ເຈົ້າໜ້າທີ່ ໃນພາກກາງຂອງປາກິສຖານ ກ່າວວ່າ ເກີດເຫດການ
ແຕກຕື່ນແລ່ນຢຽບກັນ ຢູ່ບ່ອນຊຸມນຸມທາງການເມືອງແຫ່ງນຶ່ງ
ເຮັດໃຫ້ມີ 7 ຄົນເສຍຊີວິດ ແລະຢ່າງນ້ອຍ 40 ຄົນໄດ້ຮັບບາດເຈັບ.
ບັນດາເຈົ້າໜ້າທີ່ ກ່າວວ່າ ປະຊາຊົນຜູ້ທີ່ເສຍຊີວິດນັ້ນ ແມ່ນພວກ
ທີ່ລົ້ມລົງ ແລ້ວຖືກຢຽບໂດຍພວກທີ່ຟ້າວຟັ່ງແລ່ນຍາດກັນ ອອກ
ໄປຈາກເດີ່ນກິລາ ບໍ່ດົນຫຼັງຈາກອະດີດນັກກິລາຄຣິກເເກັດ ທີ່ຫັນ
ມາເປັນນັກການເມືອງ ທ່ານ Imar Khan ສິ້ນສຸດການກ່າວຄຳ
ປາໄສຂອງທ່ານ ໃນຕອນແລງ ວັນສຸກວານນີ້.
ທ່ານ Khan ໄດ້ນຳພາການປະທ້ວງຢ່າງຂະໜານໃຫຍ່ ຢູ່ໃນນະຄອນ ຫລວງອິສລາມາບັດ ມາຕັ້ງແຕ່ເດືອນສິງຫາຜ່ານມາ ເພື່ອຮຽກຮ້ອງ ໃຫ້ນາຍົກລັດຖະມົນຕີ Nawaz Sharif ລົງອອກຈາກຕຳແໜ່ງ ທີ່ສືບເນື່ອງມາຈາກ ການກ່າວຫາວ່າ ທ່ານສໍ້ໂກງການເລືອກຕັ້ງ ຄັ້ງປີ 2013 ນັ້ນ.
ການຊຸມນຸມຂອງຝ່າຍນິຍົມທ່ານ Khan ຢູ່ແຫ່ງອື່ນໆ ໃນປາກິສຖານ ສ່ວນໃຫຍ່ແລ້ວ ແມ່ນ ປາດສະຈາກເຫດການວຸ້ນວາຍໃດໆເກີດຂຶ້ນ.
