ລິ້ງ ສຳຫລັບເຂົ້າຫາ

ຊາວປາ​ແລ​ສ​ໄຕ​ນ໌ 2 ຄົນ ຖືກທະຫານ ອິສຣາ​ແອ​ລ ​​ຍິງ​ຕາຍ (ວີດີໂອ)


ທະຫານອິສຣາແອລ ຊອກຫາທີ່ໝັ້ນ ໃນຂະນະທີ່ປະທະກັນກັບ ຊາວປາ​ແລ​ສ​ໄຕ​ນ໌ ຢູ່ທີ່ໝູ່ບ້ານ Kabatyeh ໃກ້ກັບ Jenin ໃນເຂດ West Bank ເມື່ອວັນທີ 22 ມິຖຸນາ 2014.
ທະຫານ ອິສຣາ​ແອ​ລ ​ໄດ້​ຍິງ​ສັງຫານ ຊາວປາ​ແລ​ສ​ໄຕ​ນ໌ 2 ຄົນ
ໃນເຂດ​ຝັ່ງ​ຕາ​ເວັນ​ຕົກ​ຂອງ​ແມ່​ນ້ຳ​ຈໍ​ແດນ ຫຼື West Bank
ໃນ​ຕອນ​ເຊົ້າວັນ​ອາທິດ​ມື້​ນີ້ ​ໃນ​ການ​ປະ​ທະ​ກັນສອງ​ບັ້ນຕ່າງກັນ
ໃນ​ຂະນະ​ທີ່​ທະຫານ​ອິສຣາ​ແອ​ລ ​ສືບ​ຕໍ່​ຊອກ​ຫາ ພວກເດັກ​ໄວ
​ລຸ່ນອິສຣາ​ແອ​ລ 3 ຄົນ​ທີ່​ ຫາ​ຍສາບ​ສູນ​ໄປ.

ອິສຣາ​ແອ​ລ ກ່າວ​ວ່າ ຜູ້​ຊາຍປາ​ແລ​ສ​ໄຕ​ນ໌ ຄົນໜຶ່ງ​ຖືກຍິງຕາຍ
​ຢູ່​ທີ່ ເຂດ​ເ​ມື​ອງ Nablus ຫຼັງຈາກ​ທີ່​ບໍ່ເອົາຫົວຊາ ​ນຳ​ການ​ຍິງ
ເຕືອນຫຼາຍນັດ​ ​ແລະ ​ຜູ້ກ່ຽວ​ຍັງໄດ້​ຍ່າງເຂົ້າ​ໄປ​ຫາທະຫານ ​ໃນ​
ລັກສະນະ​ທີ່​ເຂົາ​ເຈົ້າບັນ​ລະ​ຍາຍ​ວ່າ “ຜູ້​ກ່ຽວ​ມີ​ທ່າ​ທາງ​ຂົ່ມຂູ່.”
ຄອບ​ຄົວ​ຂອງ​ຜູ້ຊາຍ​ຄົນ​ນັ້ນ ບອກກັບ​ອົງການ​ຂ່າວ​ສານຂອງ
ຝຣັ່ງວ່າ ລາວ​ເປັນ​ຄົນ​ບໍ່​ປົກກະຕິ​ ທາງ​ດ້ານຈິດໃຈ.

ຜູ້​ຊາຍປາ​ແລ​ສ​ໄຕ​ນ໌ ອີກຄົນໜຶ່ງ​ຕາຍ​ໃນ​ການ​ຍິງ​ກັນ​ຢູ່ໃນເມືອງ Ramallah ຊຶ່ງ​ເປັນ
ເມືອງ​ຫລວງດ້ານ​ການ​ປົກຄອງຂອງ​ເຂ​ດ West Bank ຂອງ​ຊາວປາ​ແລ​ສ​ໄຕ​ນ໌.

ເດັກ​ໄວ​ລຸ່ນອິສຣາ​ແອ​ລ 3 ຄົນ​ດັ່ງ​ກ່າວ ຊຶ່ງຜູ້​ໜຶ່ງ​ຖືໜັງສືຜ່ານ​ແດນ​ສະຫະລັດ ​ໄດ້​ຫາຍ​
ສາບ​ສູນ​ໄປ​ ເມື່ອ​ວັນ​ທີ 12 ມິ​ຖຸນາ ຢູ່ໃນ​ເຂດພາກ​ໃຕ້​ຂອງ West Bank. ອິສຣາ​ແອ​ລ
​ໄດ້​ກ່າວ​ຫາ ກຸ່ມ Hamas ວ່າ​ເປັນ​ຜູ້​ລັກພາ​ໂຕເດັກ​ໄວ​ລຸ່ນ​ເຫລົ່າ​ນັ້ນ​ໄປ.
XS
SM
MD
LG