ໜ່ວຍກຳລັງປະກອບອາວຸດປາກິສຖານ ໄດ້ບຸກເຂົ້າກວດຄົ້ນ
ສຳນັກງານໃຫຍ່ຂອງພັກການເມືອງໃຫຍ່ພັກນຶ່ງ ໃນວັນພຸດ
ມື້ນີ້ ທີ່ເມືອງກາຣາຈີ ບ່ອນທີ່ບັນດາເຈົ້າໜ້າທີ່ກ່າວວ່າ ພວກ
ເຂົາເຈົ້າໄດ້ຈັບກຸມພວກຜູ້ຕ້ອງສົງໄສ ທີ່ຕ້ອງການໂຕຈຳນວນ
ນຶ່ງ ແລະຍຶດອາວຸດໄດ້.
ການບຸກເຂົ້າກວດຄົ້ນ ດັ່ງກ່າວ ໄດ້ແນເປົ້າໝາຍໃສ່ພວກຫ້ອງ
ການຂອງຂະບວນການ Muttahida Quami ຫຼື MQM ຊຶ່ງ
ເປັນກຳລັງການເມືອງຄອບງຳໃນເມືອງທີ່ມີປະຊາຊົນອາໄສ
ຢູ່ຫຼາຍທີ່ສຸດຂອງປາກິສຖານ.
ພັນເອກ Tahir Mahmood ກ່າວວ່າ ພັກການເມືອງດັ່ງກ່າວໄດ້ໃຫ້ບ່ອນລີ້ຊ່ອນ ແກ່
ພວກອາຊະຍາກອນ ແລະວ່າພວກທະຫານໄດ້ຈັບກຸມພວກອາຊະຍາກອນ 6 ຄົນ ທີ່ຜູ້ຄົນຮູ້ຈັກກັນດີໃນລະຫວ່າງການບຸກເຂົ້າກວດຄົ້ນຄັ້ງນີ້.
ບັນດາເຈົ້າໜ້າທີ່ ພັກ MQM ເອີ້ນການປະຕິບັດງານດັ່ງກ່າວວ່າ ມີຈຸດປະສົງທາງດ້ານ
ການເມືອງ ແລະກ່າວວ່າ ພວກອາວຸດໃນສຳນັກງານໃຫຍ່ຂອງຕົນແມ່ນມີໃບອະນຸຍາດ
ທີ່ຖືກຕ້ອງຕາມກົດໝາຍ.
ພວກທີ່ຄັດຄ້ານ ກ່າວຫາພັກ MQM ວ່າໃຊ້ຄວາມຮຸນແຮງເພື່ອກົດດັນອິດທິພົນຂອງຕົນ
ຊຶ່ງພັກດັ່ງກ່າວໄດ້ປະຕິເສດນັ້ນ.
