ລິ້ງ ສຳຫລັບເຂົ້າຫາ

ທ່ານ Panetta ພົບປະກັບ ທ່ານ Ehud Barak ທີ່ກຸງ Tel Aviv


ລັດຖະມົນຕີການຕ່າງປະເທດ ສະຫະລັດ ອາເມຣິກາ Leon Panetta (ຂວາມື) ແລະຄູ່ຕໍາແໜ່ງ ລັດຖະມົນຕີ ປ້ອງກັນປະເທດອິສຣະແອນ ທ່ານ Ehud Barak (ຊ້າຍມື) ພົບປະກັນທີ່ ກຸງ Tel Aviv ໃນວັນພຸດ ທີ່ 1 ເດືອນສິງຫາ..

ລັດຖະມົນຕີ ປ້ອງ​ກັນ​ປະ​ເທດ ສະຫະລັດ ທ່ານ Leon Panetta ກ່າວ​ວ່າ ສະຫະລັດ
ອາ​ເມ​ຣິກາ ​ແລະ ອິສຣາ​ແອ​ລ ກໍາລັງເຮັດ​ທຸກ​ວິທີ​ທາງ​ທີ່​ ສາມາດ ເຮັດ​ໄດ້​ເພື່ອ​ໃຫ້​ມີ​ລະບົບ​
ການ “ປ້ອງ​ກັນ​ທີ່​ເຂ້​ມ​ແຂງ” ​ທີ່​ສຸດ ແລະ​ປ້ອງ​ກັນ​ປະ​ເທດທັງ​ສອງ​ ​ໃນ​ຂະນະ​ທີ່​ທ່ານ​ເປີດ​
ການ​ສົນທະນາ​ຫາລື​ເປັນ​ເວລາ​ນຶ່ງ​ມື້ ກັບ​ບັນດາ​ຜູ້​ນໍາ​ຂອງອິສຣາ​ແອ​ລ.

ທ່ານ Panetta ໄດ້ພົບປະໃນວັນພຸດມື້​ນີ້ ກັບຄູ່ຕໍາແໜ່ງຂອງ​ທ່ານ ກໍ​ຄື​ລັດຖະມົນຕີ​ປ້ອງ​
ກັນ​ປະ​ເທດ​ອິສຣາ​ແອ​ລ ທ່ານ Ehud Barak ທີ່ກຸງ Tel Aviv ແລະໄດ້ກ່າວວ່າ ທັງສອງ
ປະເທດ “ເປັນເພື່ອນມິດທີ່​ໃກ້ຊິດກັນທີ່ສຸດ.”

ການຢ້ຽມຢາມຂອງທ່ານ ​ແມ່ນ​ຈະຮວມທັງການສົນທະນາກັບນາຍົກລັດຖະມົນຕີ
Benjamine Netanyahu ແລະປະທານາທິບໍດີ Shimon Peres.

ທ່ານ Panetta ກ່າວວ່າ ການສົນທະນາກັນຈະ​ເພ່ງ​ເລັງໃສ່ ​ເລື້ອງ​ໄພ​ຂົ່ມຂູ່ ຈາກໂຄງການ
ອາວຸດນີວເຄລຍຂອງອິຣ່ານ ທີ່ແນ່ໃສ່ອິສຣາແອລ ແລະສະຫະ ລັດ ແລະ ວິທີການຕອບໂຕ້
ຕ່າງໆ.

ທ່ານໄດ້ປະຕິເສດຕໍ່ລາຍງານຂ່າວວ່າ ການສົນທະນາ​ຫາລື​ຂອງ​ພວກ​ທ່ານອາດຈະກວມ​ເຖິງ​
ເລື້ອງ​ການວາງ​ແຜນ ທໍາ​ການໂຈມຕີບ່ອນສ້າງອາວຸດນີວ ເຄລຍຂອງອິຣ່ານ ນໍາ​ນັ້ນ.

XS
SM
MD
LG