ລິ້ງ ສຳຫລັບເຂົ້າຫາ

ປາກິສຖານກັງວົນ ກ່ຽວກັບການແຊກຊຶມ ຂອງພວກຫົວຮຸນແຮງ

  • ໄພສານ ວໍຣະຈັກ

ທະຫານປາກິສຖານ ທີ່ປະຈຳການຢູ່ໃນເຂດຊົນເຜົ່າ Waziristan ເໜືອ

ໜັງສືພິມທີ່ສຳຄັນຂອງສະຫະລັດສະບັບນຶ່ງ ລາຍງານວ່າ
ເຈົ້າໜ້າທີ່ອະວຸໂສໃນກອງທັບປາກິສຖານ ມີຄວາມວິຕົກ
ກັງວົນເພີ່ມຂຶ້ນກ່ຽວກັບການແຊກຊຶມເຂົ້າໄປໃນຖັນແຖວ
ຂອງພວກເຂົາເຈົ້າໂດຍພວກມຸສລິມທີ່ໃຫ້ການຊ່ອຍເຫຼືອ
ແກ່ພວກຫົວຮຸນແຮງ ໃນການເຮັດສົງຄາມຕໍ່ຕ້ານລັດຖະ
ບານນັ້ນ.

ໜັງສືພິມ Washington Post ລາຍງານໃນຕອນແລງ
ຂອງວັນສຸກວານນີ້ວ່າ ພວກທີ່ມີຄວາມວິຕົກກັງວົນ ໄດ້
ເພີ່ມຂຶ້ນຢ່າງຫຼວງຫຼາຍ ນັບແຕ່ໜ່ວຍກ້າຕາຍສະຫະລັດ
ໄດ້ສັງຫານຜູ້ນຳກຸ່ມກໍ່ການຮ້າຍອາລກາຍດານາຍ Osa-
ma bin-Laden ໃນການບຸກເຂົ້າໄປໂຈມຕີແບບລັບໆຢູ່
ໃນປາກິສຖານໃນຕົ້ນເດືອນນີ້.

ໜັງສືພິມດັ່ງກ່າວເວົ້າຕື່ມວ່າ ຜູ້ບັນຊາການສູງສຸດຂອງ
ກອງທັບປາກິສຖານນາຍພົນ Ashfag Kayani ໄດ້ຕື່ນ
ຕົກໃຈເມື່ອຮູ້ເລື່ອງວ່າ ນາຍ bin-Laden ພັກ ເຊົາຢູ່ໃກ້ໆ
ກັບ ສະຖາບັນການສຶກສາທະຫານທີ່ມີຊື່ສຽງຂອງປາ
ກິສຖານ.

ໃນມື້ວັນສຸກວານນີ້ ລັດຖະມົນຕີການຕ່າງປະເທດສະຫະລັດທ່ານນາງ Hillary Clin-
ton ໄດ້ເດີນທາງໄປຢ້ຽມຢາມ ນະຄອນຫຼວງອິສລາມາບັດ ແບບບໍ່ມີການປະກາດໃຫ້
ຊາບລ່ວງໜ້າບ່ອນທີ່ທ່ານນາງໄດ້ພົບປະກັບປະທານາທິບໍດີປາກິສຖານ ນາຍົກລັດຖະ
ມົນຕີແລະເຈົ້າໜ້າທີ່ອະວຸໂສຄົນອື່ນໆ.

ທ່ານນາງກ່າວວ່າ ສະຫະລັດບໍ່ມີເຫດຜົນໃດໆທີ່ຈະເຊື່ອວ່າ ມີເຈົ້າໜ້າທີ່ຄົນໃດຄົນນຶ່ງ ໃນລະດັບສູງສຸດຂອງລັດຖະບານປາກິສຖານຮູ້ວ່ານາຍ bin-Laden ຢູ່ທີ່ນັ້ນ. ແຕ່ແນວ
ໃດກໍຕາມທ່ານນາງ Clinton ກ່າວວ່າ ພວກຜູ້ນຳຂອງປາກິສຖານພ້ອມແລ້ວທີ່ຈະແຈ້ງ
ໃຫ້ຊາບວ່າ ບຸກຄົນໃດ ຢູ່ໃສ ເປັນຜູ້ໃຫ້ການສະໜັບສະໜຸນແກ່ນາຍ bin-Laden ແລະ
ປາກິສຖານກຳລັງທຳການສືບສວນກ່ຽວກັບ ເລື່ອງນີ້ຢູ່.

ໜັງສືພິມ Washington Post ລາຍງານວ່າ ຄວາມວິຕົກກັງວົນກ່ຽວກັບການແຊກ
ຊຶມເຂົ້າໄປໃນຖັນແຖວຂອງກອງທັບກໍມີສາເຫດອີກຄືກັນມາຈາກການໂຈມຕີໃນສັບປະ
ດານີ້ ຕໍ່ຖານທັບເຮືອທີ່ນະຄອນກາຣາຈີໂດຍພວກກະບົດທີ່ປະກອບອາວຸດເຕັມອັດຕາ.
ໜັງສືພິມສະບັບນີ້ເວົ້າວ່າ ການໂຈມຕີທີ່ວ່ານີ້ ແມ່ນເຊື່ອກັນຢ່າງກວ້າງຂວາງວ່າໄດ້ຮັບ
ການຊ່ອຍເຫຼືອຈາກພາຍໃນ.

XS
SM
MD
LG