ລັດຄາລິຟໍເນຍໄດ້ປະກາດພາວະສຸກເສີນຢູ່ທາງພາກເໜືອຂອງລັດ ໃນຂະນະທີ່ໄຟ
ປ່າ ໄດ້ປະປ່ອຍຄວາມເສຍຫາຍໄວ້ເປັນແຖວໆທີ່ມັນໄໝ້ລາມໄປເຖິງ.
ເຈົ້າໜ້າທີ່ດັບເພີງຄົນນຶ່ງກ່າວວ່າໄຟໄດ້ໄໝ້ ທຳລາຍເມືອງພາຣາດາຍ ທັງໝົດ.
ມີລາຍງານວ່າມີຜູ້ໄດ້ຮັບບາດເຈັບ ແລະຍັງບໍ່ເປັນທີ່ຈະແຈ້ງເທື່ອວ່າໄດ້ມີການເສຍ
ຊີວິດ ຫລືບໍ່.
ພວກເຈົ້າໜ້າທີ່ ແລະສື່ມວນຊົນກ່າວວ່າ ເມືອງໄດ້ຖືກໄຟເຜົາຜານ ແລະເຮືອນຊານ
ບ້ານສ່ອງໄດ້ຖືກໄຟໄໝ້ຈົນກ້ຽງພຽງໜ້າດິນ.
ໄຟໄດ້ໄໝ້ໃນເນື້ອທີ່ຫຼາຍກວ່າ 69 ຕາຕະລາງກະໂລແມັດ ແລະໄດ້ບັງຄັບໃຫ້ພວກ
ຊາວບ້ານພາກັນຍົກຍ້າຍໜີ.
ພວກເຈົ້າໜ້າທີີ່ກ່າວວ່າ ໄຟຄາດວ່າ ຈະສືບຕໍ່ໄໝ້ໂດຍຂະຫຍາຍໄປສູ່ເມືອງທີ່ຢູ່
ໃກ້ຄຽງ.
ໂຄສົກໜ່ວຍດັບເພີງລັດຄາລີຟໍເນຍ ທ່ານບຣາຍສ໌ ເບັນແນັດ ກ່າວຕໍ່ໜັງສືພິມ ຊາ
ກຣາເມັນໂຕ ບີ ວ່າ “ປັດຈຸບັນນີ້ ເຈົ້າແມ່ທຳມະຊາດເປັນຜູ້ຄວບຄຸມ.”
ໂດຍມີທີ່ຕັ້ງຢູ່ 12 ໄມລຫ່າງຈາກເມືອງຊິໂກໄປທາງພາກຕາເວັນອອກ ແລະ 90 ໄມລ
ຫ່າງຈາກພາກເໜືອຂອງເມືອງຊາກຣາເມັນໂຕ, ເມືອງພາຣາດາຍ ເປັນບ່ອນຢູ່ອາໄສ
ຂອງຊາວບ້ານ 26,000 ຄົນ ອີງຕາມຂໍ້ຄວາມ ທີ່ຂຽນຢູ່ໃນໜ້າເວັບໄຊ ຂອງເມືອງນັ້ນ.
ເວັບໄຊນັ້ນກ່າວວ່າ ເມືອງດັ່ງກ່າວ “ອຸດົມຮັ່ງມີໄປດ້ວຍປະຫວັດສາດ, ມີຄວາມງາມທີ່
ເປັນມົນຂັງ ແລະມີຄົນທີ່ມີຈິດໃຈເອື້ອເຟື້ອເພື່ອແຜ່. ເມືອງພາຣາດາຍເປັນບ່ອນເໝາະ
ສົມຫລາຍທີ່ສຸດ ໃນການສ້າງຄອບຄົວ, ເຮັດທຸລະກິດ ຫຼືພັກຜ່ອນໃນວັນທ້າຍອາທິດ
ຢູ່ໃນປ່າຕົ້ນແປກ.”
