ປາກິສຖານໄດ້ສະແດງຄວາມ “ຕື່ນຕົກໃຈ ແລະໂສກເສົ້າ”
ຫລັງຈາກໄດ້ມີການ ເປິດເຜີຍວ່າ ການປະຕິບັດງານ ຕໍ່ຕ້ານ
ການກໍ່ການຮ້າຍສະຫະລັດ ໄດ້ບັງເອີນ ສັງຫານໂຕປະກັນ
ຜູ້ຊາຍສອງ ທີ່ເປັນພະນັກງານໃຫ້ການຊ່ວຍເຫລືອຊາວອາ
ເມ ຣິກັນຄົນນຶ່ງ ແລະຊາວອີຕາລີຄົນນຶ່ງ ທີ່ຖືກກຸ່ມ al-
Qaida ຈັບໂຕໄວ້ຢູ່ໃນບໍລິ ເວນຊາຍແດນອັຟການິສຖາ
ຕິດກັບປາກິສຖານ.
ກະຊວງຕ່າງປະເທດປາກິສຖານ ໄດ້ສະແດງ “ຄວາມເສົ້າ
ສະລົດໃຈຕໍ່ຄອບຄົວຜູ້ເຄາະຮ້າຍ” ແລະກ່າວວ່າ ການເສຍ
ຊີວິດຂອງໂຕປະກັນສອງຄົນ “ໃນການໂຈມຕີຂອງເຮືອບິນ
ບໍ່ມີຄົນຂັບ ໄດ້ສະແດງໃຫ້ເຫັນເຖິງຄວາມສ່ຽງ ແລະຜົນທີ່ຕິດຕາມມາແບບບໍ່ຕັ້ງໃຈ ຂອງການນຳໃຊ້ເທັກໂນໂລຈີທີ່ປາກິສຖານໄດ້ກ່າວເນັ້ນມາເປັນເວລາດົນນານແລ້ວນັ້ນ.
ເຈົ້າໜ້າທີ່ສະຫະລັດ ຄົນນຶ່ງໄດ້ກ່າວຕໍ່ ວີໂອເອ ໃນວັນພະຫັດວານນີ້ວ່າ ພວກໂຕປະກັນ
ຄືທ່ານ Warren Weinstein ທີ່ເປັນຊາວອາເມຣິກັນ ແລະ ທ່ານ Giovanni Lo Porto
ທີ່ເປັນຊາວອີຕາລີ ໄດ້ຖືກສັງຫານ ໃນລະຫວ່າງການໂຈມຕີ ໂດຍເຮືອບິນບໍ່ມີຄົນຂັບ ໃນ
ວັນທີ 14 ເດືອນມັງກອນ ທີ່ຜ່ານມານີ້.
ປະທານາທິບໍດີ Barack Obama ໄດ້ຂໍຄະມາໂທດເປັນການສ່ວນຕົວຕໍ່ເຫດ ການດັ່ງ
ກ່າວ. ທ່ານໂອບາມາຖະແຫລງທີ່ທຳນຽບຂາວວ່າ “ໃນນາມປະທານາ ທິບໍດີແລະຜູ້ບັນ
ຊາການສູງສຸດ ຂ້າພະເຈົ້າຂໍຮັບເອົາຄວາມຮັບຜິດຊອບທັງໝົດ ໃນການປະຕິບັດງານ
ຕໍ່ຕ້ານການກໍ່ການຮ້າຍ ຮວມທັງການປະຕິບັດງານທີ່ໄດ້ເຮັດໃຫ້ ທ່ານ Warren ແລະ
ທ່ານ Giovanni ເສຍຊີວິດນັ້ນ ຂ້າພະເຈົ້າມີຄວາມເສຍໃຈເປັນທີ່ສຸດຕໍ່ສິ່ງທີ່ໄດ້ເກີດຂື້ນ.”
ທ່ານ Obama ໄດ້ກ່າວຕໍ່ບັນດານັກຂ່າວວ່າ “ອີງຕາມການສືບລັບທີ່ພວກເຮົາໄດ້ມາໃນ
ເວລານັ້ນ ຮວມທັງການສັງເກດການຫລາຍຮ້ອຍຊົ່ວໂມງ ພວກເຮົາເຊື່ອວ່າ ນີ້ເປັນຄ້າຍ
ຂອງກຸ່ມ al-Qaida ທີ່ບໍ່ມີພົນລະເຮືອນຢູ່ໃນນັ້ນ ແລະການຈັບໂຕພວກຜູ້ກໍ່ການຮ້າຍ
ເຫລົ່ານີ້ ແມ່ນເປັນໄປບໍ່ໄດ້.”
ບັນດາເຈົ້າໜ້າທີ່ສະຫະລັດ ກ່າວວ່າ ທ້າວ Ahmed Farouq ທີ່ເປັນຊາວອາເມຣິກັນ ຊຶ່ງ
ທຳນຽບຂາວເຊື່ອວ່າ ເປັນຜູ້ນຳກຸ່ມ al-Qaida ໄດ້ຖືກສັງຫານຢູ່ໃນການປະຕິດບັດງານ
ດຽວກັນນີ້. ບັນດາເຈົ້າໜ້າທີ່ສະຫະລັດ ຍັງລົງຄວາມເຫັນອີກວ່າ ທ້າວ Adam Gadahn
ທີ່ເປັນຊາວອາເມຣິກັນ ຊຶ່ງມີໜ້າທີ່ເປັນໂຄສົກໃຫ້ແກ່ຕາໜ່າງກໍ່ການຮ້າຍ ກໍໄດ້ຖືກສັງ
ຫານກໍໄດ້ຖືກສັງຫານ ຢູ່ໃນການ ປະຕິບັດງານນຶ່ງອີກຕ່າງຫາກຂອງອາເມຣິກາ ໃນ
ເດືອນມັງກອນຜ່ານມາ.
