ບັນດາເຈົ້າໜ້າທີ່ສາທາລະນະສຸກປາແລັສໄຕນ໌ ກ່າວວ່າ ຊາວປາແລັສໄຕນ໌ ສອງຄົນ
ໄດ້ເສຍຊີວິດ ໂດຍການຍິງຂອງອິສຣາແອລ ແລະອີກ 60 ຄົນໄດ້ຮັບບາດເຈັບຢູ່ໃນ
ການປະທ້ວງຢູ່ຕາມເຂດຊາຍແດນກາຊາ ໃນວັນສຸກວານນີ້ ໃນຂະນະທີ່ບັນດາຜູ່ໄກ່
ເກ່ຍອີຈິບ ປະຕິບັດງານເພື່ອແກ້ໄຂການຢຸດຍິງ.
ບັນດາຜູ້ເຫັນເຫດການກ່າວວ່າ ພວກປະທ້ວງພາກັນຈູດຕີນລົດ ແລະແກວ່ງກ້ອນຫີນ
ພ້ອມທັງລະເບີດໄຟ ໃນຂະນະທີ່ທະຫານອິສຣາແອລຕອບໂຕ້ດ້ວຍແກັສນໍ້າຕາ ແລະ
ບາງຄັ້ງຍິງລູກປືນແທ້.
ທະຫານອິນຣາແອລກ່າວວ່າ ຊາວປາແລັສໄຕນ໌ຈຳນວນນຶ່ງໄດ້ເຂົ້າມາຊາຍແດນອິສ
ຣາແອລໃນໄລຍະສັ້ນໆ ແລະກ່າວວ່າທະຫານໄດ້ຕອບໂຕ້ດ້ວຍ "ວິທີ່ການຂັບໄລ່ຈາ
ລະຈົນ” ເພື່ອປ້ອງກັນການຂ້າມເຂົ້າມາຊາຍແດນ.
ຊາວປາແລັສໄຕນ໌ໄດ້ພາກັນປະທ້ວງຢູ່ຊາຍແດນກາຊານັບແຕ່ເດືອນມີນາທີ່ຜ່ານມາ
ໃນພາກສ່ວນເພື່ອໃຫ້ສິ້ນສຸດການກີດກັ້ນ ອິສຣາແອລ-ອີຈິບ ຕໍ່ກາຊາ. ບັນດາເຈົ້າ
ໜ້າທີ່ປາແລັສໄຕນ໌ກ່າວວ່າ ຊາວປາແລັສໄຕນ໌ 170 ຄົນໄດ້ເສຍຊີວິດໂດຍການຍິງ
ຂອງອິສຣາແອລ ນັບແຕ່ການປະທ້ວງໄດ້ເກີດຂຶ້ນ.
ໃນວັນສຸກເຊັ່ນກັນ ຕຳຫຼວດອິສຣາແອລກ່າວວ່າ ພວກເຈົ້າໜ້າທີ່ໄດ້ຍິງຜູ້ຊາຍຄົນນຶ່ງ
ທີ່ໃຊ້ມີດແກວ່າງໄປມາ ຜູ້ທີ່ໄດ້ໂຈມຕີເຂົາເຈົ້າຢູ່ຄູ້ມບ້ານພັກວັດອາລ ອັກຊາ ໃນນະ
ຄອນເຈຣູຊາແລັມ ຊຶ່ງເປັນວັດສັກສິດທີສາມຂອງອິສລາມ.
ບັນດາເຈົ້າໜ້າທີ່ອີຈິບໄດ້ປະຊຸມຢູ່ນະຄອນໄຄໂຣ ກັບບັນດາຜູ້ຕາງໜ້າຂອງຮາມາສ
ທີ່ເປັນກຸ່ມອິສລາມປາແລັສໄຕນ໌ ທີ່ປະຕິບັດງານຢູ່ໃນກາຊາ ເພື່ອຊອກຫາລາຍລະ
ອຽດຂອງການເປັນໄປໄດ້ທີ່ຈະຢຸດຍິງກັບອິສຣາແອລ.
