ລິ້ງ ສຳຫລັບເຂົ້າຫາ

ຢ່າງໜ້ອຍ 8 ຄົນ ເສຍຊີວິດ ຢູ່ພາກຕາເວັນຕົກສຽງ​ເໜືອ ຂອງປາກິສຖານ

  • ດຣ. ສິມມາລາ

ເຂດ Bajaur ທີ່ກອງທັບປາກິສຖານກໍໄດ້ປະຕິບັດງານ ຕໍ່ຕ້ານພວກຫົວຕໍ່ສູ້ຢູ່ໃນເຂດມາແລ້ວຫລາຍຄັ້ງ.

ພວກເຈົ້າໜ້າທີ່ຢູ່ໃນພາກຕາເວັນຕົກສຽງ​ເໜືອຂອງປາກິສຖານເວົ້າວ່າ ລະເບີດລູກນຶ່ງ ໄດ້ແຕກຂຶ້ນຢູ່ຕະຫລາດທີ່ແອອັດແຫ່ງນຶ່ງ ຊຶ່ງໄດ້ສັງຫານຢ່າງໜ້ອຍ 8 ຄົນ.

​ເຫດການລະເບີດດັ່ງກ່າວໄດ້ເກີດຂຶ້ນໃນວັນພະຫັດມື້ນີ້ ຢູ່ໃນເຂດ Salarzai ຊຶ່ງເປັນ
ເຂດນຶ່ງ ຢູ່ໃນເມືອງຂອງພວກຊົນເຜົ່າ Bajur ໃກ້ກັບຊາຍແດນອັຟການິສຖານ.

​ເຈົ້າ​ໜ້າ​ທີ່​ກ່າວ​ວ່າ ມີ​ເດັກນ້ອຍ 2 ຄົນ​ລວມຢູ່​ໃນ​ພວກ​ທີ່​ເສຍ​ຊີ​ວິດ ​ແ​ລະ​ຢ່າງ​ໜ້ອຍ 20
​ໄດ້​ຮັບ​ບາດ​ເຈັບ ​ໃນ​ການ​ໂຈມ​ຕີ​ຄັ້ງ​ນີ້ ທີ່​ໄດ້​ທໍາລາຍ​ຮ້ານ​ຄ້າ​ແລະ​ລົດ​ລາ​ທີ່ຢູ່ໃກ້ໆ​ນັ້ນ.

ຍັງບໍ່ມີກຸ່ມໃດອ້າງເອົາຄວາມຮັບຜິດຊອບ ໃນທັນທີນີ້​ເທື່ອ ​ແຕ່ພວກຕາລີບັນ​ໃນປາ
ກິສຖານ ມີປະຫວັດໃນການທໍາການໂຈມຕີມາແລ້ວຫລາຍຄັ້ງ ຢູ່ໃນເຂດດັ່ງກ່າວ.

ທາ​ງກອງທັບ​ປາ​ກິ​ສຖານ​ກໍ​ໄດ້​ປະຕິບັດ​ງານ ​ຕໍ່ຕ້ານ​ພວກ​ຫົວ​ຕໍ່ສູ້​ຢູ່​ໃນ​ເຂດ Bajaur ມາ​ແລ້ວ​ຫລາຍ​ຄັ້ງ ເຊ່ນ​ກັນ.

XS
SM
MD
LG