ລິ້ງ ສຳຫລັບເຂົ້າຫາ

ສານສູງສຸດ ປາກິສຖານ ສັ່ງໃຫ້ສືບສວນ ການສໍ້ລາດ ຂອງປະທານາທິບໍດີ


ສານສູງສຸດຂອງປາກິສຖານ ອອກຄໍາສັ່ງໃຫ້ນາຍົກລັດຖະມົນຕີຄົນໃໝ່ ສືບຕໍ່ການດໍາເນີນຈະດີ ສໍ້ລາດບັງຫລວງ ຂອງປະທານາທິບໍດີ Asif Ali Zardari.

ສານ​ສູງ​ສຸດ​ຂອງປາກິ​ສຖານ ​ໄດ້​ອອກ​ຄໍາ​ສັ່ງ​ໃຫ້ນາຍົກລັດຖະມົນ​ຕີ​ຄົນ​ໃໝ່ປະ​ເທດ ສືບ​ຕໍ່​
ການ​ດຳ​ເນີນ​ຄະ​ດີ ສໍ້ລາດ​ບັງ​ຫລວງ ​ຕໍ່ປະທານາທິບໍດີ Asif Ali Zardari.

ໃນ​ການ​ຕັດສິນ​ ​ເມື່ອວັນ​ພະຫັດວານ​ນີ້ ຜູ້​ພິພາກສາ​ສ Asif Saeed Khosa ​ຍັງໄດ້​ສັ່ງ​ໃຫ້
ນາຍົກລັດຖະມົນ​ຕີ Raja Pervez Ashraf ສົ່ງ​ລາຍ​ງານ​ກ່ຽວ ກັບການຄົ້ນ​ພົບຂອງ​ທ່ານ​ໄປ
​ໃຫ້​ສານ ​ພາຍໃນ​ວັນ​ທີ 25 ​ເດືອນ​ກໍລະກົດ.

ລັດຖະບານ​ໄດ້​ປະຕິ​ເສດ​ມາ​ດົນ​ນານ​ແລ້ວ ບໍ່​ຍອມຕິດຕາມດຳ​ເນີີນ​ຄະດີ​ສໍ້ລາດ​ບັງຫລວງ ທີ່​
ສານ​ໄດ້​ກ່າວ​ອ້າງ ຕໍ່ປະທານາທິບໍດີ ​ໂດຍ​ກ່າວ​ວ່າ​ໃນ​ຂະນະ​ທີ່​ຍັງ​ຢູ່​ໃນ​ຕໍາ​ແໜ່​ງນັ້ນ ທ່ານ
Zardari ​ໄດ້ຮັບຄວາມ​ຄຸ້ມຄອງ​ ຈາກການ​ຟ້ອງ​ຮ້ອງ​ໃດໆ​ກໍ​ຕາມ. ປະທານາທິບໍດີປາ​ກິ​ສ
ຖານ ​ໄດ້​ປະຕິ​ເສດ​ວ່າ ທ່ານບໍ່​ໄດ້​ເຮັດ​ຫຍັງ​ຜິດ.

ໃນເດືອນ​ແລ້ວ​ນີ້ ສານ​ສູງ​ສຸດ​ຂອງປາກິ​ສຖານ​ໄດ້​ຕັດສິນ​ວ່າ ນາຍົກລັດຖະມົນ ຕີ​ຄົນ​ກ່ອນ
ທ່ານ Yousuf Raza Gilani ບໍ່ມີ​ຄຸນສົມບັດ​ທີ່​ຈະ​ເປັນ​ນາຍົກລັດ ຖະມົນຕີ​ໄດ້ ຫລັງ​ຈາກ​ສານ
​ພົບເຫັນ​ວ່າທ່ານ​ມີ​ຄວາມ​ຜິດ ​ໃນ​ຖານ​ໝິ່ນປະໝາດ ສານ ໂດຍບໍ່​ຟັງຄໍາສັ່ງ ​ເພື່ອ​ຮ້ອງ​ຂໍ​ໃຫ້
ສະ​ວິສເຊີ​ແລນ ທຳ​ການ​ສືບສວນສອບ​ສວນ​ ກ່ຽວ​ກັບ​ການ​ກ່າວ​ອ້າງ ​ໃນການສໍ້ລາດ​ບັງ
ຫລວງ ຕໍ່​ປະທານາທິບໍດີນັ້ນ.

XS
SM
MD
LG