ສານປາກິສຖານ ອະນຸຍາດ ໃຫ້ປະກັນໂຕ ເດັກຍິງ (ວີດີໂອ)

ຜູ້ພິພາກສາ​ຄົນ​ນຶ່ງ​ຂອງປາ​ກິ​ສຖານ ​ໄດ້​ອະນຸຍາດ​ໃຫ້ປະກັນ
ໂຕ​ເດັກ​ຍິງ​ຄຣິສຕຽນຄົນ​ນຶ່ງ ​ທີ່​ຖືກ​ກ່າວ​ຫາໝິ່ນປະ​ໝາດ
​ສາສະໜາອິສລາມ.

ນາງ Rimsha Masih ​ໄດ້​ຖືກ​ຈັບ​ໃນ​ເດືອນ​ແລ້ວນີ້ ທີ່ ກຸງ​ Islamabad ຫລັງຈາກເພື່ອນບ້ານ​ພາກັນ​ໃຈ​ຮ້າຍ ກ່າວຫາ​ນາງວ່າ ຈູດ​ເຜົາ​ຄໍາ​ພີ​ໂຄຣານ ຫລາຍ​ໜ້າ.
​
ໃນ​ລະຫວ່າງ​ການ​ດຳ​ເນີນຄະດີໃນ​ວັນ​ສຸກ​ນີ້ ຜູ້​ພິພາກສາ Mohammad Azam Khan ​ໄດ້​ສັ່ງ​ໃຫ້​ປ່ອຍໂຕນາງ Masih ຫລັງ​ຈາກ​ໄດ້​ຮັບ​ຟັງ​ການ​ໂຕ້​ຖຽງ​ຂອງ​ທະນາຍຄວາ​ມ
ທັງສອງ​ກໍ້າ​ສອງ​ຝ່າຍ. ນາງ Masih ​ໄດ້​ຖືກເຈົ້າ​ໜ້າ​ທີ່​ຕໍາຫລວດ​ຄວບ​ຄຸມ​ໂຕ​ໄວ້ ມາ​ໄດ້​ສາມ​ອາທິດ​ແລ້ວ. ທ່ານ Khan ​ໄດ້​ຕັ້ງ​ຄ່າ​ປະກັນ​ໂຕປະ​ມານ $10,500 ​ໂດ​ລາ. ຍັງ​ບໍ່​ເປັນ​ທີ່​ແຈ່ມ​ແຈ້ງ​ເທື່ອວ່າ ​ເວລາໃດນາງ​ຈຶ່ງຈະ​ຖືກ​ປ່ອຍ​ໂຕ.

ອາທິດ​ແລ້ວ​ນີ້ ​ເຈົ້າ​ໜ້າ​ທີ່​ຕໍາຫລວດ​ໄດ້​ຈັບນັກບວດມຸສລິມ Khalid Jadoon ​ໃນ​ຖານ​ສົງໄສ​ວ່າ ລາວ​ເປັນ​ຜູ້​ວາງ​ແຜນ​ສ້າງ​ຫຼັກຖານ​ການ​ກະທໍາ​ຜິດໃສ່​ເດັກ​ຍິງ​ຄົນ​ນີ້. ການ​ຈັບ​ກຸມ​ໄດ້​ມີຂື້ນຫລັງ​ຈາກ​ບັນດາ​ສະມາ​ຊິກຢູ່ວັດ​ຂອງ​ລາວ​ລາຍງານ​ໃຫ້​ຕໍາຫລວດ​ຊາບ.

ພາຍ​ໃຕ້​ກົດໝາຍ​ ໝີ່​ນປະໝາດ​ສາສະໜາຂອງ​ປາ​ກິ​ສຖານ​ແລ້ວ ຜູ້ໃດກໍ​ຕາມ​ທີ່​ກ່າວ​ໃນ​ສິ່ງ​ບໍ່ດີ ​ຕໍ່​ສາສະໜາອິສລາມ ​ແລະຕໍ່​ພະ​ສາ​ສະ​ດາ Mohammed ຖື​ວ່າ ກະທໍາ​ຄວາມຜິດ ແລະປະ​ເຊີນ​ກັບ​ໂທດ​ປະຫານ​ຊີວິດ. ລາຍ​ງານ​ດ້ານ​ການ​ແພດ​ບອກ​ວ່າ ​ເດັກ​ຍິງຄົນ​ນີ້ມີ
ອາຍຸ 14 ປີ​ ​ແລະເປັນໂຣກ​ຈິດ.