ເຈົ້າໜ້າທີ່ຮັກສາຄວາມສະຫງົບຂອງປາກິສຖານກ່າວວ່າ ການໂຈມຕີດ້ວຍລະເບີດໄດ້ສັງ
ຫານທະຫານປາກິສຖານ 2 ຄົນ ໃນເຂດພາກຕາເວັນຕົກສຽງເໜືອຂອງປະເທດໃກ້ໆ
ຊາຍແດນອັຟການິສຖານ.
ລະເບີດທີ່ຄວບຄຸມຈາກໄລຍະໄກ ໄດ້ແຕກໃສ່ລົດທະຫານຄັນນຶ່ງ ທີ່ແລ່ນເປັນຂະບວນຢູ່
ໃນເຂດຊານເມືອງຂອງເມືອງ Miran Shah ຊຶ່ງເປັນຫົວເມືອງໃຫຍ່ສຸດໃນເຂດຊົນເຜົ່າ
Waziristan ເໜືອ.
ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີຄັ້ງນີ້ເທື່ອ ແຕ່ເຂດດັ່ງກ່າວ
ແມ່ນເປັນທີ່ໝັ້ນຂອງພວກຕາລີບານແລະພວກຫົວຮຸນແຮງອື່ນໆທີ່ເປັນເຄືອຂາຍຂອງກຸ່ມ
ກໍ່ການຮ້າຍຂ້າມຊາດອາລກາຍດາ.
ສ່ວນໃນບ່ອນອື່ນໆໃນເຂດພາກຕາເວັນຕົກສຽງເໜືອຂອງປາກິສຖານນັ້ນລະເບີດທີ່ເຮັດ
ເອງລູກນຶ່ງ ໄດ້ແຕກຂຶ້ນຢູ່ນອກເຮືອນຂອງຜູ້ນຳອະວຸໂສຊົນເຜົ່າໃນເຂດ Khyber ເຮັດ
ໃຫ້ມີຜູ້ເສຍຊີວິດ 2 ຄົນແລະໄດ້ຮັບບາດເຈັບອີກຢ່າງນ້ອຍ 4 ຄົນ.
ເສັ້ນທາງສຳຄັນໄປຍັງອັຟການິສຖານແມ່ນຜ່ານເຂດ Khyber ຂອງປາກິສຖານແລະໄດ້
ຖືກໃຊ້ເປັນເສັ້ນທາງຂົນສົ່ງຍຸດທະປັດໄຈ ໄປໃຫ້ກຳລັງປະສົມພາຍໃຕ້ການນຳພາຂອງສະ
ຫະລັດກ່ອນທີ່ປາກິສຖານໄດ້ສັ່ງໃຫ້ໂຈະ ເພື່ອປະທ້ວງຕໍ່ການໂຈມຕີທາງອາກາດ ຂອງອົງ
ການເນໂຕ້ໃນເດືອນພະຈິກທີ່ເຮັດໃຫ້ທະຫານປາກິສຖານ 24 ຄົນເສຍຊີວິດໄປນັ້ນ.
ນອກນັ້ນແລ້ວໃນວັນເສົາມື້ນີ້ ເຈົ້າໜ້າທີ່ຮັກສາຄວາມສະຫງົບປາກິສຖານກ່າວວ່າ ເຮືອບິນ
ເຮືອບິນເຮຣີຄອບເຕີ້ຕິດປືນກົນຂອງກອງທັບ ໄດ້ໂຈມຕີບ່ອນຫຼົບລີ້ຂອງພວກຫົວຮຸນແຮງ
ຢູ່ໃນເຂດຊົນເຜົ່າ Orakzai ໂດຍໄດ້ສັງຫານພວກຫົວຮຸນແຮງ 10 ແຕ່ຈຳນວນຜູ້ເສຍຊີວິດ
ເຫຼົ່ານີ້ຍັງບໍ່ທັນໄດ້ຮັບການຢືນຢັນຈາກແຫຼ່ງຂ່າວທີ່ເປັນອິດສະຫຼະເທື່ອ.
