ລິ້ງ ສຳຫລັບເຂົ້າຫາ

ບັນດາ​ເຈົ້າໜ້າ​ທີ່​ຮັກສາ​ຄວາມ​ປອດ​ໄພ​ໃນ​ເຂດ​ຕາ​ເວັນ​ຕົກ​ສຽງ​ເໜືອຂອງ ປາ​ກິສຖານກ່າວ​ວ່າ ຍົນ​ໂດຣນ ຫລື​ເຮືອບິນ​ບໍ່ມີ​ຄົນ​ຂັບ​ຂອງ​ສະຫະລັດ​ລໍາ​ນຶ່ງ ​ໄດ້​ສັງຫານ​ແປດ​ຄົນ ​ທີ່​ສົງ​ໃສ​ ວ່າ​ເປັນພວກ​ຫົວ​ຕໍ່ສູ້.

​ເຈົ້າໜ້າ​ທີ່​ກ່າວ​ອີກ​ວ່າ ລູກ​ສອນ​ໄຟ​ສອງ​ລູກ​ທີ່​ຍິງຈາກ​ຍົນ​ໂດຣນ ​ໄດ້​ຕົກ​ໃສ່​ເຮືອນຫຼັງນຶ່ງ ທີ່​ເມືອງ Shawal ໃນເຂດ​ຊົນ​ເຜົ່າ Waziristan ​ເໜືອ ໃກ້​ຊາຍ​ແດນ​ຕິດ​ກັບ​ອັຟກາ​ນິສຖານ.

ການ​ໂຈມ​ຕີ​ຂອງຍົນ​ໂດຣນນັ້ນ ​ໄດ້​ກາຍ​ເປັນ​ບັນຫາ​ຜິດຖຽງ​ກັນຫຼາຍຂຶ້ນ​ໄປ​ນັບ​ມື້​ລະຫວ່າງ​ວໍ​ຊິງ​ຕັນ ​ແລະ​ອີສລາມາ​ບັດ. ຄວາມສໍາພັນ​ລະ​ຫວາງ​ທັງ​ສອງ​ພັນທະ​ມິດ ​ໄດ້​ຕົກ​ຕໍ່າລົງ​ເຖິງ​ຂັ້ນ​ວິ​ກິດ​ການ ຫຼັງຈາກ​ການ​ໂຈມ​ຕີ​ທາງ​ອາກາດ​ຂອງ​ສະຫະລັດ ໄດ້​ສັງຫານ​ທະຫານ​ປາ​ກິສຖານ 24 ຄົນ ​ໃນ​ເດືອນ​ພະຈິກ​ປີຜ່ານມາ ທີ່​ຍັງ​ຜົນ​ໃຫ້​ປາ​ກິສຖານ​ ອັດ​ຊາຍ​ແດນຂອງຕົນ ​ຕິດ​ກັບ​ອັຟກາ​ນິສຖານ​ ທີ່​ເປັນດ່ານລໍາ​ລຽງ​ສະບຽງ​ຕ່າງ​ໆຂອງ​ເນ​ໂຕ້ ​ເຂົ້າ​ໄປ​ຍັງ​ອັຟກາ​ນິສຖານ​ນັ້ນ.

ປາກີສຖານ​ໄດ້​ທວງ​ໃຫ້​ສະຫະລັດ​ຂໍ​ໂທດ​ ສໍາລັບ​ການ​ໂຈມ​ຕີ​ທາງ​ອາກາດ​ໃນ​ເດືອນ​ພະຈິກ​ນັ້ນ ​ແຕ່​ສະຫະລັດ​ປະຕິ​ເສດ.

ປາ​ກີ​ສຖານ​ກ່າວ​ວ່າ ການ​ໂຈມ​ຕີ​ດ້ວຍ​ລູກ​ສອນ​ໄຟ​ນັ້ນ ​ເປັນ​ການຕ້ານ​ຜົນ​ປະ​ໂຫຍ​ດ ລະ​ເມີດ​ປະ​ທິປະ​ໄຕ​ຂອງຕົນ ​ເຂັ່ນຂ້າ​ພົນລະ​ເຮືອນ ​ແລະ​ເຮັດ​ໃຫ້ຄວາມ​ຮູ້ສຶກ​ຕໍ່ຕ້ານສະຫະລັດເພິ່ມທະວີ​ຂຶ້ນ.

XS
SM
MD
LG