ທ່ານ Nawaz Sharif ນາຍົກລັດຖະມຸນຕີປາກິສຖານຮຽກ
ຮ້ອງໃຫ້ທ່ານບາຣັກ ໂອບາມາປະທານາທິບໍດີສະຫະລັດຢຸດ
ການໂຈມຕີດ້ວຍເຮືອບິນທີ່ບໍ່ມີຄົນຂັບໃສ່ປະເທດຂອງທ່ານ
ອັນເປັນການໂຈມຕີ ທີ່ໄດ້ຮັບການຄັດຄ້ານຢ່າງກວ້າງຂວາງ
ໃນປາກິສຖານ.
ພາຍຫຼັງການໂອ້ລົມສົນທະນາກັນໃນວັນພຸດວານນີ້ ທີ່ທຳນຽບຂາວ ທ່ານ Sharif ກ່າວວ່າ ທ່ານໄດ້ເນັ້ນໜັກເຖິງຄວາມຈຳເປັນທີ່ຈະຕ້ອງຍຸດຕິການໂຈມຕີດັ່ງກ່າວ ແຕ່ທ່ານໂອບາມາ ບໍ່ໄດ້ກ່າວເຖິງເລື້ອງເຮືອບິນບໍ່ມີຄົນຂັບໃນການຖະແຫຼງຂອງທ່ານຕໍ່ບັນດານັກຂ່າວ.
ແຕ່ໃນລາຍງານຂ່າວທີ່ພິມເຜີຍແຜ່ໃນວັນພະຫັດມື້ນີ້ໜັງສືພິມ Washington Post ກ່າວວ່າ
ບັນດາເຈົ້າໜ້າທີ່ຂັ້ນສູງໃນວົງການລັດຖະບານປາກິສຖານໄດ້ໃຫ້ການສະໜັບສະໜຸນຢ່າງລັບໆ
ຕໍ່ໂຄງການໂຈມຕີໂດຍເຮືອບິນບໍ່ມີຄົນຂັບ ຂອງສະຫະລັດ. ໜັງສືພິມສະບັບນີ້ກ່າວຕື່ມວ່າເອກະ
ສານລັບສຸດຍອດຂອງອົງການສືບລັບ CIA ແລະບັນທຶກທາງການທູດປາກິສຖານທີ່ໜັງສືພິມໄດ້
ຮັບ ສະແດງໃຫ້ເຫັນວ່າ ກຸງອິສລາມາບັດໄດ້ຮັບລາຍງານແບບລັບໆ ກ່ຽວກັບການໂຈມຕີ ແລະຈຳນວນຜູ້ບາດເຈັບລົ້ມຕາຍ.
ທ່ານໂອບາມາ ໄດ້ກ່າວອ້າງເຖິງການຕໍ່ສູ້ຂອງປາກິສຖານ ກັບພວກກໍ່ການຮ້າຍໂດຍເວົ້າວ່າ ປະຊາຊົນປາກິສຖານຈຳນວນຫຼາຍກວ່າ 40 ພັນຄົນໄດ້ເສຍຊີວິດໃນການໂຈມຕີຂອງພວກຫົວຮຸນແຮງຈັດ ໃນລະຫວ່າງນຶ່ງທົດສະວັດຜ່ານມານີ້. ທ່ານໂອບາມາ ກ່າວຕື່ມວ່າທ່ານຮູ້ຈັກດີວ່າ ທ່ານ Sharif ມີຄວາມໝາຍໝັ້ນຢ່າງໜັກແໜ້ນເພື່ອພະຍາຍາມລົດຜ່ອນການກໍ່ການຮ້າຍລົງໃນປາກິສຖານ ແລະປ້ອງກັນບໍ່ໃຫ້ການກໍ່ການຮ້າຍນີ້ແຜ່ລາມອອກໄປບ່ອນອື່ນ.
ຖະແຫຼງການຮ່ວມສະບັບນຶ່ງ ຂອງຜູ້ນຳທັງສອງກ່າວວ່າ ການເປັນຄູ່ພາຄີກັນຂອງພວກທ່ານແມ່ນ
ອີງໃສ່ຫຼັກການແຫ່ງຄວາມເຄົາລົບນັບຖືອະທິປະໄຕແລະເຂດນ້ຳແດນດິນອັນຄົບຖ້ວນຊຶ່ງກັນແລະກັນ.
ທ່ານໂອບາມາ ຍັງກ່າວເຊັ່ນກັນວ່າ ທ່ານໄດ້ພະຍາຍາມໃຫ້ຄວາມໝັ້ນໃຈຕໍ່ທ່ານ Sharifກ່ຽວກັບຖານະຂອງອັຟການິສຖານບ່ອນທີ່ກຳລັງສູ້ລົບຂອງສະຫະລັດວາງແຜນຈະຖອນອອກໄປໃນປີໜ້ານີ້. ທ່ານກ່າວວ່າ ທ່ານມີຄວາມໝັ້ນໃຈ ກ່ຽວກັບການແກ້ໄຂທີ່ດີສຳລັບອັຟການິສຖານ ແຕ່ຍັງຊ່ອຍປົກປ້ອງປາກິສຖານເຊັ່ນກັນໃນໄລຍະຍາວນັ້ນ.
