາກັນຈົ່ມວ່າ ພວກທະນາຍຄວາມຂອງ
ທ່ານLugo ມີເວລາພຽງບໍ່ເທົ່າໃດຊົ່ວໂມງເພື່ອປ້ອງກັນທ່ານ Lugo ໃນສະພາສູງ ຊຶ່ງໄດ້
ລົງມະຕິສະໜັບສະໜຸນເຫັນດີໃຫ້ປົດທ່ານ Lugo ອອກຈາກຕໍາແໜ່ງ 39 ສຽງເຫັນດີ ຕໍ່
4 ສຽງຄັດຄ້ານນັ້ນ.
ໃນທັນທີຫຼັງຈາກການດໍາເນີນຄະດີຟ້ອງຮ້ອງທ່ານໃນວັນສຸກນັ້ນ ທ່ານ Lugo ກ່າວວ່າ
ທ່ານຍອມຮັບເອົາການຕັດສິນໃຈຂອງລັດຖະສະພາ ແຕ່ທ່ານກ່າວວ່າ ລະບອບປະຊາທິປະ
ໄຕຂອງ Paraguay ໄດ້ຮັບຄວາມເສຍຫາຍຢ່າງເລິກເຊິ່ງ.