ບັນດາເຈົ້າໜ້າທີ່ໃນພາກຕາເວັນຕົກສຽງເໜືອຂອງປາກິສຖານກ່າວໃນວັນເສົາວານນີ້ວ່າ ຈໍານວນຜູ້ເສຍຊີວິດຈາກການວາງລະເບີດສະລະຊີບຢູ່ຕະຫຼາດທີ່ເຕັມໄປດ້ວຍຜູ້ຄົນແຫ່ງ
ນຶ່ງ ໃນເຂດຊົນເຜົ່າ Kurram ໄດ້ເພີ່ມຂຶ້ນເປັນຢ່າງໜ້ອຍ 32 ຄົນແລ້ວ.
ບັນດາເຈົ້າໜ້າທີ່ກ່າວວ່າ ຜູ້ວາງລະເບີດສະລະຊີບຄົນນີ້ທີ່ຂີ່ລົດຈັກມາໄດ້ຈູດກະນວນວັດ
ຖຸລະເບີດຂອງຜູ້ກ່ຽວຢູ່ໃກ້ໆກັບຕະຫຼາດທີ່ມີຜູ້ຄົນອັ່ງອໍກັນເຕັມຢູ່ແຫ່ງນຶ່ງ ໃນເມືອງ Pa
rachinar ໃນປະມານເວລາທີ່ ຜູ້ຄົນພາກັນທໍາການສວດມົນພາວະນາໃນວັນສຸກຜ່ານ
ມານີ້. ການລະເບີດດັ່ງກ່າວຍັງໄດ້ເຮັດໃຫ້ມີຜູ້ໄດ້ຮັບບາດເຈັບ ຫລາຍກວ່າ 60 ຄົນແລະ
ທໍາລາຍຮ້ານຄ້າຫລາຍຫລັງ. ລາຍງານທ້ອງຖິ່ນກ່າວວ່າ ການວາງລະເບີດນີ້ແມ່ນແນ
ເປົ້າໝາຍໃສ່ພວກຊາວມຸສລິມນິກາຍ Shi’ite.
ພວກປະຊາຊົນໃນທ້ອງຖິ່ນກ່າວວ່າ ໃນເວລາຕໍ່ມາ ຕໍາຫລວດໄດ້ຍິງປະຊາຊົນຕາຍຕື່ມ
ອີກ ຢ່າງໜ້ອຍ 3 ຄົນທີ່ພາກັນອອກເດີນຂະບວນເພື່ອທໍາການປະທ້ວງຕໍ່ການໂຈມຕີ
ດັ່ງກ່າວ. ໄດ້ມີການຫ້າມຄົນອອກສັນຈອນໄປມາໃນຍາມກາງຄືນຢູ່ໃນເມືອງດັ່ງກ່າວໃກ້
ກັບຊາຍແດນອັຟການິສຖານນັ້ນ ເພື່ອປ້ອງກັນບໍ່ໃຫ້ມີການປະທ້ວງຕື່ມອີກ.
ກຸ່ມຕາລີບັນທ້ອງຖິ່ນທີ່ນ້ອຍໆກຸ່ມນຶ່ງ ໄດ້ອ້າງເອົາຄວາມຮັບຜິດຊອບໃນການໂຈມຕີດັ່ງ
ກ່າວ ອິງຕາມຄໍາເວົ້າຂອງນາຍ Fazal Saeed ທີ່ກ່າວວ່າ ລາວເປັນຫົວໜ້າກຸ່ມຕາລີ
ບັນນ້ອຍໆກຸ່ມນີ້. ໃນການກ່າວກັບບັນດານັກຂ່າວທາງໂທລະສັບ ນາຍ Saeed ກ່າວ
ວ່າການໂຈມຕີຄັ້ງນີ້ແມ່ນເປັນການແກ້ແຄ້ນຕໍ່ການໂຈມຕີຂອງພວກນິກາຍ Shi’ite ຫລາຍ
ບັ້ນຕໍ່ຊາວມຸສລິມນິກາຍຊຸນນີໃນຂົງເຂດນັ້ນ.
ເຂດຊົນເຜົ່າ Kurram ເປັນເຂດຢູ່ອາໃສທີ່ໃຫຍ່ສົມຄວນຂອງພົນລະເມືອງນິກາຍ
Shi’ite ປະເທດທີ່ຄອບງໍາໂດຍຊາວມຸສລິມນິກາຍຊຸນນີນັ້ນ. ຂົງເຂດດັ່ງກ່າວໄດ້ເປັນ
ບ່ອນທີ່ມີການໂຈມຕີສະລະຊີບແລະຄວາມວຸ້ນວາຍທາງສາສະໜາອື່ນໆ ສ່ວນໃຫຍ່
ແມ່ນກໍ່ຂຶ້ນໂດຍພວກນັກຕໍ່ສູ້ຫົວຮຸນແຮງມຸສລິມນິກາຍຊຸນນີ ຮວມທັງພວກຕາລີບັນ
ແລະເຄືອຂ່າຍ al-Qaida ນັ້ນ.
