ລິ້ງ ສຳຫລັບເຂົ້າຫາ

41 ຄົນເສຍຊີວິດ ໃນການໂຈມຕີສະລະຊີບ ທີ່ປາກິສຖານ

  • ໄພສານ ວໍຣະຈັກ

ແພດທະຫາປາກິສຖານ ແລະພວກກູ້ໄພ ສົ່ງຜູ້ເຄາະຮ້າຍຄົນນຶ່ງ ທີ່ບາດເຈັບຈາກການໂຈມຕີສະລະຊີບ ເຂົ້າໂຮງໝໍທີ່ເມືອງ Peshawar (25 ທັນວາ 2010)

ຕຳຫຼວດປາກິສຖານກ່າວວ່າ ການໂຈມຕີສະລະຊີບໃນ
ວັນເສົາມື້ນີ້ ໃນພາກຕາເວັນຕົກສຽງເໜືອ ຂອງປາກິສ
ຖານເຮັດໃຫ້ມີຜູ້ເສຍຊີວິດຢ່າງນ້ອຍ 41 ຄົນ ແລະໄດ້
ຮັບບາດເຈັບອີກຈຳນວນນຶ່ງ.

ການໂຈມຕີທີ່ວ່ານີ້ ມີຂຶ້ນຢູ່ເມືອງ Bajur ທີ່ສູນກາງ
ແຈກຢາຍອາຫານຂອງໂຄງການອາຫານໂລກ ທີ່ໃຫ້
ຄວາມຊ່ອຍເຫຼືອ ຜູ້ປະສົບໄພ ຈາກບັນຫາຂັດແຍ້ງ.
ໂຄສົກຄົນນຶ່ງຂອງໂຄງການອາຫານໂລກ ໃນປາກິສ
ຖານກ່າວວ່າ ບໍ່ມີພະນັກງານຂອງໂຄງການ ໄດ້ຮັບ
ບາດເຈັບແຕ່ຢ່າງໃດ.

ເຈົ້າໜ້າທີ່ເວົ້າວ່າ ຜູ້ໂຈມຕີໄດ້ໃສ່ຊຸດທີ່ມີຜ້າປົກໜ້າ ແຕ່ກໍຍັງມີລາຍງານທີ່ຂັດແຍ້ງກັນກ່ຽວ
ກັບວ່າ ຜູ້ໂຈມຕີເປັນແມ່ຍິງ ຫຼືເປັນຜູ້ຊາຍທີ່ປອມໂຕເປັນແມ່ຍິງກັນແທ້.

ເຂດດັ່ງກ່າວນີ້ ແມ່ນຕັ້ງຢູ່ໃກ້ກັບຊາຍແດນອັຟການິສຖານ ຊຶ່ງເປັນເຂດທີ່ເຈົ້າໜ້າທີ່ສະຫະ
ລັດເວົ້າວ່າເປັນບ່ອນຫຼົບລີ້ຂອງພວກຫົວຮຸນແຮງທາລີບານແລະກຸ່ມກໍ່ການຮ້າຍອາລກາຍ
ດານັ້ນ.

ເຈົ້າໜ້າທີ່ລັດຖະບານປາກິສຖານກ່າວໃນວັນເສົາມື້ນີ້ວ່າ ມີພວກຫົວຮຸນແຮງ 40 ຄົນໄດ້
ຖືກຂ້າຕາຍໃນລະຫວ່າງການໂຈມຕີທາງອາກາດຂອງກອງທັບປາກິສຖານ ຢູ່ໃນເຂດຊົນ
ເຜົ່າ Mohmand.

ໃນອີກດ້ານນຶ່ງເຈົ້າໜ້າທີ່ເວົ້າວ່າ ເຮືອບິນເຮຣີຄອບເຕີ້ທີ່ໄດ້ຮັບການສະໜັບສະໜຸນໂດຍ ປືນໃຫຍ່ທີ່ຍິງຈາກພາກພື້ນດິນ ໄດ້ໂຈມຕີບ່ອນຫຼົບລີ້ຂອງພວກຫົວຮຸນແຮງ ໃນບໍລິເວນ ຊາຍແດນທີ່ຕິດກັບອັຟການິສຖານ.

ການໂຈມຕີທີ່ວ່ານີ້ ມີຂຶ້ນນຶ່ງມື້ຫຼັງຈາກພວກຫົວຮຸນແຮງປະມານ 150 ຄົນໄດ້ບຸກໂຈມຕີ
ດ່ານກວດ 5 ບ່ອນຂອງລັດຖະບານໃນເຂດ Mohmand ທີ່ພາໃຫ້ມີການປະທະກັນເກີດ
ຂຶ້ນທີ່ເຮັດໃຫ້ທະຫານ 11 ຄົນ ແລະພວກຫົວຮຸນແຮງ 24 ຄົນເສຍຊີວິດນັ້ນ.

XS
SM
MD
LG