ການເມືອງທີ່ຕົກຢູ່ໃນສະພາບບໍ່ໄປບໍ່ມາຍັງດຳເນີນຢູ່ຕໍ່ມາ ເມື່ອວັນພຸດນີ້ທີ່ປະເທດປາປົວ
ນີວກີນີ ບ່ອນທີ່ລັດຖະບານຊຸດໃໝ່ ຂອງນາຍົກລັດຖະ ມົນຕີທີ່ຖືກປົດທ່ານ Michael
ບັດຕາມຄໍາສັ່ງຂອງສານເພື່ອລາອອກຈາກຕໍາແໜ່ງນັ້ນກໍຕາມ.
ຂໍ້ຂັດແຍ້ງກັນທາງການເມືອງໄດ້ເລີ່ມຕົ້ນຂຶ້ນເມື່ອວັນຈັນ ເວລາສານສູງສຸດ ໄດ້ຕັດສິນວ່າ
ທ່ານ Somare ຖືກປົດອອກຈາກອໍານາດຢ່າງຜິດກົດໝາຍໃນຕົ້ນປີນີ້ ໃນຂະນະທີ່ທ່ານ
ພັກຮັກສາຕົວຢູ່ທີ່ປະເທດສິງຄະໂປ ຄື ການຜ່າຕັດຫົວໃຈຫລາຍບັ້ນນັ້ນ.
ແຕ່ທ່ານ Peter O’Neill ຜູ້ສືບຕໍາແໜ່ງແທນ ທ່ານ Somare ນັ້ນ ໂຕ້ແຍ້ງວ່າທ່ານເປັນ
ນາຍົກລັດຖະມົນຕີທີ່ຖືກຕ້ອງຕາມກົດໝາຍຂອງປະ ເທດ ທີ່ໄດ້ຖືກເລືອກຕັ້ງໂດຍສະພາ
ແຫ່ງຊາດໃນເດືອນສິງຫານັ້ນ.
ຫລາຍໆເຂດໃນເມືອງຫລວງ Port Moresby ແມ່ນໄດ້ປະເຊີນກັບການອອກໄປປະຕິ
ບັດການທີ່ໜາແໜ້ນຂອງຕໍາຫລວດເມື່ອວັນພຸດມື້ນີ້ ເຖິງແມ່ນບໍ່ມີລາຍງານການກໍ່ຄວາມ
ຮຸນແຮງນັ້ນກໍຕາມ ຊຶ່ງວັນອັງຄານວານນີ້ ພວກສະມາຊິກສະພາສູງທີ່ຈົ່ງຮັກພັກດີຕໍ່ທ່ານ
O’Neill ໄດ້ພາ ກັນບຸກພັງຫ້ອງການຂ້າຫຼວງໃຫຍ່ຂອງປະເທດ ຜູ້ສະໜັບສະໜຸນທ່ານ
Somare ນັ້ນ.
ທີ່ຈິງແລ້ວ ໃນປັດຈຸບັນນີ້ການເລືອກຕັ້ງຫລາຍໆບັ້ນນັ້ນ ມີກໍານົດໃສ່ເດືອນມິຖຸນາ ປີ
2012 ແຕ່ພວກນັກສັງເກດການບາງຄົນກ່າວວ່າ ການເລືອກຕັ້ງກ່ອນກໍານົດນັ້ນ ເປັນວິທີ
ທາງທີ່ດີທີ່ສຸດ ເພື່ອແກ້ໄຂບັນຫາການເມືອງທີ່ບໍ່ໄປບໍ່ມາທາງໃດນັ້ນ ຊຶ່ງໄດ້ປ່ອຍໃຫ້ມີສອງ
ລັດຖະບານໃນປະເທດ ປາປົວ ນີວ ກີນີ.