ອ້າຍນ້ອງສອງຄົນອາຍຸໄວ 20 ປີ ໄດ້ຖືກຂ້າຕາຍ ແລະ ພໍ່ແມ່ຂອງພວກເຂົາເຈົ້າໄດ້ຮັບບາດເຈັບ ເມື່ອມືປືນໄດ້ຖະຫຼົ່ມຍິງໃສ່ຢູ່ໃກ້ກັບຫ້ອງການເຮັດ Passport ໃນເຂດພາກຕາເວັນຕົກສຽງໃຕ້ທີ່ບໍ່ມີຄວາມສະຫງົບຂອງ ປາກິສຖານ, ອີງຕາມເຈົ້າໜ້າທີ່ຕຳຫຼວດອາວຸໂສຄົນໜຶ່ງ.
ເຈົ້າໜ້າທີ່ໄດ້ກ່າວວ່າ ຕຳຫຼວດຄົນໜຶ່ງກໍໄດ້ຖືກສັງຫານເຊັ່ນກັນ ໃນເຫດການຂອງວັນຈັນມື້ນນີ້ໃນເມືອງ Quetta, ຫຼັງຈາກໄດ້ເຮັດໃຫ້ໜຶ່ງໃນພວກໂຈມຕີຄົນໜຶ່ງໄດ້ຮັບບາດເຈັບ ແລະ ຫຼົບໜີໄປໄດ້.
ຜູ້ຖືກເຄາະຮ້າຍ, ນອກຈາກຕຳຫຼວດແລ້ວ, ໄດ້ຖືກລາຍງານວ່າເປັນສະມາຊິກຂອງຊຸມຊົນຊາວມຸສລິມ Shiite Hazara ກຸ່ມນ້ອຍ.
ບໍ່ມີໃຜອອກມາຮັບຜິດຊອບຕໍ່ການກໍ່ຄວາມຮຸນແຮງນີ້.
ກຸ່ມພວກຫົວຮຸນແຮງ ມຸສລິມ ຊຸນນີ ໄດ້ທຳການໂຈມຕີ ຊາວມຸສລິມ Shiite Hazara ເປັນປະຈຳ.
