ລິ້ງ ສຳຫລັບເຂົ້າຫາ

ວັນອັງຄານ, ໒໑ ພຶດສະພາ ໒໐໒໔

ທ່ານ Panetta ໄປຢ້ຽມ ຖານທັບເຣືອຈີນ ທີ່ເມືອງ Qingdao (ວີດີໂອ)


ທ່ານ Panetta ລມຕ ປ້ອງກັນປະເທດສະຫະລັດ ກໍາລັງພົບປະກັບ
ພົນເຮືອໂທ Tian Zhong ຜູ້ບັນຊາການກອງເຮືອລົບຂອງຈີນ
ທ່ານ Panetta ລມຕ ປ້ອງກັນປະເທດສະຫະລັດ ກໍາລັງພົບປະກັບ ພົນເຮືອໂທ Tian Zhong ຜູ້ບັນຊາການກອງເຮືອລົບຂອງຈີນ
ທ່ານ ລີ​ອອນ ພາ​ແນັດຕ້າ ລັດຖະມົນຕີ​ປ້ອງກັນ​ປະ​ເທດ​ສະຫະ
ລັດ​ໄດ້ຮັບ​ອະນຸຍາດ ​ໃຫ້​ເຂົ້າ​ໄປ​ເບິ່ງ​ຖານ​ທັບ​ເຮືອ​ຂອງ​ຈີນ​ ເມື່ອ
ວັນ​ພະຫັດ​ມື້​ນີ້ ຊຶ່ງ​ບໍ່ ຄ່ອຍ​ຈະ​ໄດ້​ມີ​ໂອກາດ​ແບບ​ນີ້ ໃນ​ຕອນ​ທ້າຍ
​ການຢ້ຽມຢາມ​ຈີນ​ສາມ​ວັນຂອງ​ທ່ານ​ນັ້ນ.

ທ່ານ​ພາ​ແນັດ​ຕ້າ ​ໄດ້​ຂຶ້ນ​ໄປ​ເບິ່ງ​ຊົມ​ກໍ່າ​ປັ່ນ​ລົບ ​ແລະເຮືອ​ດໍາ​ນໍ້າ
ຂອງ​ຈີນ ທີ່​ກອງ​ບັນຊາ​ການ​ກອງ​ເຮືອ​ລົບ​ທະ​ເລ​ເໜືອ​ຂອງ​ກອງ
ທັບ​ເຮືອ​ຈີນ ທີ່​ເມືອງ Qingdao ​ໃນພາກ​ຕາ​ເວັນ​ອອກ​ຂອງ​ຈີນ.
ທ່ານ​ພ​າແນັດຕ້າ ​ເປັນ​ລັດຖະ ມົນຕີ​ກະຊວງ​ປ້ອງ​ກັນ​ປະ​ເທດ​
ສະຫະລັດຄົນ​ທຳ​ອິດ​ທີ່​ໄດ້​ຢ້ຽມຢາມ​ກອງທັບ​ເຮືອຈີນດັ່ງກ່າວ​ນີ້.

​ເຈົ້າໜ້າ​ທີ່​ອາວຸ​ໂສ​ກະຊວງ​ປ້ອງ​ກັນ​ປະ​ເທດ​ສະຫະລັດ​ທ່ານ​ນຶ່ງ ​ເວົ້າ​ວ່າ ທ່ານ​ພາ​ແນັດ​ຕ້າ​ຍັງ​ໄດ້​ພົບ​ປະ​ກັບ​ຜູ້​ບັນຊາ​ການ​ກອງ​ເຮືອ​ລົບ ພົນ​ເຮືອ​ໂທ Tian Zhong. ​ເຈົ້າໜ້າ​ທີ່​ຄົນ​ດັ່ງກ່າວ​ກ່າວ​ວ່າ ​ຜູ້​ນໍາ​ທັງ​ສອງ​ໄດ້​ປຶກສາ​ຫາ ລືກັນ​ເຖິງ​ຄວາມ​ສໍາຄັນ​ຂອງ​ກອງທັບ​ເຮືອ​ຂອງ​ກັນ​ແລະ​ກັນ ​ແລະ​ໃຫ້​ຂໍ້​ສັງ​ເກດເຖິງ​ການ​ເຊື້ອ​ເຊີນ​ຂອງ​ວໍ​ຊິງ​ຕັນ​ໃຫ້​ຈີນ​ເຂົ້າຮ່ວມ​ຊ້ອມ​ລົບການ​ເດີນ​ເຮືອບັ້ນ​ສໍາຄັນ​ໃນ​ປີ 2014.

​ແຕ່​ສ່ວນ​ໃຫຍ່​ແລ້ວການ​ຢ້ຽມຢາມ​ຖານ​ທັບ​ເຮືອທີ່​ສຳຄັນ​ດັ່ງກ່າວ​ຂອງ​ທ່ານ​ພາ​ແນັດ​ຕ້າ​ ແມ່ນໄດ້ມີຂໍ້​ຈໍາກັດ​ຕໍ່​ພວກ​ນັກ​ຂ່າວຊຶ່ງ​ກົງກັນຂ້າມ​ໄດ້​ໃຫ້​ພວກ​ເຂົາ​ເຈົ້າ​ໄປຢ້ຽມຢາມ​ໂຮງງານ​ກັ່ນ​ເຫຼ້າ​ເບຍ ຢູ່​ໃນ​ເຂດ​ທ້ອງ​ຖິ່ນ.

ວໍ​ຊິງ​ຕັນ​ໄດ້​ກ່າວ​ຫາ​ປັກ​ກິ່ງ​ຊໍ້າ​ແລ້ວ​ຊໍ້າ​ອີກ​ທີ່​ບໍ່​ມີ​ຄວາມໂປ່​ງ​ໃສ​ກ່ຽວ​ກັບ​ການ ​ເສີມ​ຂະ​ຫຍາ​ຍກອງທັບ​ຂອງ​ຕົນອອກ​ໄປ​ຢ່າງ​ວ່ອງ​ໄວ​ ທີ່​ມີ​ກຳລັງທະຫານ 2 ລ້ານ 3 ​ແສນ​ຄົນ​ນັ້ນ ​ແຕ່​ການເດີນທາງໄປຢ້ຽມຢາມ​ຂອງ​ທ່ານ​ພາ​ແນັດ​ຕ້າ​ໃນ​ຄັ້ງ​ນີ້ ​ໂດຍ​ສ່ວນ​ໃຫຍ່​ແມ່ນ​ເພັ່ງ​ເລັງ​ໃສ່ເພື່ອ​ປັບປຸງ​ຄວາມ​ສໍາພັນ​ດ້ານ​ທະຫານກັບ​ຈີນ​ໃຫ້​ດີ​ຂຶ້ນນັ້ນ​ເອງ.

ເບິ່ງວີດີໂອ ກ່ຽວກັບການຢ້ຽມຢາມ ຂອງລັດຖະມົນຕີປ້ອງກັນປະເທດສະຫະລັດ:

Panetta's China Visit Full of Challenges
please wait

No media source currently available

0:00 0:02:00 0:00
ລິງໂດຍກົງ
XS
SM
MD
LG