ລິ້ງ ສຳຫລັບເຂົ້າຫາ

ເຈົ້າໜ້າທີ່ຮັກສາຄວາມສະຫງົບປາກິສຖານ ກ່າວວ່າ ການ
ແຕກຂຶ້ນຂອງລະເບີດແຄມທາງລູກນຶ່ງໄດ້ສັງຫານທະຫານ
ປາກິສຖານ 6 ຄົນ ແລະເຮັດໃຫ້ມີຜູ້ໄດ້ຮັບບາດເຈັບ ອີກ
ຢ່າງນ້ອຍ 2 ຄົນຢູ່ໃນເຂດພາກຕາເວັນຕົກສຽງເໜືອຂອງ
ປະເທດ.

ເຈົ້າໜ້າທີ່ເວົ້າວ່າ ລົດຂອງກອງພັນຮັກສາຊາຍແດນໄດ້ຢຽບ
ລະເບີດໃນເຂດຊົນເຜົ່າ Orakzai ໃນວັນສຸກມື້ນີ້.

ເຂດ Orakzai ເຄີຍເປັນຈຸດເພັ່ງເລັງໃນການບຸກໂຈມຕີ
ຂອງທະຫານປາກິສຖານ ຕໍ່ພວກທາລີບານ. ໃນເດືອນມິ
ຖຸນາປີນີ້ກອງທັບປາກິສຖານກ່າວວ່າ ການປະຕິບັດງານ
ປາບປາມພວກທາລີບານໃນເຂດ Orakzai ໄດ້ສິ້ນສຸດ
ລົງດ້ວຍຄວາມສຳເລັດຜົນ ແຕ່ການຕໍ່ສູ້ຂອງພວກຫົວຮຸນ
ແຮງ ໃນເຂດດັ່ງກ່າວ ຍັງດຳເນີນຢູຕໍ່ມາ.

ສ່ວນຢູ່ເຂດອື່ນໆໃນພາກຕາເວັນຕົກສຽງເໜືອຂອງປາກິສຖານນັ້ນ ໄດ້ເກີດເຫດລະເບີດ
ຂຶ້ນທີ່ວັດແຫ່ງນຶ່ງຂອງສາສະໜາອິສລາມ ເຮັດໃຫ້ມີຢ່າງນ້ອຍ 2 ຄົນເສຍຊີວິດ ແລະອີກ
11 ຄົນໄດ້ຮັບບາດເຈັບ. ເຈົ້າໜ້າທີ່ກ່າວວ່າ ເຫດລະເບີດທີ່ວ່ານີ້ໄດ້ເກີດຂຶ້ນ ລຸນຫຼັງພິທີ
ສວດມົນພາວະນາ ທີ່ວັດເມືອງ Peshawar ໃນວັນສຸກມື້ນີ້.

ຂະນະດຽວກັນເຈົ້າໜ້າທີ່ກ່າວວ່າ ມືປືນຄົນນຶ່ງໄດ້ຍິງປືນໃສ່ໂຮງພະຍາບານທີ່ນະຄອນຫຼວງ
ຂອງປາກິສຖານ ເຮັດໃຫ້ມີຜູ້ໄດ້ຮັບບາດເຈັບ 3 ຄົນ.

XS
SM
MD
LG