ນາຍົກລັດຖະມົນຕີປາກິສຖານ ທ່ານ Nawaz Sharif ໄດ້ປະ
ນາມການໂຈມຕີ ການສັງຫານນາງ Sabeen Mahmud ນັກ
ເຄື່ອນໄຫວດ້ານສິດທິແມ່ຍິງ ທີ່ມີຊື່ສຽງ ໃນເມືອງທ່າ Karachi
ນັ້ນແລະສັ່ງໃຫ້ທຳການສືບສວນສອບສວນໂດຍທັນທີ.
ສະຖານທູດສະຫະລັດ ທີ່ນະຄອນຫຼວງອິສລາມາບັດ ໄດ້ປະນາມ
ການສັງຫານນາງ Mahmud ເຊັ່ນກັນ ແລະໄດ້ສະແດງຄວາມ
ໂສກເສົ້າເສຍໃຈ ຕໍ່ຄອບຄົວ ພວກຍາດຕິພີ່ນ້ອງແລະເພື່ອນຝູງ
ຂອງນາງ.
ຕຳຫຼວດກ່າວໃນວັນເສົາວານນີ້ວ່າ ພວກມືປືນຈຸໜຶ່ງທີ່ຂີ່ລົດຈັກ
ມາ ໄດ້ສັງຫານນາງ Mahmoud ໃນແລງວັນສຸກຜ່ານມາ ພຽງບໍ່ເທົ່າໃດຊົ່ວໂມງ ຫຼັງຈາກນາງໄດ້ໄຂກອງປະຊຸມໜຶ່ງກ່ຽວກັບແຂວງBaluchistan ທີ່ປະສົບກັບຄວາມວຸ້ນວາຍ ໃນພາກຕາເວັນອອກສຽງໃຕ້ ຂອງປາກິສ ຖານນັ້ນ. ແຂວງ Baluchistan ເປັນທີ່ຮູ້ຈັກກັນວ່າ
ເປັນບ່ອນທີ່ມີ ການກໍ່ການກະບົດມາເປັນເວລາດົນນານ ໃນປາກິສຖານນັ້ນ.
ເຖິງແມ່ນບັນດາເຈົ້າໜ້າທີ່ສືບສວນສອບສວນ ປະຕິເສດທີ່ຈະໃຫ້ລາຍລະອຽດ ກ່ຽວກັບ
ສາເຫດທີ່ເປັນໄປໄດ້ໃນການສັງຫານນາງ Mahmud ນັ້ນກໍຕາມ ແຕ່ພວກເພື່ອຝູງແລະ
ເພື່ອນຮ່ວມງານ ບັນລະຍາຍການເສຍຊີວິດຂອງນາງ ເປັນການລອບສັງຫານທີ່ໄດ້ແນ
ເປົ້າໝາຍໄວ້.
ນັກເຄື່ອນໄຫວປາກິສຖານຄົນນີ້ ທີ່ເປັນເຈົ້າຂອງຮ້ານຂາຍກາເຟ ຢູ່ເທິງຊັ້ນສອງຂອງອາຄານຫຼັງໜຶ່ງໃນນະຄອນກາຣາຈີ ທີ່ເອີ້ນກັນໃນທ້ອງຖິ່ນວ່າ ຮ້ານ T2F ແລະຍາແມ່
ຂອງນາງ Mehnaz Mahmud ກຳລັງພາກັນເດີນທາງກັບບ້ານເຮືອນຈາກຮ້ານກາເຟ ຂອງເຂົາເຈົ້າ ເວລາພວກເຂົາເຈົ້າຖືກໂຈມຕີນັ້ນ. ນາງ Mahmud ໄດ້ເສຍຊີວິດ ໃນລະຫວ່າງເດີນທາງໄປຍັງໂຮງໝໍ. ພວກນາຍແພດ ກ່າວວ່າ ພວກເຂົາເຈົ້າໄດ້ເຈາະເອົາລູກປືນ 5 ລູກອອກຈາກໂຕນາງ. ສ່ວນແມ່ຂອງນາງ ກໍໄດ້ຖືກຍິງເຊັ່ນກັນ ແລະມີອາການສາຫັດ.