ປາ​ແລ​ສ​ໄຕນ໌ ຈະເຂົ້າຮ່ວມ ສານ​ອາຍານາໆ​ຊາດ​ ເລີ້ມແຕ່​ວັນ​ທີ 1 ​ເມສານີ້

ເລຂາທິ​ການໃຫຍ່ອົງການ​ສະຫະ​ປະຊາ​ຊາດ ທ່ານ Ban Ki-
moon ​ໄດ້​ອອກແຈ້ງການ​ສະບັບ​ນຶ່ງ ​ໂດຍ​ລະບຸ​ວ່າ ປາ​ແລ​ສ​ໄຕນ໌
ຈະ​ເຂົ້າ​ຮ່ວມສານ​ອາຍານາໆ​ຊາດ​ໃນ​ວັນ​ທີ 1 ​ເມສາ ຈະ​ມາ​ນີ້.

ແຈ້ງການ​ທີ່ອອກໃນວັນອັງຄານວານນີ້ ໄດ້ພິມ​ເຜີຍແຜ່​ໃນ​
website ຂໍ້ມູນກ່ຽວກັບ​ສົນທິ ສັນຍາ​ຂອງອົງການ​ສະຫະ​ປະຊາ
​ຊາດ ຊຶ່ງ​ຮວມທັງຂໍ້ຕົກລົງອື່ນໆຈຳນວນນຶ່ງ ​ທີ່ຮັບເອົາທີ່ປະທາ
ນາທິບໍດີປາແລສໄຕນ໌ Mahmoud Abbas ​ໄດ້ລົງນາມໃນ
​ອາທິດ​ແລ້ວ​ນີ້.

ການ​ເອົາ​ບາດກ້າວ​ທີ່​ວ່າ​ນີ້ ອະນຸຍາດໃຫ້ ປາ​ແລ​ສ​ໄຕນ໌ ສາມາດ​ຊອກ​ຫາ​ຊ່ອງ​ທາງ​ຟ້ອງ Israel ​ໃນຂໍ້ຫາກໍ່ອາຊະຍາກຳສົງຄາມ ແຕ່​ມັນ​ກໍຍັງ​ສາມາດ​ເຮັດໃຫ້ ປາ​ແລ​ສ​ໄຕນ໌​ປະ​ເຊີ​ນ ກັບການກ່າວຫານຳດ້ວຍ.

ທ່ານ Abass ໄດ້ຂໍ​ເຂົ້າ​ຮ່ວມສານອາຍາ​ນາໆ​ຊາດ​ ຫຼື Inaternational Crime Court ຫຼັງ​ຈາກ​ທີ່ ສະພາ​ຄວາມໝັ້ນຄົງອົງການສະຫະປະຊາຊາດ​ໄດ້​ປະຕິ​ເສດ​ຕໍ່ຮ່າງຍັດ​ຕິ ທີ່​ສະ​ເໜີ
ໃຫ້​ຕັ້ງ​ເສັ້ນ​ຕາຍ ກ່ຽວກັບການສ້າງຕັ້ງລັດ​ຊາວປາ​ແລ​ສ​ໄຕ ​ໃນ​ດິນ​ແດນ​ທີ່ Israel ຍຶດ ຄອງຢູ່ ຫຼັງ​ຈາກ​ສົງຄາມ​ປີ 1967 ນັ້ນ.

ບັນຫາ​ດັ່ງກ່າວ​ນີ້ ​ໄດ້ຖືກ​ຕຳ​ນິຕິ​ຕຽນ​ຈາກ Israel ທີ່​ໄດ້​ໂຈະ​ການ​ໂອນເງິນ​ພາສີຈຳນວນ 125 ລ້ານ​ໂດ​ລ່າ ​ໃຫ້​ແກ່ປາ​ແລ​ສ​ໄຕນ໌.

ສະຫະລັດ ​ກໍ​ໄດ້​ຄັດຄ້ານ​ຕໍ່​ການ​ເອົາ​ບາດກ້າວ​ທີ່​ວ່າ​ນີ້ ຊຶ່ງ​ຢາກ​ໃຫ້ມີການ​ແກ້ໄຂບັນຫາດັ່ງ ກ່າວ ​ໂດຍໃຫ້ Israel ແລະປາ​ແລ​ສ​ໄຕນ໌ ຕົກລົງ​ກັນດ້ວຍການເຈລະຈາ ບໍ່​ແມ່ນ​ດ້ວຍກາ​ນ​ເອົາ​ບາດກ້າວ​ຂອງທາງ​ອົງການ​ສະຫະ​ປະຊາ​ຊາດ.