ລິ້ງ ສຳຫລັບເຂົ້າຫາ

ທ່ານພາ​ແນ​ດຕ້າ ຢ້ຽມຢາມ ຫວຽດນາມ

  • ທອງປານ ເທບວົງສາ

ທ່ານ ພາແນດຕ້າ ຂະນະຢ້ຽມຢາມກໍ່າປັ່ນບັນທຸກສິນຄ້າ Richard E. Byrd ທີ່ຈອດຢູ່ທ່າເຮືອ Can Ranh ຫວຽດນາມ

ທີ່​ຫວຽດນາມ ທ່ານ ລີ​ອອນ ພາ​ແນ​ດຕ້າ ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ​ໄດ້​ໄປ
ຢ້ຽມຢາມ​ຖານ​ທັບສໍາຄົນແຫ່ງ​ນຶ່ງ ທີ່​ທະຫານ​ອາ​ເມ​ຣິກັນ​ເຄີຍ​ໃຊ້​ໃນ​ປາງ​ສົງຄາມ​ຫວຽດນາມ.

ທ່ານ ພາ​ແນ​ດຕ້າ ເປັນ​ເຈົ້າໜ້າ​ທີ່​ສະ​ຫະລັດ​ລະດົບສູງ​ສຸດ ທີ່​ໄປ​ຢ້ຽມຢາມ​ອະດີດ​ຖານ
​ທັບ​ອາກາດ​ແລະທັບ​ເຮືອສະຫະລັດທີ່ ​ອ່າວ Cam Ranh ນັບ​ຕັ້ງ​ແຕ່​ສົງຄາມ​ໄດ້​ສິ້ນ​ສຸດ
​ລົງ​ໃນ​ປີ 1975.

ບັນດາ​ເຈົ້າໜ້າ​ທີ່​ກ່າວ​ວ່າ ທ່ານລັດຖະມົນ​ຕີປ້ອງ​ກັນ​ປະ​ເທດ ກໍ​ຈະ​ໄປ​ຢ້ຽມຢາມ​ກໍ່າ​ປັ່ນ
​ບັນທຸກ​ສິນຄ້າ​ຂອງ​ກອງທັບ​ເຮືອ​ອ​າ​ເມຣິກັນ ທີ່​ຊື່ Richard E. Byrd ທີ່ເວລາ​ນີ້ ຈອດ
​ຢູ່​ທ່າ​ເຮືອ​ໃນ​ອ່າວດັ່ງກ່າວ ຊຶ່ງ​ທໍາ​ການ​ບັນ​ທຸກ​ສິນຄ້າ​ໃຫ້​ກໍ່າ​ປັ່ນ​ກອງທັບ​ເຮືອ​ສະຫະລັດ​
​ໂດຍ​ໃຊ້​ຄົນ​ງານພົນລະເຮືອນເປັນສ່ວນ​ໃຫຍ່ນັ້ນ.

ການ​ຢ້ຽມຢາມ​ຫວຽດນາມ​ຂອງ​ທ່ານພາແນ​ດຕ້າ​ໃນ​ຄັ້ງ​ນີ້ ​ແມ່ນ​ຕິດຕາມ​ມາ ຫລັງ​ຈາກ
​ທ່ານ​ໄດ້​ກ່າວຄໍາປາໄສ​ ​ເມື່ອ​ວັນ​ເສົາ​ວານ​ນີ້​ ຕໍ່​ກອງ​ປະຊຸມດ້ານ​ຄວາມ​ໝັ້ນຄົງທີ່​ສິງ​ຄະ​ໂປ
ຊຶ່ງ​ທ່ານ​ໄດ້​ເວົ້າວ່າ ກອງທັບ​ເ​ຮື​ອສະຫະລັດ​ຈະເຄື່ອນຍ້າຍກໍ່າ​ປັ່ນສ່ວນ​ໃຫຍ່​ຂອງ​ຕົນ ​ໄປ
ປະ​ຈໍາ​ການ​ຢູ່​ມະຫາ​ສະມຸດ​ປາຊິຟິກ​ ພາຍ​ໃນ​ປີ 2020 ອັນ​ເປັນ​ພາກສ່ວນ​ນຶ່ງຂອງ​ການ​
ເພ່ງ​ເລັງ​ໃສ່​ດ້ານ​ຍຸ​ທະ​ສາດ ຢູ່​ຂົງ​ເຂດ​ເອ​ເຊຍ.

ທ່ານພາ​ແນ​ດຕ້າ ກໍາລັງ​ຢ້ຽມຢາມ​ຂົງ​ເຂດ​ເອ​ເຊຍ​ປາຊິ​ຟິກ​ ເປັນ​ເວລານຶ່ງ​ອາທິດ ຊຶ່ງ​ຈະ​
ໂຮມ​ທັງ​ໄປ​ຢ້ຽມຢາມ​ອິນ​ເດຍນໍາ.

XS
SM
MD
LG