ລິ້ງ ສຳຫລັບເຂົ້າຫາ

ວັນຈັນ, ໒໔ ມິຖຸນາ ໒໐໒໔

80 ຄົນເສຍຊີວິດ ໃນການໂຈມຕີ ຢູ່ປາກິສຖານ


ຜູ້ຊາຍຄົນນຶ່ງທີ່ໄດ້ຮັບບາດເຈັບ ຍ້ອນການໂຈມຕີສະລະຊີບ ໃນເຂດເມືອງ Charsadda ຖືກຫາມອອກຈາກລົດ ທີ່ໂຮງໝໍ Lady Reading ໃນເຂດເມືອງ Peshawar (13 ພຶດສະພາ 2011)
ຜູ້ຊາຍຄົນນຶ່ງທີ່ໄດ້ຮັບບາດເຈັບ ຍ້ອນການໂຈມຕີສະລະຊີບ ໃນເຂດເມືອງ Charsadda ຖືກຫາມອອກຈາກລົດ ທີ່ໂຮງໝໍ Lady Reading ໃນເຂດເມືອງ Peshawar (13 ພຶດສະພາ 2011)

ເຈົ້າໜ້າທີ່ປາກິສຖານກ່າວວ່າ ຈຳນວນຜູ້ເສຍຊີວິດຈາກ
ການໂຈມຕີດ້ວຍລະເບີດສະລະຊີບ 2 ຄັ້ງທີ່ສູນຝຶກກຳ
ລັງຮັກສາຄວາມສະຫງົບ ໃນເຂດພາກຕາເວັນຕົກສຽງ
ເໜືອຂອງປະເທດ ໄດ້ເພີ່ມຂຶ້ນເປັນ 80 ຄົນ.

ກຸ່ມທາລີບານໃນປາກິສຖານກ່າວວ່ າຕົນເປັນຜູ້ທຳການ
ໂຈມຕີໃນວັນສຸກມື້ນີ້ ເພື່ອແກ້ແຄ້ນຕໍ່ການສັງຫານນາຍ
Osama bin Laden ຜູ້ນຳຂອງກຸ່ມກໍ່ການຮ້າຍອາລ
ກາຍດາ.

ກຸ່ມຫົວຮຸນແຮງທາລີບານ ກ່າວວ່າ ການໂຈມຕີດ້ວຍລະ
ເບີດທັງ 2 ແມ່ນເປັນການແກ້ແຄ້ນຄັ້ງທຳອິດໃຫ້ແກ່ນາຍ
bin Laden.

ເຈົ້າໜ້າທີ່ປາກິສຖານກ່າວວ່າ ເກືອບທັງໝົດຂອງພວກທີ່ເສຍຊີວິດໃນການໂຈມຕີໃນວັນສຸກ
ມື້ນີ້ທີ່ສູນກາງຝຶກຕຳຫຼວດໃນເຂດຊາຍແດນຢູ່ Shabaqadar ໃນເຂດເມືອງ Charsadda
ນັ້ນແມ່ນເປັນພວກນັກຮຽນນາຍຮ້ອຍຕຳຫຼວດທີ່ເຂົ້າໃໝ່. ນອກນັ້ນຍັງມີອີກຫຼາຍສິບຄົນໄດ້
ຮັບບາດເຈັບ.

ເຈົ້າໜ້າທີ່ເວົ້າວ່າ ການໂຈມຕີທີ່ວ່ານີ້ມີຂຶ້ນໃນຂະນະທີ່ພວກນັກຮຽນນາຍຮ້ອຍກຳລັງພາກັນ
ຂຶ້ນລົດກັບບ້ານ ເນື່ອງໃນໂອກາດວັນພັກເປັນເວລາສັ້ນໆ.

ນາຍ bin Laden ໄດ້ຖືກຂ້າຕາຍໃນສັບປະດາແລ້ວ ໃນການບຸກເຂົ້າໄປຈັບຂອງໜ່ວຍກ້າ
ຕາຍສະຫະລັດທີ່ເມືອງ Abbottabad ຫົວເມືອງຄ້າຍທະຫານໃນພາກເໜືອປາກິສຖານ.

XS
SM
MD
LG