ຮ້ອງໃຫ້ທ່ານບາຣັກ ໂອບາມາປະທານາທິບໍດີສະຫະລັດຢຸດ
ການໂຈມຕີດ້ວຍເຮືອບິນທີ່ບໍ່ມີຄົນຂັບໃສ່ປະເທດຂອງທ່ານ
ອັນເປັນການໂຈມຕີ ທີ່ໄດ້ຮັບການຄັດຄ້ານຢ່າງກວ້າງຂວາງ
ໃນປາກິສຖານ.
ພາຍຫຼັງການໂອ້ລົມສົນທະນາກັນໃນວັນພຸດວານນີ້ ທີ່ທຳນຽບຂາວ ທ່ານ Sharif ກ່າວວ່າ ທ່ານໄດ້ເນັ້ນໜັກເຖິງຄວາມຈຳເປັນທີ່ຈະຕ້ອງຍຸດຕິການໂຈມຕີດັ່ງກ່າວ ແຕ່ທ່ານໂອບາມາ ບໍ່ໄດ້ກ່າວເຖິງເລື້ອງເຮືອບິນບໍ່ມີຄົນຂັບໃນການຖະແຫຼງຂອງທ່ານຕໍ່ບັນດານັກຂ່າວ.
ແຕ່ໃນລາຍງານຂ່າວທີ່ພິມເຜີຍແຜ່ໃນວັນພະຫັດມື້ນີ້ໜັງສືພິມ Washington Post ກ່າວວ່າ
ບັນດາເຈົ້າໜ້າທີ່ຂັ້ນສູງໃນວົງການລັດຖະບານປາກິສຖານໄດ້ໃຫ້ການສະໜັບສະໜຸນຢ່າງລັບໆ
ຕໍ່ໂຄງການໂຈມຕີໂດຍເຮືອບິນບໍ່ມີຄົນຂັບ ຂອງສະຫະລັດ. ໜັງສືພິມສະບັບນີ້ກ່າວຕື່ມວ່າເອກະ
ສານລັບສຸດຍອດຂອງອົງການສືບລັບ CIA ແລະບັນທຶກທາງການທູດປາກິສຖານທີ່ໜັງສືພິມໄດ້
ຮັບ ສະແດງໃຫ້ເຫັນວ່າ ກຸງອິສລາມາບັດໄດ້ຮັບລາຍງານແບບລັບໆ ກ່ຽວກັບການໂຈມຕີ ແລະຈຳນວນຜູ້ບາດເຈັບລົ້ມຕາຍ.
ທ່ານໂອບາມາ ໄດ້ກ່າວອ້າງເຖິງການຕໍ່ສູ້ຂອງປາກິສຖານ ກັບພວກກໍ່ການຮ້າຍໂດຍເວົ້າວ່າ ປະຊາຊົນປາກິສຖານຈຳນວນຫຼາຍກວ່າ 40 ພັນຄົນໄດ້ເສຍຊີວິດໃນການໂຈມຕີຂອງພວກຫົວຮຸນແຮງຈັດ ໃນລະຫວ່າງນຶ່ງທົດສະວັດຜ່ານມານີ້. ທ່ານໂອບາມາ ກ່າວຕື່ມວ່າທ່ານຮູ້ຈັກດີວ່າ ທ່ານ Sharif ມີຄວາມໝາຍໝັ້ນຢ່າງໜັກແໜ້ນເພື່ອພະຍາຍາມລົດຜ່ອນການກໍ່ການຮ້າຍລົງໃນປາກິສຖານ ແລະປ້ອງກັນບໍ່ໃຫ້ການກໍ່ການຮ້າຍນີ້ແຜ່ລາມອອກໄປບ່ອນອື່ນ.
ຖະແຫຼງການຮ່ວມສະບັບນຶ່ງ ຂອງຜູ້ນຳທັງສອງກ່າວວ່າ ການເປັນຄູ່ພາຄີກັນຂອງພວກທ່ານແມ່ນ
ອີງໃສ່ຫຼັກການແຫ່ງຄວາມເຄົາລົບນັບຖືອະທິປະໄຕແລະເຂດນ້ຳແດນດິນອັນຄົບຖ້ວນຊຶ່ງກັນແລະກັນ.
ທ່ານໂອບາມາ ຍັງກ່າວເຊັ່ນກັນວ່າ ທ່ານໄດ້ພະຍາຍາມໃຫ້ຄວາມໝັ້ນໃຈຕໍ່ທ່ານ Sharifກ່ຽວກັບຖານະຂອງອັຟການິສຖານບ່ອນທີ່ກຳລັງສູ້ລົບຂອງສະຫະລັດວາງແຜນຈະຖອນອອກໄປໃນປີໜ້ານີ້. ທ່ານກ່າວວ່າ ທ່ານມີຄວາມໝັ້ນໃຈ ກ່ຽວກັບການແກ້ໄຂທີ່ດີສຳລັບອັຟການິສຖານ ແຕ່ຍັງຊ່ອຍປົກປ້ອງປາກິສຖານເຊັ່ນກັນໃນໄລຍະຍາວນັ້ນ.
