ເຈົ້າໜ້າທີ່ກອງທັບປາກິສຖານກ່າວວ່າ ມີການໂຈມຕີສະລະ
ຊີບໃສ່ສະຖານທີ່ທາງທະຫານແຫ່ງນຶ່ງ ໃນເມືອງ Mardan
ທາງພາກຕາເວັນຕົກສຽງເໜືອ ຂອງປະເທດ ເຮັດໃຫ້ທະ
ຫານເສຍຊີວິດຢ່າງນ້ອຍ 27 ຄົນ.
ເຈົ້າໜ້າທີ່ເວົ້າວ່າ ຜູ້ໂຈມຕີ ທີ່ເປັນໜຸ່ມນ້ອຍໄວລຸ່ນ ໄດ້ໃສ່
ເຄື່ອງແບບນັກຮຽນ ແລະຍ່າງເຂົ້າໄປໃນຄ້າຍທະຫານກ່ອນ
ທີ່ຈະບີບຄະນວນລະເບີດໃຫ້ແຕກຂຶ້ນໃນວັນພະຫັດມື້ນີ້.
ການໂຈມຕີຄັ້ງນີ້ຍັງເຮັດໃຫ້ທະຫານອີກ 40 ຄົນ ທີ່ພວມ
ພາກັນອອກກຳລັງກາຍຢູ່ນັ້ນໄດ້ຮັບບາດເຈັບ.
ຕຳຫຼວດກ່າວວ່າເຂດດັ່ງກ່າວນີ້ໄດ້ມີການຍາມຮັກສາຄວາມປອດໄພເປັນຢ່າງດີ. ທັງເຈົ້າໜ້າ
ທີ່ຕຳຫຼວດແລະທະຫານພວມທຳການສືບສວນກ່ຽວກັບຄວາມເປັນໄປໄດ້ຂອງຄວາມຂາດຕົກ
ບົກຜ່ອງໃນການຮັກສາຄວາມປອດໄພ.